1 SAMUEL 22:16 - OTSAO BAIBEL (BSI)

¹⁶ Wanghompa-e thüi: “Ahimelek, nang tamchu hünzom homkha pangwüi mik max angkya changle.”

1 SAMUEL 22:16 ပူးပေါင်းရင်းမြစ်များ

WANWÜNKAX 28:15

Chichangchizangkya wanghompa tunthoma mixshix-zasabu a chifün chitüi; chix a mix to shingle hüikya chaxnu hia chepnu füi ngaxchu süshixkya changle.

WANGSHEMBU MWOT 12:19

Herod-e hwom ang chix lomdao le kaxkox. Ikoxle hwome chiatak tsuak. Idaile chixe nyetmixbu ma atüilaxle hwom lang angkya kaxkox. Ifüima Herod Jehudi chaxwan to ju ilaxle Kaisaria to hidaole nui.

MATHI 2:16

Otue tsingpa-manpabue chix dyendaoa le wanghom Herod-e awan ang koppuix, chix ang huanuma mongtsik. Ikhoma Bethlehem tamchu tomzi tingsho pangnukha tokya, zangpua anyi makhange fangchichi lüka naosom komle lang angkya kaxtom koxle chixe khünak apao. Chixe ile tsingpa-manpabu makhange lyettsi laikya hanpak tikle kopkya ma otuthüt laxle mok.

DANEL 2:12

Ija kax thoto wanghompa ang mongtsik dong ilaxle Babilon ma tüikya tüichong mixmüi okax-okhobu pangwüi langle awüt angkya kaxtom kox.

DANEL 2:5

Wanghompa-e hwom ang thüi: “Ku mongto ile thütdaoa, kue wünmang chemle ngünpuix ijachu hünzome wüi wünle faüi ilaxle ija chem hanpakhex ijachu hünzome wüi apuale fakoxle müiüi. Hünzome ija wünle kox ang chitho jangthüiba kue hünzom a cha-chak pangwüi apun-akhaile changüi ilaxle hünzom hom-haxbu a omüt tamting ang achangüi.

ESTAR 3:6

Chemtue chixe Mordekai a Judah khünak changle le awan ang koppuix, chixe Mordekai to sikangünkya to oziakaile Parsia haxtok angkya Judah khünak pangwüi mik amüt ang tung.

1 WANGHOMBU 19:2

She-e Elija hato kaxho akatle thüi: “Nange ajebu to chemle hwondaopuix ilailaile ngainyix ipongkhae kue nang to chihwon jangthüiba baozangbue ku naxlang.”

1 WANGHOMBU 18:4

ilaxle chemtue Jezebel-e Jowanpa ajebu langle awütpuix, ipongma Obadiah-e ajebu mixhuak hota pao ilaxle hwom othom anyi ma ahanlaxle mixhuak punyi-bün pong khomle thom, ilaxle hwom ang osüt-oling koxle hume.)

1 SAMUEL 20:31

Dawid zile machang tanto nang ija wangting ma tuita wanghom ang achang ang münthole nange matsing hexnyi? Athax ile paolax ilaxle chix a ikhato apüihüi; chix mik amüt angkya wüi changle!”

1 SAMUEL 14:44

Sol-e chix ang thüi: “Kue nang chilang jangthüi Zang-e mix ku mik max ang naxtomkox!”

TSAITONG-KAXTONG 24:16

“Hosu-sasün hwome mütkop-faolole changkya khoma honu-hopa hwom mik max ang müntomüi; ija lailaile honu-hopa hwome mütkople changkya khoma su-sa hwom mik amüt angkya münchang; khünak tuita a ma mütkop khomatix wüi mik max ang tomüi.

1 SAMUEL 22:15

Changle, kue chix hanpakma Zang füi kaxtik-ngaoshole changpu, ilaxle ijatix pongwang lükya chichang. Nang to tungle ngokya bama, wanghompa, nange ku to tamchu kwom homkha khünak owatochu tsaitox-kaxfekya taxtüi. Kue ija bama chemli-chemli münawan!”

1 SAMUEL 22:17

Ifüima chixe chix zui ma ajongle tüikya nyetmix tuita ang thüi: “Jowanpa zompu-zangpabu lang kox! Hwome Dawid ang paole azang angkya olom apuale mongkho adün laxle chix paole azang ang tomkya, hwome thoto wüi awanle ngokya kax ku hama münwün.” Ikoxlechu Jowanpa zompu-zangpabu to chak ajole münchangpu le chix nyetmixbue ija kax ma chilax.