1 SAMUEL 2:28 - OTSAO BAIBEL (BSI)

²⁸ Israel homjen pangnu khama kue chix kako-homkha khünakbu a ku zompu-zangpabu ang kamle kop. Tötsap ma ku thothale chang angkya sobu zokle ongan müikya angan angkya ilaxle ku füi zangwünle changüima nguapabue suakwex-nyi thole kop angkya ibu mwot kue hwom ang kox. Ilaxle kue tö-tsap ma zokle ashunle tö koxkya kha angkya hwom süntom süile tswonle kop ang tom.

1 SAMUEL 2:28 ပူးပေါင်းရင်းမြစ်များ

LAIPAO 28:1

“Hüntüi Arun hia chix sasün Nadap, Abihu, Eliazar, tamchu Ithamar hwom selax üntoxle zom-mwot mok angkya hanpakma Israel khünaknu kha angkya süile hwom nguapabu ang kamlax.

HUAKE LAIPEX 18:19

“Israel khünaknue ku ang onüi koxkya hinghobu kue nang ang, nangsu-nangsabu, sheko lüka hwom pangwüi ang, othuithui hanpak ang koxpu. Ija a kue nang füi tamchu nang sixli hwom füi tsaotsütle tamchiama angkya tsaosüt thomkya changpu.”

LIWI 6:16

Ota tüikya a nguapabue saxüi. Ija a twonkhax chiawon homle an lum ang zingüi ilaxle otsao nui ma saxüi, ija a Jowanpa ngwotnui Nyihom nya-o ma changüi, Ija a Jowanpae nguapabu ang süt tö koxkya kha angkya hwom süntom ang koxkya changpu. Ija a ataxkya otsao. Ija chuwüi ochax tö hia Zang süntom töbu ningle otsao changpu.

LIWI 2:10

Ota tüikya tö a nguapabu hanpak changle; ija a ataxkya otsao, chemthüikoxle ija a Jowanpa hato apüikya süt tö kha angkya kopkya changle.

LIWI 2:3

Ile saxziak tö koxkya füima ota toxkya a Arun hia chix sasün hwom hanpak ang changüi. Ija a wün ma zokle Jowanpa ang tö koxkya khama ataxkya otsao mwot changpu.

LAIPAO 28:4

Hüntüi Arun hia chix sasün hwom hanpak ang hwome nguapabu nyiwun zing angkya olom a ibibile changüi: Suakwex-nyi tuita, nguapa nyiwun tuita, nyilo tuita, otok ma laxkya nyipong tuita, khang-ngüi-nyi tuita, khyadax ma ngüi angkya nyi tuita ibibi. Ile hwome nguapa mwot mokle ku thotha angkya hanpakma Arun hia chix sasün hwom ang otsao nyiwun zingle fa angkya wüi changle.

2 SAMUEL 12:7

Nathan-e lan: “Ija khünak a nang changle. Jowanpa Israel nok Zang-e akaxkya kax a ija changle: ‘Kue nang Israel nok wanghom ang zingpu ilaxle Sol chak tokya khosünle thompu.

HUAKE LAIPEX 16:5

Ifüima chixe Korah hia chix füito azuikya khünaknu ang thüi: “Ngainop swomsae, kem opupu chix kux changpuix, ija Jowanpae ahoüi! Chixe owa chix kux changpuix, thüikoxle chixe zünle kopkya khünak opupuhex, ija khünak a chix tö-tsap hato ngui ang tomüi.

LIWI 7:32

Ilaxle tumüi tö hanpak ang langkya kha angkya tsaxchi chung, hünzome saile tsuakkya tö hanpak ang hünzome nguapa ang kox angkya changle.

LAIPAO 30:7

Wüntikbu achwon ang nopfole Arun nguikya zuma, chixe ija khama ongan müikya sobu zok angkya changpu.

LAIPAO 30:8

Hansonge wüntikbu atsople changpongma chu chixe ile wüi moküi. Ija ongan müikya so zokle tö koxkya to chemchu chipoxle mokle hüi angkya oli.

LIWI 7:36

Ija süntswon a Israel khünaknue Arun hia chix sasün hwom ang tsün-tsün to koxle ngo angkya hanpakma, chixe hwom, zompu-zangpabu ang kamkya makhange koxkya Jowanpa kaxtom changle.

1 SAMUEL 2:18

Ipongma naosa Samuel-e Jowanpa thothale ngokya. Chixe otsao jaknyi nyilo tho.

1 SAMUEL 14:3

(Ngua-nyilo koplaxle tüikya nguapa a Ahijah changkya. Chix a Ishbod tüita-naopa Ahitap sasün changkya. Ahitub a, Shiloh ma Jowanpa nguapa Finehas sasün, Eli susün changkya.) Khünaknu Jonathan ile paole ngoünpuixle chitik.

2 SAMUEL 6:14

Dawid-e chix khyadax ma wokhit nyi füi ngui ilaxle chix zongzong ma Jowanpa achuak-achenle azüi.