1 SAMUEL 19:5 - OTSAO BAIBEL (BSI)

⁵ Goliath langpongma chixe chix tsün koxle azanpu, ilaxle Israel hanpakma Jowanpae ija zan lütpu. Ija ngün-pongma nang ang mong huanuma müikya; jangchangthüiba, athax a, kaxfyet chemngax chitüi khato, chem oma chitüikya khünak tuita lang ang nange büthüikoxle tungle ngopu?”

1 SAMUEL 19:5 ပူးပေါင်းရင်းမြစ်များ

1 PUKAX-PANGAO 11:14

ikhoma chix hia chix khünakbu haxtok osungkha ma ajong ilaxle Filistia nokbu füi azan. Jowanpae chix ang wüi lüt ang tom.

1 SAMUEL 11:13

Ikoxlechu Sol-e thüi: “Anyix owachu mik max ang chitomüi, chemthüikoxle anyix a Jowanpae Israel nok khosünkya nyix changle.”

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

1 SAMUEL 20:32

Jonathan-e lan: “Chix a chemkhoma zi angkya? Chixe chem zia ama daopu?”

KAXFÜNPA-HWOM 9:17

Ku apa hünzom hanpakma azanle hüidaokya changle, ija taxalak. Midi nok chak tokya hünzom khosünle kop angkya hanpakma chixe chix tsün koxle among daopu.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

MÜNCHUAK-TSAI 119:109

Ku-a othuithuima ku tsün bama hünlit lax ang achwonle ngole; Ku

1 SAMUEL 28:21

Ija mixchanu chix hato hüilaxle hukoxle chix a huanuma zale abüt-abankya ngün, ikhoma she-e chix ang thüi: “Alixachong nange akaxkya kax ningle mok ang kue ku tsün koxle mokpu.

FILIPI 2:30

Chemthüikoxle hünzome fa ang chithokya, ku to fong angkya bama, Khrista mwottho hanpakma chixe ma khüzün koxle among ilaxle pazizisa le chang.

JUHAN 15:25

‘Ikoxle hwome ngat-khüza to ku thua anu’ le wanlom ma zale tüikya kax changle ngai angkya kuxma ile changpu.

MATHI 27:24

Pitar-e chix kax chem angchu chilaxle noknu wuk mix huanuma adün angkya changlaxle le ngünkya zuma, chixe ti muale lax ilaxle chak sole thüi: “Ija khünak zikya bama ku thaikya müntüi hexo! Ija a hünzome moklaxpu!”

JEREMIA 26:15

Ikoxlechu ija mong ma koplax: hünzome ku langle jangchang, hünzom tamchu tingnu angkya khünaknu a oma chemngax chitüikya khünak langkya ochax ma thaikya ang changüi, chemthüikoxle hünzom hato ija kaxkhün kox ang ku a Jowanpae tsanle ahüikya changle.”

MÜNCHUAK-TSAI 69:4

Opange amuamuale ku to tsak-khule ngolaxpuix hwom a ku khangmun füi ngaxchu lüile tüile. Ku zanpabue ku bama khualople zangwünle; hwom ma tsak-zong tüile ilaxle hwome ku mik-amüt-sele tsule. Kue chiahuxkya tuina hwome ku ma tsangle.

1 SAMUEL 14:45

Ikoxle khünaknue Sol ang thüi: “Jonathan owae Israel nok hato ipongpongkya zanhok ma keme wüi anaokya apüipu, ija langle awütüileo? Ija otuechu münchangüi! Kwome ozün ma tüikya Jowanpa mün ma tsaotsütle thüipu, chix khang angkya khangmun pa tuita ngaxchu sam ang müntompu. Anyix chixe chem mokpuix, ija a Zang-e fongkya füi mokpu.” Ile Jonathan mik max angkya atakse pa khünaknue sünle koppu.

KAXFÜNPA-HWOM 12:3

Hünzom a münhüi angkya changale kue ngünkya zuma, hünlit kue laxlaxle hwom füi azan ang long ta le chang, ilaxle Jowanpae hwom to kue wüi lüt ang tomle. Idaile athax hünzom ku füi azan ang omalax ang laipu?”

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

LAIPAO 14:13

Mosa-e lan: “Hünzom ojao taxza! Hünzom mongchongle ajonglax ilaxle hünzom khosün ang Jowanpae chemle mokpuix ngün ang kopüi. Hünzome Ijip nok ibu tamchatle ngün ang kopüi münchang.

MÜNCHUAK-TSAI 25:3

Nang to mongong tüikyabu to mixe münlüt toxüi, nang füi alün-aloxkyabu füi ochwonpai ma apongüi.

1 SAMUEL 19:6

Jonathan zangwün atatlaxle Sol mongto changkox-a le thüt ilaxle Dawid a münlangpule Jowanpa mün ma tsaosax.

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

2 SAMUEL 23:10

ikoxlechu chixe chix chifün angkya chiachex ilaxle Filistia nok füi ma changlo to kopkya chaktom da ang chimüile mongle machang tanto twotle chitoxle azan. Ija nyix zanhok ma Jowanpae wüi anao. Ija zan ashukle changkya füima, Israel khünakbu Eliazar tüikya khato chat ilaxle mangbu angkya chang-paxbu tsui.

MÜNCHUAK-TSAI 94:21

ilaxle thaikya chitüikya khünak mik max angkya kaxfün fale changpuix, iningkya chichangchizang kaxfün mixbu füi nang ang chem mwot chitüi.

1 PUKAX-PANGAO 11:18

Naomüi tüichong hwom mixsün azome, Filistia nok zanpom akaile le ilaxle ija tüküi kha angkya ti khole apüi üntoxle Dawid ang kox. Ikoxlechu chixe ija ling ang chitho; ikoxle chixe ija Jowanpa hato tö tuita ang thokle awüt

MÜNCHUAK-TSAI 109:5

Ku müikya lüixto hwome ku to oma khom ilaxle mongkün lüixto miktsak olüix khom.