1 SAMUEL 2:3 - OTSAO BAIBEL (BSI)

³ Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

1 SAMUEL 2:3 ပူးပေါင်းရင်းမြစ်များ

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

WANWÜNKAX 24:12

Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

WANWÜNKAX 16:2

Nange mokkya pangwüi sule tüile le nang thütle ngokoxlax, ikoxlechu nang tutex kaxfün fakya a Jowanpa tix changpu.

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

MÜNCHUAK-TSAI 147:5

Kem Jowanpa a chongkya tamchu akhokya changpu; chix je-hwon a thüt ang müntsuak.

MÜNCHUAK-TSAI 94:4

Mütkopmixbu chemtukuxle ngamle ngoüi tamchu hwome mix mik amüt-tsuakkyabu bama chemtukux tsaichong-kaxbongle ngoüi?

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

JOB LAIPEX 31:6

Zang-e ku ajitkya tuak ma naxthüt kox; ku chemtukux küntsao-mongthakya mix hex, chixe naxngünkox.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

MALAKI 3:13

“Hünzome ku hanpakma za-adünkya kax akaxdaoa. Ingale hünzome ‘Kwome nang bama chemle akax daopu?’ le thüitüi.

DANEL 5:27

tuakthüt, nang a tuak ma thütle anodaoa ikoxle müimamale chazangle bangle;

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

ISAIA 26:7

Jowanpa, müikya khünakbu lyetlom nang zingle amüi; hwom ahamkya lomtang a ajitle tüile.

MÜNCHUAK-TSAI 17:10

hwom ma chingcha chemchu müntüi üntoxle ongamngam zangwünle.

MÜNCHUAK-TSAI 31:18

Ibu tselopbu dang ang tomkox: ongam hia mongngam pangwüi opangsae otsao bama künngam-mongngam füi zangwünpuix, ibu pangwüi.

MÜNCHUAK-TSAI 75:5

kue hwom ang tsaichong-kaxbongle tüikya zak angkya akaxpu.”

JIHUSUA 22:22

“Pangnu to lütkya a Zang tix changpu! Chix a Jowanpa changpu! Pangnu to lütkya a Zang! Chix a Jowanpa changpu! Kwome büthüikoxle mokpuix chixe awan ngopu, ilaxle kwomchi tokhange hünzomechu awanle kopkoxle müiüile texpu! Kwome chix to mongong chithomle chix zan to kale jangchang thüiningle, kwom jaojao ngo ang taxtom!

KAXFÜNPA-HWOM 9:38

Ifüima Zebul-e chix ang thüi: “Nang kax chongkya athax omaün? Keme büthüikoxle Abimelek thothale ngo angkya le thüikya nang changpu. Ibu a nange kaxma-ngaothüile ajaole ngokyabu changpu. Athaxpi laikox ilaxle hwom füi azankox.”

EZEKEL 35:13

Hünzome ku zongto tsaima-kaxshix hia mongngam kaxbu akaxkya kue atatle laxdaoa.”