1 SAMUEL 2:9 - OTSAO BAIBEL (BSI)

⁹ “Chix to mongong-chalomle tüikya khünakbu kho chixe awa, ikoxle chichang-chizangkyabu a zangnak fangto asam; khünak tuita ang chix tsak-zong füi tholünkya kha chitüi.

1 SAMUEL 2:9 ပူးပေါင်းရင်းမြစ်များ

MÜNCHUAK-TSAI 121:3

Chixe nang nguak ang müntomüi; nang kho-awapa a mik azangle tüile.

1 PITAR 1:5

Ibua, oshuk ma ngaile aho ang achwonle tüikya khosün bama mongong makhange Zang tsakzonge sünle thomkyabu hünzom hanpakma changle.

ZEKARIA 4:6

Ifüima kaxtaimixe ku ang, Zerubbabel hato Jowanpa kaxho ija kox angkya akax: “Janzüi makhange münchang, tsak-zong makhange münchang, ikoxle ku Chasa makhange tix, le Jowanpa Khüthak Zang-e thüile.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

MÜNCHUAK-TSAI 94:18

Kue thüi: “Ku a dütngole”; ikoxlechu Jowanpa, chizakkya nang mongküne ku to fongle fa.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

JOB LAIPEX 5:24

Ile nang a nang nyihom ma mongsom ma ngo ang kopüi; lomkya thoma nang chunbu haxmüi-zangma bangüi.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

WANWÜNKAX 16:9

Nange mwotthobu zing ang tsuak, ikoxlechu nang mwotlom Zang-e tix zunpu.

MÜNCHUAK-TSAI 121:8

Athaxchu üntoxle jento nang aham-atüikya lomtang pangnu to chixe nang wintuk-hanthale thomüi.

2 PITAR 2:17

Ibu khünakbu a tizopünkya shuazan ningle changpu, tamchu zangchei füifüi to jeple aham ngokya zangfwombu ningle changle; zangnak-zuzukya khato Zange hwom ang nui achwonle thomle.

MATHI 8:12

Ikoxle ija wangting ma wom haxkux khünakbu a zangnak khato awütüi! Ikhato hwom ang mikfi jenkya hia wa azyakkya tüiüi.

ZEFANIA 1:15

Ija a chabüt-lasün nyix tuita changüi, sikngün hia thangnak apongkya nyix a. Ija nyix a thamakya nyix, haxshix zangnakkya nyix, zangfwom atyenkya nyix,

HWON-NWOT-JAONO 9:11

Kue mama olichu ajangle lax, ija a, ija chaxwannu ma jento momle-momle zikkyabu tix longzi alop tsuakpu le münchang, ilaxle mongchongkya mixe tix zanhok ma anaopu le münchang. Jepabue kop-lole saxpu lechu münchang, tsing füikya mix ahak-aluapu le münchang, ilaxle tsuakkya khünak pangwüi alixachong ang achangpu lechu münchang. Shoma a pangnusa hato azutle hüipu.

WANWÜNKAX 3:26

Jowanpae nang sünle thomüi. Chixe nang mix tsün ma man ang müntomüi.

HWON-NWOT-JAONO 5:17

Keme kem tsün a zangnak ma tamchu mongma, ma künbüt-mongban, mongtsik, tamchu okak-olak ma ngo ang koppu.

WANWÜNKAX 2:8

Mix to tawüi le hukya khünakbu kho chixe sünle, üntoxle chix o künkox-mongkoxle tüikyabu chixe nyele.

MÜNCHUAK-TSAI 121:5

Jowanpa nang to nyele ngoüi; nang kho-awa angkya hanpakma chix a nang zui ma ngole.

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

JEREMIA 8:14

Zang khünaknue atüi: “Kem büthüikoxle dangle thung-ngopu? Hai paohax, kem a ziakople thomkya tingnubu to nguilaxle ikhato zihax. Jowanpa, kem Zang-e kem a zilax-maxlaxle ahaidaoa; chixe kem ang zik-hing ling ang koxdaoa, chemthüikoxle keme chix zongto ochax mwot mokdao koxle.

JOB LAIPEX 5:16

Chixe zasabu ang monghom koxle, ilaxle chichang-chizangkyabu adangle.

HUAKE LAIPEX 6:24

Jowanpae hünzom to mohimankya naxtüi tamchu humele naxchang.

MÜNCHUAK-TSAI 31:17

Kue nang nyakpu, Jowanpa; ku mong amaxle chang ang taxtom. Chichangchizangkyabu mong atho ang tomkox; hwom a dangjale amalum tole ang tomkox.

ISAIA 27:3

“Kue ija to chizakle hule tamchu ti koxle ngoüi. Ija owaechu chiama angkya hanpakma zangnak zangngaile nyele thomüi.

1 SAMUEL 25:26

Nang zanpabu to jannong chialüile nang khosünle thomkya a Jowanpa changle. Ilaxle kue tsaosaxle thüipu, nang to chakmok janlang ang tungle ngokya nang zanpabu to Jowanpae Nabal lailaile sikngün apong ang tomüi.

JOB LAIPEX 18:18

Zangngai tokya zangnak fangto ngo ang, Ozün ma ngokya chaxwannu tokya hwom, zangngai tokya zangnak fangto ngo ang jwonle apaoüi.

JOB LAIPEX 40:13

Hwom pangwüi haxkha to akhünkox; hwom amalum to khakle thomdao.

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

MÜNCHUAK-TSAI 105:37

Ifüima chixe Israel khünakbu laile pao ang tom; hwome khop hia hunbu laxle pao, ilaxle hwom pangwüi okak-olak chemchu chitüile tsak-zongle tüikya.

MÜNCHUAK-TSAI 145:20

Chix to mongkünle tüikya pangnusa kho chixe awale, ikoxlechu chichangchizangle tüikyabu chixe olithu ang tomle.

ISAIA 47:5

Jowanpae Babilon nok ang thüi: “Dangjajakya hia zangnak fangto ngolax; hwome athax nang ang zangfang wangchanu le münnyakpu

NAHUM 1:8

Tüle chongkya tinu tichap ningle chixe chix zanpabu amüt; chix kax ma chilaxle tüikyabu hato hwom mikmüt ahüi.