1 SAMUEL 2:8 - OTSAO BAIBEL (BSI)

⁸ Haxbu kha tokya chitüi-chinangbu chixe nwonle alai ilaxle haxmax-zangsamle ngokya chifün tokyabu hwom chixe nwon. Chixe hwom a wanghom naosom hwom füi zuikhui ang achang ilaxle hwom a achuak-achenle tüikya chifün ma dan. Chaxwannu chifün a Jowanpa kux changpu chixe ibu dingma chaxwannu zing.

1 SAMUEL 2:8 ပူးပေါင်းရင်းမြစ်များ

DANEL 2:48

Ifüima chixe Danel a tuita alixachong ang achang, chix ang hingho-chaktwon thanu-juapabu huanuma kox, Babilon haxsüt ma tuita hopunu ningle achang, ilaxle wanghom khwa ma tüikya okax-okhobu pangnu thakma akhokya ang chix achang.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

DANEL 6:3

Lebama wüi Danel-e hozui hwom hia mama Gowarnorbu pangwüi füi ataxle müile mokle tsuakkya aho. Chix ma tsing-wankya huanuma tüikya ngünlaxle, wanghompa-e chix a wangting pangwüi to hu angkya hünlit kox.

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

1 SAMUEL 15:17

Samuel-e thüi: “Nange nang owachu chichangkhato le thüt koxle nang a Israel nok lompa tuita changle. Jowanpae nang Israel nok wanghom ang münga füi lile kamle laxkya mix,

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

MIKNGÜN-OHÜN 5:10

Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”

2 SAMUEL 7:8

“Idaile ku dapa Dawid ang Jowanpa Khüthak Zang-e thüitüia, ‘Kue nang a faokha to chun nyele ngokya chifün tokya Israel nok lompa ang lax ang nyakle koppu.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

MÜNCHUAK-TSAI 104:5

Nange chaxwannu a otingsütle mongkya khama danle thom, ilaxle ija a otuechu münamoküi.

MÜNCHUAK-TSAI 102:25

Ilaxle nang chak jao füi nange zangdingbu zing.

MÜNCHUAK-TSAI 24:2

Chixe ija haxwan mongto tüikya tinu ma chifün laxlaxle zaipu, ilaxle ija chifün a molo tinu jimong to zingpu.

PONGWANG LAIPEX 41:14

Wanghompa-e Jusep se ang apao, ilaxle chix kunkha tokya momle apüi. Chixe khosex tamchu nyi-za lüile chang üntoxle wanghompa hato ngui.

JOB LAIPEX 2:8

Oma-oshixbu awutle athün thomkya khato paolaxle ikha angkya tikkux khaosa tswonlaxle ija füi chix mak to sikle ngo.

PONGWANG LAIPEX 41:40

Kue nang ku chaxwan ma ija mwot to hu ang kamle koppu. Ku wangpünbue nang kax ma lax angkya changle. Hwom hanpakma, ku kaxtom fangfang ma nang kaxtom changüi.

DANEL 4:17

Ija a mik-hing-naka le tüikya kaxtaimixbu mongtex changle. Ifüimatix, pangnukha tokya khünaknue Khüthak Zang ma khünaknu wangtingbu thakma tsak-zong tüile ilaxle chixe owa zünle koppuix ija khünak ang: thüikoxle ema chilaxle tüikya mix ang ngaxchu koxtsuak angkya chix ma tsak-zong tüile awanle naxkop.’

1 WANGHOMBU 16:2

“Nang a owa ngaxchu chichangkya ikoxlechu kue nang ku khünaknu Israel nok thakma lompa tuita ang achangpu. Ikoxle athax Jeroboam lailaile nangechu ochax lyenpu ilaxle ku khünaknu ochax lom to alyetpu. Ija ochax ngünlaxle ku ang mongtsik dongpu,

2 WANGHOMBU 9:6

Ifüima hokhi a nuikha to dong, ilaxle naosün ajepae Jehu khang ma olip münga füi li üntoxle chix ang thüi: “Jowanpa, Israel nok Zang-e ngaile: ‘Kue nang a ku khünaknu Israel nok hanpak ang wanghom ang kampu.

JOB LAIPEX 1:21

Chixe thüi: “Ku chemchu chilax homtoxle puxpu üntoxle chemchu chilax homtoxle ziüi. Zang-e fapu ilaxle chixe wüi paopu. Chix mün wüi achuak-achen kox.!”

MÜNCHUAK-TSAI 75:3

Ozün ma tüikya zünmok pangwüi abünle zakoxchu ilaxle chaxwan tomtata aloxle changkoxchu, kue ija chifün shingmongle thomüi. Selah

MÜNCHUAK-TSAI 75:7

Zang tix kaxfünpa changle, züizüi omüt ang achangüi ilaxle züizüi a sukya ang achangüi.

MÜNCHUAK-TSAI 107:41

Ikoxlechu chitüi-chinangkyabu chixe hwom omüt-osam chifün tokya khosünle kop ilaxle hwom homkhabu a müizyenbu lailaile putsale chang ang tom.

ISAIA 22:23

Kue chix a tuita lak ningle onui ma takle thomüi, ilaxle chix a hwom homkha pangnu hanpakma achuakachen angkya otong ang ngoüi.

MÜNCHUAK-TSAI 75:4

Kue chichang-chizangkyabu ang ongam ahole taxtüile thüipu;