1 SAMUEL 2:2 - OTSAO BAIBEL (BSI)

² “Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

1 SAMUEL 2:2 ပူးပေါင်းရင်းမြစ်များ

2 SAMUEL 22:32

Jowanpa chix tata wüi Zang a; Kem ziakop pan long katuk a chix tata wüi.

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

MÜNCHUAK-TSAI 86:8

O Jowanpa, nang lailaikya zang owa müntüi, nange mokkya mwot owaechu mamok.

MÜNCHUAK-TSAI 89:8

Jowanpa Khüthak Zang, nang lailaile tsak-zongkya owachu müntüi; O Jowanpa, nang a pangnuli to chialekya mongong füi ngopu.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

1 PITAR 1:16

Otsao Lai-e thüile: “Nang otsao ma ngolax chemthüikoxle ku a otsao changle.”

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

TSAITONG-KAXTONG 3:24

‘Khüthak Jowanpa, nange achwonle tüikya ohünotün mwot ku hato ahokya owang tix changpule kue awanpu. Ding hia hax ma nange mokkya ohünotün mwot moktsuak angkya baozang owachu müntüi!

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

ROM NOK HATO ZAKYA POL LAIZA 15:4

Otsao Lai kaxe fakya zongdün hia adukya makhange kem ang monghom tüi angkya bama, Otsao Lai ma chem zalaxpuix, pangnu wüi kem hama anwot-ano ang zapu.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

ISAIA 40:18

Zang a owa füi tomta apyenüi? Chix iningle tüile le nange chemle akhix-akhanüi?

ISAIA 6:3

Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

MÜNCHUAK-TSAI 99:5

Jowanpa kem Zang achuak kox; chix tüntong tunthoma achuak kox! Chix a Otsao changle!

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

TSAITONG-KAXTONG 32:39

“Ku, Ku tata tix, Zang changpu; mama baozang otsingtsing tuita müntüi. Mik kue amütpu ilaxle khüzün kue koxpu, mak kue khapu ilaxle kue wüi amüile koxpu, ilaxle kue mokkya mwot owaechu abax ang chitho.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

MÜNCHUAK-TSAI 99:9

Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.

MÜNCHUAK-TSAI 73:25

Zangkangting to ku ang nang boma owa tüi? Ku ang nang tüiün füima, chaxwannu ma kue chem lax angkya tamtüi?

MÜNCHUAK-TSAI 71:19

Zang, nang otsaoe zangdingkho alople tüile. Nange tüle chongkya mwot mokle tsuakdaoa; nang lailaikya owachu müntüi.

MÜNCHUAK-TSAI 71:3

Chaza chitüile ku zak-zui angkya nui ang achanghüi üntoxle chu ku kho awa angkya hanpakma shingmongle ziakop thomkya zün; nang a ku khangkhomnui tamchu ziakopkya zün changle.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

TSAITONG-KAXTONG 32:20

Chixe thüi: ‘Kue hwom to münfongpu; kue hwom to chemle changüihex ija to shong-hu hüi ang, kheba chithüile mongtsakle hia mongong chitüile ngokya khünakbu to-a.

TSAITONG-KAXTONG 4:35

Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

ROM NOK HATO ZAKYA POL LAIZA 4:8

Zange owa ochax e le chithom laxpuix, mongmüi angkya mix a chix changle!”

2 SAMUEL 7:22

Nang a chemkuxma chongpuix, Khüthak Jowanpa! Nang lailaikya owachu müntüi; Zang a nang tata wüile kue jento awanle hüipu.

2 SAMUEL 22:3

Ku Zang a ku khowapa, ilaxle chix ma ku azangle ngopu. Chixe di lailaile ku to tukle thom; chixe ku khose ilaxle ozün ma thom. Chix a ku khosünpa; chixe ku kho awale tamchu chakmok-janlang chak tokya khosünle thom.

1 WANGHOMBU 8:23

ilaxle zangjop: “Jowanpa, Israel nok Zang, thakchi ding to tamchu fangchi hax to nang lailaikya zang owachu müntüi! Nange nang khünaknu füikya tsaotsüt thom ilaxle hwome kün-hi-mong makhange abakle nang kax ma laxle changpongma nange hwom hato nang mongkün aho.

MÜNCHUAK-TSAI 18:31

Jowanpa, chix tata tix Zang changpu; Kem wintuk-hantha angkya Zang chix tix changpu.

MÜNCHUAK-TSAI 99:3

Pangnusae chix chongkya hia taitax mün achuaküi. Chix a Otsao changle!

LIWI 11:44

chemthüikoxle, Jowanpa ku a hünzom Zang changle. Hünzome ma alüile atsaolax ilaxle otsao ma ngolax, chemthüikoxle ku a otsao changle. Chaxwantok ma ozyem ma ahamkya zünmok tüta makhangechu hünzom chitsaokya ang taxachang.

LIWI 11:45

Ku hünzom Zang ang achang ang, Ijip haxtok tokya hünzom zunle apüikya Jowanpa a ku changpu. Ku a otsao idaile hünzom chuwüi otsao ma ngo angkya oli changpu.

TSAITONG-KAXTONG 4:39

Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.