1 SAMUEL 22:10 - OTSAO BAIBEL (BSI)

¹⁰ Ahimelek-e Jowanpa ma Dawid-e chem mok angkya hex ija bama kaxtik-ngaoshole chang, ilaxle chixe Dawid ang süt hidaole kox ilaxle Goliath nok changlo koxle apaodaoa.”

1 SAMUEL 22:10 ပူးပေါင်းရင်းမြစ်များ

HUAKE LAIPEX 27:21

Chixe nguapa Eliazar to mongongkya tüiüi, chemthüikoxle Urim hia Thummim twonlaxle chixe ku mongtex awanle tsuaküi. Ile Eliazar-e Jihusua tamchu Israel khünaknu pangnusa to pangwüi lom ma adangle fa ang thoüi.”

1 SAMUEL 30:8

Dawid-e Jowanpa ma atüi: “Ku ibu zan-nokbu füito azuile ziklaxle hwom kople apüiüi hia chemle changüi?” Jowanpae lan: “Hwom füito zikkox. Nange hwom ha alopüi ilaxle kople paokyabu sünle tüi ang thoüi.”

1 SAMUEL 23:4

Ikhoma Dawid-e Jowanpa füi tamchatle tsaitik-kaxshole chang. Jowanpae chix ang thüi: “Paokox ilaxle Keilah to singkox, chemthüikoxle Filistia nok to lüt angkya kue nang ang koxüi.”

1 SAMUEL 23:2

Ikhoma chixe Jowanpa ma atüi: “Ku paolaxle Filistia nok single changüi hex-o?” Jowanpa lan: “Paokox ilaxle hwom to singlaxle Keilah nok kho awale kopkox.”

1 SAMUEL 23:12

Dawid-e atüi: “Jangchang thüiningle Keilah noke ku tamchu ku khünakbu Sol chak to koxle apao angkya hia?” Jowanpae lan: “Hwome koxüi.”

1 SAMUEL 22:15

Changle, kue chix hanpakma Zang füi kaxtik-ngaoshole changpu, ilaxle ijatix pongwang lükya chichang. Nang to tungle ngokya bama, wanghompa, nange ku to tamchu kwom homkha khünak owatochu tsaitox-kaxfekya taxtüi. Kue ija bama chemli-chemli münawan!”

1 SAMUEL 22:13

Sol-e chix ma atüi: “Dawid hünkhie ku büthüikoxle tung ngo? Nange ku ang süt kox, changlo kox ilaxlechu chix bama Jowanpa ma tsaitik-kaxsho, ile büthüikoxle hwonpu? Athaxpi chix a ku zongto zanpa ang achangdaoa ilaxle ku mik amüt angkya oshua to hule ngole!”

1 SAMUEL 10:22

hwome Jowanpa ma atüi: “Iboma mama owawa tütüi ang chami?” Jowanpae lan: “Sol a tüi-mwot jali thomkya nuakfüi chito chukha to khünle tüile.”

1 SAMUEL 22:11

Ikhoma Sol-e nguapa Ahimelek hia chix homkha pangwüi se ang apao. Hwom a Nob hanpakma chu zompu-zangpabu changkya, ilaxle hwom a chix hato ngui.

1 SAMUEL 21:10

Ikhoma Dawid a Sol zantho to paole Gath nok wanghompa Akish hato ngui.