1 SAMUEL 20:32 - OTSAO BAIBEL (BSI)

³² Jonathan-e lan: “Chix a chemkhoma zi angkya? Chixe chem zia ama daopu?”

1 SAMUEL 20:32 ပူးပေါင်းရင်းမြစ်များ

MATHI 27:23

Ikoxlechu Pitar-e atüi: “Chixe chem zia ama daopu?” Ifüima hwome tüle azaxle akhong: “Chix pünsak ma takkox!”

1 SAMUEL 19:5

Goliath langpongma chixe chix tsün koxle azanpu, ilaxle Israel hanpakma Jowanpae ija zan lütpu. Ija ngün-pongma nang ang mong huanuma müikya; jangchangthüiba, athax a, kaxfyet chemngax chitüi khato, chem oma chitüikya khünak tuita lang ang nange büthüikoxle tungle ngopu?”

KAXHO MÜIKYA LUK 23:22

Othom azom lükya ma Pilat-e hwom ang thüi: “Ikoxle chixe chemzya amadaopu? Kue Jisu ma chix mik max tang thaikya tüta limachu münatak. Kue chix to zu füi fit üntoxle danle apaoüi.”

PONGWANG LAIPEX 31:36

Oshukma Jakop ang mongtsikle shu, ilaxle thüi: “Kue chem-müt kopdaopu? Nange ku ipongpongle tung angkya kue nang wanlom chem amadaopu?

JUHAN 7:51

“Chix kax apa ilaxle chem mokpuix, ija ma atat tanto, ongat to khünak tuita ang thaile le kaxfün fa ang kem wanlom ma müntho angkya changle.”

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

HWON-NWOT-JAONO 9:3

Pangnusa hato wüi osho talailaikya hüile, ilaxle ija a chaxwannu ma tütali changle ngokya füi tomwüile thaile. Khünaknu ozün ma ngokya kople, hwom tutex ma ochax hia ongate awangle tüile, ilaxle hwom allele sünto zile paole.

HWON-NWOT-JAONO 7:9

Nang mongtsik akumathum thomlax; mongtsik ang nui-ting koxkya a ongat.

WANWÜNKAX 22:24

Küntsik-mongtsik füi tamchu changnong-pünthomle tüikya khünak füi zuikhui taxzing.

1 SAMUEL 20:7

Ikoxle chixe naxchangdaole jangthüi: ku azangpu; ikoxlechu chix ang mongtsikle jangchang, nange awan koplax, chixe ku a lang jaojao ang tungkya changle.

1 SAMUEL 18:11

Sol-e chix mong mongto zangwünle thüi: “Kue chix a katuk füi adangle tople langüi,” ilaxle chixe pax füi othom anyi ma jao pax füi dao: ikoxlechu dao fofo Dawid-e shanle alyet.

1 SAMUEL 19:4

Jonathan-e hopa pomtho ma Dawid achuakle akax: “Apa, nang dapa Dawid to nange oma chemchu taxmok. Chixe nang zongto thaikya chemchu mamok, itülüi thüikox, chixe chempang mokdaolaxpuix ibu pangwüi nang to fongkya tuita ang changwüi.

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

1 SAMUEL 20:1

Ifüima Ramah ma tüikya Naioth angkya Dawid a Jonathan hato pao. Chixe atüi: “Kue chemthüidaopu? Kue chem müt kopdaopu? Hünpae ku lang ang namtungle kue thaikya mwot chem mokdaopu?”