1 SAMUEL 19:4 - OTSAO BAIBEL (BSI)

⁴ Jonathan-e hopa pomtho ma Dawid achuakle akax: “Apa, nang dapa Dawid to nange oma chemchu taxmok. Chixe nang zongto thaikya chemchu mamok, itülüi thüikox, chixe chempang mokdaolaxpuix ibu pangwüi nang to fongkya tuita ang changwüi.

1 SAMUEL 19:4 ပူးပေါင်းရင်းမြစ်များ

JEREMIA 18:20

Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

PONGWANG LAIPEX 42:22

Reuben-e thüi: “Kue ija nao to ile taxhwonhax le thüikoxle hünzome ku kax ang kaxle chithüi. Athax a chix mik amütkya olüix keme koppu.”

WANWÜNKAX 17:13

Nange müikya to oma füi olüix khomle jangchang, nang homkha angkya ochax otuechu atsaile ngo ang müntho.

1 SAMUEL 20:32

Jonathan-e lan: “Chix a chemkhoma zi angkya? Chixe chem zia ama daopu?”

MÜNCHUAK-TSAI 35:12

Müikya lüixto hwome ku to oma füi jannong alüi, ilaxle ku khosam khato dütle asam.

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

1 KORIN 8:12

Ile Khrista ma nang zongma tüinaohom, mongong ma zong matüikya, ibu khangka thomzün ang tomkya a Khrista zongto nang mixe ochax lyenkya ang achangüi.

2 PUKAX-PANGAO 6:22

“Khünak tuita hozuipa owawa zongto mütkopdaoale kaxhux fele nang tö-tsap zui to apüi ilaxle chix a chithaikya mix changpule tsaosaxle changpongma,

1 SAMUEL 2:25

Khünak tuitae mama mix owawa zongto thaile jangchang, Zang ija khünak khose ang thoüi; ikoxle Jowanpa zongto achaxkya khünak kho owae süntsuaküi?” Jowanpae hwom mik amüt angkya mongzangwünle tsuakdaokoxle hwome hopa kax ma ojao chilax.

PONGWANG LAIPEX 9:6

Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.

1 JUHAN 3:15

Owae ma tüinao to anupuix chix mix mik amütkya mix tuita changle, üntoxle mix mik amütkya mix tuita ang oshuk chitüikya khüzün müntüile hünzome awan ngopu.

MÜNCHUAK-TSAI 59:4

chichangba chemchem ku thaithaxle changkya khoma lechu münchang, O Jowanpa, hwome ipongpong momle ma chwon kop ang zikkya a.