1 SAMUEL 22:7 - OTSAO BAIBEL (BSI)

⁷ Chixe chix nguakax-wangkhobu ang thüi: “Benjamin khünaknu apalax! Dawid-e hünzom ang haxtok hia grep haxtok koxüi ilaxle hünzom a chixe ma nguakax-wangkhobu ang achangüihexle hünzome thütpia?

1 SAMUEL 22:7 ပူးပေါင်းရင်းမြစ်များ

1 WANGHOMBU 12:16

Chemtue khünaknue, wanghompa-e hwom zangwün to na münthaüile ngünle laxpuix, hwome akhongle thüi: “Dawid hia chix homkha athaidao! Hwome kem hanpak ang chem alanle fadao? Israel khünaknu mahom-hom to fanhax! Rehoboam-e chix mo chixe alüile naxwünkox!” Ikhoma Israel khünaknu wanghompa füi apüile ajong,

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

2 SAMUEL 20:1

Gilgal ma, Benjamin khünak Bikri sasün Sheba le amünkya chilaxli khünak tuita tüikya. Chixe nyazong müt ilaxle akhong: “Dawid athaidao! Kwom chix füito münazui! Israel khünaknu, khax-a, hom to chatlax!”

1 SAMUEL 25:10

ilaxle oshuk ma Nabal-e lan: “Dawid o? Chix a owa? Kue chix mowün otuechu ma-atat! Anyix-ngainyix chaxwan a paole samkya dabue awangle tüile!

1 SAMUEL 22:13

Sol-e chix ma atüi: “Dawid hünkhie ku büthüikoxle tung ngo? Nange ku ang süt kox, changlo kox ilaxlechu chix bama Jowanpa ma tsaitik-kaxsho, ile büthüikoxle hwonpu? Athaxpi chix a ku zongto zanpa ang achangdaoa ilaxle ku mik amüt angkya oshua to hule ngole!”

1 SAMUEL 22:9

Doeg a ikhama Sol nguakax-wangkhobu füi tomle ajongle tüikya; ilaxle chixe thüi: “Chix, Ahitub sasün Ahimelek hato Nob to nguipongma Dawid kue ngünle laxdaoa.

1 SAMUEL 20:30

Sol ang Jonathan füi mong huanuma tsik ilaxle thüi: “Hünnu a mongong angkya jao chimüile tüikya! Nang süisu-süisa! Nang a Dawid chima selaxle nang lualua to hünnu hünkhi thajao-wünhai ngopu!

1 SAMUEL 20:27

Ofüi nyix, Lyetzün Pangpwon füinyix chuwüi Dawid ngwotnui a ahuasakle tüi, ikhoma Sol-e Jonathan ma atüi: “Münyix hia anyix Dawid fongsax ang büthüikoxle chinguipuix?”

1 SAMUEL 18:14

ilaxle azankya ma chix-chixe wüi anaole hüi, chemthüikoxle Jowanpa chix füi tüile ngokoxle.

2 SAMUEL 18:1

Wanghompa Dawid-e chix khünakbu pangwüi tuita ma afox, hwom hajat hia oho pong ang achangle ahan, ilaxle othom foto lompabu kamle dan.

1 PUKAX-PANGAO 12:16

Hanpak tuita ma Dawid-e ziakople thomkya sak-hax to Benjamin hia Judah homjen tokya khünakbu othom tuita nguile hüi.