1 SAMUEL 20:13 - OTSAO BAIBEL (BSI)

¹³ Ikoxle chixe nang mik amüt angkya mong füi tüile jangchang üntoxle kue ija nang hama chiwün tamchu nang khangkho sünle chichang, Jowanpae ku to chakmok-janlangkya naxtüikox; chix apa füi chemle ngokya hex ilailaile nang füi chuwüi naxngo!

1 SAMUEL 20:13 ပူးပေါင်းရင်းမြစ်များ

1 PUKAX-PANGAO 22:16

Hwome hun, khop, wi ilaxle jan ibu füi zingkya lili pangwüi hwome zingüi. Athaxpi mwot owang wang kox. Jowanpa nang füi tüile.”

1 PUKAX-PANGAO 22:11

Dawid-e chizakle akax: “Ku sasün, athaxpi Jowanpa nang Zang nang füi naxngo, ilaxle nange chix hanpak ang Zangshwom-Hom tuita zaile changkya zuma mwot pangwüi tsuakle hüi angkya hanpakma chix kaxtsao tüikya chixe otia ma naxthom.

1 SAMUEL 17:37

Jowanpa-e ku chaxnu hia chepnubu chak tokya khosünle thompu, chixe ku ija Filistia nok chak tokya chu khosün angkya changle.”

RUT LAIPEX 1:17

Nang ojongma zipuix, ku chu ima ziüi ilaxle ku akhün angkya ikha changüi. Ozik-omüte ajanle lüwüi chichang, mama lom tokhange ku nang füi afan angkya jangchang Jowanpae ku ang sümakya sikngün naxfakox!”

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

1 SAMUEL 3:17

Eli-e atüi: “Jowanpae nang füi chempangle akaxpu? Ku pomtho ma chemchu taxpyen. Chixe akaxkya kax bakle ku hama chiwün jangthüi kue nang to oziamale sikangün angkya changle.”

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

1 WANGHOMBU 20:10

Ija kaxhomix chat ifüima Benhadad kaxho mama koplaxle anaolechu nguilaxle akax: “Kue nang tingnu ija pünle ama ang khünak okhonguile koplaxle nguiüi, ilaxle hwome ibu okhix-okhan komle hwom chak füi laxlaxle paoüi. Kue ija chimok thüiningle baozangbue ku hongle naxlang kox.”

1 WANGHOMBU 19:2

She-e Elija hato kaxho akatle thüi: “Nange ajebu to chemle hwondaopuix ilailaile ngainyix ipongkhae kue nang to chihwon jangthüiba baozangbue ku naxlang.”

2 SAMUEL 19:13

Dawid-e hwom füi Amasa hama chuwüi: “Nang a kuma-kumix changpu. Athax makhange kue Joap lüi ma ku süpahi khama akhokya ang nang achangpu. Kue ile chichang thüiningle Zang-e ku to chakmokle naxchang kox, le akaxpu!”

2 SAMUEL 7:15

Ikoxlechu Sol dantoxkya lailaile chihu-chimele kue chix mündantox. Sol a kue nang wanghompa ang achang tsuak angkya kuxmale apaopu.

2 SAMUEL 3:35

Khünaknue Dawid ang süt asüt ang nyixtungtale azong, ikoxle chixe tsaosax: “Zanghan mik maxle machang tanto kue tütali saxlaxle jangchang Jowanpae ku to chakmokle naxchang kox!”

1 SAMUEL 25:22

Zangngai thoma ibu khünak kue tuita chitoxle chilang thüiningle Jowanpae ku towüi chakmokle naxchang.”

1 SAMUEL 18:12

Sol a Dawid thua za chemthüikoxle Jowanpae chix danle tox ikoxle chix a Dawid füi womle ngo.

1 SAMUEL 14:47

Sol Israel nok ma wanghom ang achangkya füima, chixe chix zanpabu füi pangnu chito azanle hüi: Moab nok, Amon nok, Edom nok, Zebah wanghombu füi, ilaxle Filistia, ibu pangwüi füi azan. Azankya pangnu chix-chixe wüi anao.

1 SAMUEL 10:7

Chemtue ibu changüihex, Zang-e nang ochito azuiüihex ija ningle moklax.

1 SAMUEL 19:3

Nang azwonle ngokya haxtok ma nguilaxle ku apa hama tomwüi ajongüi, ilaxle kue chix hama nang bama wünüi. Kue tütali atakle jangchang kue nang hama wünhüi.”

1 SAMUEL 20:12

ilaxle Jonathan-e Dawid ang thüi: “Künyi bama ngün-mix ang Israel nok Zang naxchang! Ipongkhae ngainyix hia hopnyix kue apa ma ija kax atüile anoüi. Nang bama chix tutex müile jangchang, kue nang hato kaxho akatüi.

1 SAMUEL 20:14

Üntoxle ku ozün ma ngole jangchang thüiningle chingchalaxle künyi otsao kaxtsao a otya ma thom hüi ilaxle ku zongto sule ngohüi; ikoxle ku zi-maxle jangchang

1 WANGHOMBU 1:37

Wanghompa, chemle Jowanpa nang füi ngole hüipuix ija lailaile Solomon füichu ngole naxhüi ilaxle nang to nüile chixe huanuma ahak-aluale naxapün-awang.”