1 SAMUEL 2:7 - OTSAO BAIBEL (BSI)

⁷ Chixe züizüi zasa ang zing ilaxle mamabu a hakpa ang achang; chixe züizüi puinaile chang ang tom ilaxle mamabu a zaxzang ang tom.

1 SAMUEL 2:7 ပူးပေါင်းရင်းမြစ်များ

MÜNCHUAK-TSAI 75:7

Zang tix kaxfünpa changle, züizüi omüt ang achangüi ilaxle züizüi a sukya ang achangüi.

JOB LAIPEX 5:11

Pui-naikyabu nwon, mongmale sopngokyabu ang mong amüile kox, ija a Zang, chix changle.

JOB LAIPEX 1:21

Chixe thüi: “Ku chemchu chilax homtoxle puxpu üntoxle chemchu chilax homtoxle ziüi. Zang-e fapu ilaxle chixe wüi paopu. Chix mün wüi achuak-achen kox.!”

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

2 WANGHOMBU 9:6

Ifüima hokhi a nuikha to dong, ilaxle naosün ajepae Jehu khang ma olip münga füi li üntoxle chix ang thüi: “Jowanpa, Israel nok Zang-e ngaile: ‘Kue nang a ku khünaknu Israel nok hanpak ang wanghom ang kampu.

JOB LAIPEX 40:12

Changle, ibu to hulax üntoxle ibu fangto ajokox; hwom ajongle tüikya khama chichang-chizangkyabu nakle akhixkox.

1 PUKAX-PANGAO 29:12

Ahak-aluakya hia tüi-nangkya komle nang tokhange tix hüipu; nange pangnusa to, nang-tsak nang-zong hia janzüi füi apünle ngopu; ilaxle tütapuchu nange tsak-zongle tüi ang hia chuakchongle tüi ang koxtsuak.

2 PUKAX-PANGAO 32:27

Wanghompa Hezekiah a huanuma ahak-aluale chang, ilaxle noknusae chix achuak-achenle chang. Chix kux hun, khop, thalix long, ongan müikya münga, di, mama thanu-juapa, ibu pangwüi dan angkya hanpakma chixe pungbu zaile thom.

2 PUKAX-PANGAO 32:29

Ibu chaktua ma, Zang-e chix ang osu-maihu hia chunbu tamchu mama tuinabu huanuma kox, ibu füi chixe tingnubu obibi hex zaile alai.

MÜNCHUAK-TSAI 75:8

Jowanpa-echix chak ma wansa tuita twonlaxle tüile. Ija ma chix mongtsik jue awang laxle tüile. Chixe ija thokle kox, ilaxle chichang-chizangkya khünak noke ling; hwome ija othongkim to lünle ling.

WANWÜNKAX 22:2

Ija a tüipa-nangpa hia chitüi-chinangkya nyi tomkux changpu: hokhi pangnyi wüi Jowanpae zingkya changpu.

JEREMIA 49:15

Jowanpae hünzom a pangwüi zongshole chang ang tomüi, ilaxle owaechu hünzom chathua zakya chitüiüi.

EZEKEL 17:24

Haxtok angkya pün pangwüie ku a Jowanpa changpule tikle laxüi. Tsuathakya pünnubu kue dak ilaxle pünsabu tsuale tsong ang tom. Pün ohingbu kue zile zan ang tom ilaxle pünzikbu ohing ang achang ang tom. Jowanpa kue ija akaxdaoa. Kue moküihex-ole akax daokya kue mok angkya changpu.”