1 SAMUEL 20:41 - OTSAO BAIBEL (BSI)

⁴¹ Ija naosün chatkya füima, longbu athünle tüikya nuk tokya Dawid ajongle lai ilaxle chix chitong ma othom azom ma shwom. Jonathan hokhi akün laxle tata füi tun apongle sop; Dawid mongmae Jonathan mongma to kaile.

1 SAMUEL 20:41 ပူးပေါင်းရင်းမြစ်များ

1 SAMUEL 18:3

Jonathan-e chix tokya mongküne Dawid füi tamchiashuktoxkya zuikhui hex-ole tsaosax.

PONGWANG LAIPEX 29:11

Ifüima chixe she füi tun apong ilaxle mongmüile sop.

WANGSHEMBU MWOT 20:37

Hwome chix füi akünle wünzua tun apongkya zuma hwom pangwüi sop.

2 SAMUEL 19:39

Ifüima Dawid hia chix khünakbu pangwüi Jordan tale le. Chixe Barzillai füi tun apong ilaxle chix mohiman kox, ilaxle Barzillai a hom to chat.

2 SAMUEL 9:6

Chemtue Mefibosheth, Jonathan sasün tamchu Sol susün nguipuix, chix chathua zakya ahole Dawid chitong ma akhuxle shwom. Dawid-e nyak: “Mefibosheth.” Ilaxle chixe lan: “Alixachong, ku nang thotha manzai ang ikhama tüile.”

2 SAMUEL 1:26

“Ku nang mang soppu, ku tüita-naopa Jonathan; nang ku zongto chemtukux müikya dai! Ku tokya nang mongkün ohünotün, sheko tuita mongkün füi ngaxchu sümüile.

1 SAMUEL 25:23

Chemtue Abigail-e Dawid ngünle laxpuix, nonokhaile she mantsak-kho angkya thai ilaxle she tsangtsa haxkha tswonle awütle

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

PONGWANG LAIPEX 45:15

Ifüima chix sopngale hotüi-honao hwom pangnu füi tun apong. Hotüi-honao hwome chix füi zangwün ang süt.

PONGWANG LAIPEX 43:28

Hwome lan: “Nang-hi nang-da, kwom apa azupa, müimüi-zangngai lüwüi tüipuix.” Ija akax üntoxle hwom chix cha to shwomle akhux.

PONGWANG LAIPEX 29:13

üntoxle chemtue chixe holisa Jakop bama atat ang koppuix, chix füi apong ang zikle lai. Chixe Jakop to künle kop ilaxle tun-apong ilaxle hom to apüi. Chemle pang ole changpuix, ibu Jakop-e Laban hama wünle changkya zuma,

PONGWANG LAIPEX 42:6

Jusep a Ijip haxtok ma Gowarnor ang ngolaxle chaxwannu angkya khünaknu ang saxjun hangle ngokya. Chix hotüi-honao hwom hüilaxle chix chitong ma akhuxle shwom.

1 SAMUEL 20:40

Jonathan-e chix hap ija naosün chak to kox ilaxle tinglong to ija laxlaxle chat angkya kaxkox.

PONGWANG LAIPEX 33:4

Ikoxle Esau a chix füi apong ang zikle hüi, chix to thüile kün ilaxle ngom ma künlaxle tun apong; ijama hokhi pangnyi sop.

1 SAMUEL 24:9

ilaxle thüi: “Kue nang lang ang tungle ngole le khualopkyabu kax ma nange büthüikoxle laxpu?

2 SAMUEL 1:2

Ofüinyix Sol pom tokhange naosün tuita ngui. Chix mongma aho ang chixe ma nyi akyet ilaxle khangto haxbu füi fu. Chixe Dawid hato hüilaxle chathua zakya ahole hax to akhux.

2 SAMUEL 14:4

Ija mixcha wanghompa hato ngui, chix achuakle hax to akhux, ilaxle thüi: “Wanghompa, ku to süfonghüi!”

1 WANGHOMBU 1:16

Bathsheba-e wanghompa tuntho to akhuxle shwom. Ipongma wanghompa-e atüi: “Nange chem laxse tsupu?”

1 WANGHOMBU 1:23

Nathan nguile tüikya wanghompa hama apuale kox. Nui to Nathan dong ilaxle wanghompa tong to puikya ahole akhux.

1 WANGHOMBU 1:31

Bathsheba-e akhuxle shwom ilaxle thüi: “Wanghompa ku hopupa tsünlo-zaknuile naxngokox!”