1 SAMUEL 2:1 - OTSAO BAIBEL (BSI)

¹ Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

1 SAMUEL 2:1 ပူးပေါင်းရင်းမြစ်များ

MÜNCHUAK-TSAI 13:5

Ojem chifünkya nang mongkün to kue mongongpu; nange ku khosün angkya daile ku ang mongmüipu.

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

MÜNCHUAK-TSAI 92:10

Nange ku fao maihupong lailaile tsak-zong füi zingpu; nange ku to mongmüi füi mohimanpu.

MÜNCHUAK-TSAI 89:17

Nange kwom ang tholün chongkyabu koxle; nang mongkün ma nange kwom zan to lütkyabu ang achangle.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

MÜNCHUAK-TSAI 20:5

Ifüima nange tholünle changkya to kem pangnu mongmüile akhongüi, üntoxle ija nang tholün mün ma Zang achuakle puakya tüiüi. Nange ju-lomkya pangnusa to Jowanpa lanle changhüi.

MÜNCHUAK-TSAI 9:14

Jerusalem angkya khünaknu tunthoma ku ajong tsuak angkya hanpakma ilaxle kue nang achuakkya pangnu li bama hwom hama wüntho angkya hanpakma. Ku ang mongmüiüi, nange ku khosünkya hanpakma.

MÜNCHUAK-TSAI 35:9

Ipongma, Jowanpa khoma ku ang mongmüiüi; chixe ku khosünle kopkoxle ku ang mongmüiüi.

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

MÜNCHUAK-TSAI 118:14

Jowanpae ku janzüi füi tsak-zong ang tom; chixe ku khosünle kop.

MÜNCHUAK-TSAI 89:24

Kue chix to mongkünüi ilaxle chix to kax ma laxle ngoüi; jento kue chixe lüt ang tomüi.

LAIPAO 15:21

Miriam-e hwom hanpakma tsai ngao: “Jowanpa achuakle tsai ngaokox, chemthüikoxle chixe fuazangle lütdaoa; chixe manbu hia ima ngakyabu tinu mongto tswonle awütdaoa.”

LAIPAO 15:1

Ijama Mosa hia Israel khünakbue ija tsai ngaole Jowanpa achuak: “Kue Jowanpa achuak-achenpu, chixe fuazangle lütkya khoma; Chixe man hia ibu ahamkyabu pangwüi tinu mongto awüt.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

MÜNCHUAK-TSAI 51:15

Jowanpa, akax angkya hanpakma ku to fonghüi, ilaxle kue nang achuaküi.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

HABAKUK 3:1

Ija a jepa Habakuk zangjop changle:

MÜNCHUAK-TSAI 75:10

Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.

MÜNCHUAK-TSAI 71:8

Han ahomle kue nang achuakpu ilaxle nang fuazang apukpu.

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

KAXHO MÜIKYA LUK 1:69

Chixe kem hanpakma, tsakzong füikya khosünpa kox; Chix da Dawid sixli angkya a.

NEHEMIA 11:17

Mattaniah, chix a Mika sasün ilaxle Zabdi susün, tuita Asaf sixli changkya. Zangshwom-Hom ma münchuak tsai ngaokya othom chixe azüi. Bakbukiah, chix a Mattaniah to fongmix changkya hex. Abda, chix a Shammua sasün ilaxle Galal susün, tuita Jeduthun sixli changkya.

TSAITONG-KAXTONG 33:17

Jusep ma huzanpong tuita janzüi tüile, Fao maihupong ozongbu ningle a. Chix müizongbu a Manasseh hajat tuita tha Ilaxle Efraim hajat bün tha. Ibu füi chixe jat-libu to thule Ilaxle haxtua-zangnam alople hwom thule pik-wütle.”

JOB LAIPEX 16:15

Kue mangsop laxle nyikhwon nyipong apongpu; chixe wüi lütlaxle ku a ija haxbu khato thungle ngopu.

MÜNCHUAK-TSAI 148:14

Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. Jowanpa achuak kox!

1 SAMUEL 1:6

Peninnah, nüfüinue she ang mong atsikle ngo ilaxle adix-adale chang, chemthüikoxle Jowanpae she a naosom chitüi angkya hanpakma tsyenle thomkya she-e ngün.

1 SAMUEL 1:7

Ilele wüi zanglao obibi hex ngole hüi; chemtue hwom Jowanpa hom to paoüihex, Peninnah-e Hannah ang mong huanuma ama ikhoma she a sople chemchu münsax-münlingpule mongmaxle ngo.

2 PUKAX-PANGAO 20:27

Jowanpa hwom zan to anaole changkya khoma, Jehusafat-e thothut laxle süpahibu hwom Jerusalem to sungdün ahukle chat.

MÜNCHUAK-TSAI 21:2

Chix mongto thütkya nange chix ang koxpu; chixe ju-lomkyabu to nange lanpu. Selah

MÜNCHUAK-TSAI 89:18

Nange, O Jowanpa, kwom kho-awapa zünle kop; nang, Israel nok otsao Zang-e kwom ang wanghom koxpu.