1 SAMUEL 19:23 - OTSAO BAIBEL (BSI)

²³ Chix ikhato nguile tüipongma Zang chasae chix tochu kop, ilaxle Naioth lomnu fole chixchu azüizüithale akhongle hüi.

1 SAMUEL 19:23 ပူးပေါင်းရင်းမြစ်များ

WANWÜNKAX 16:9

Nange mwotthobu zing ang tsuak, ikoxlechu nang mwotlom Zang-e tix zunpu.

1 SAMUEL 10:10

Chemtue Sol hia chix dapa nyi Gibeah to nguipuix, ajebu othom tuita chix füi apong. Allele Jowanpa Chasae chix to kop, ilaxle chix a mongmüi-pwonla-tungle azüi ilaxle akhong-akhale chang.

1 SAMUEL 19:20

ikhoma chix kople apüi ang chixe khünakbu tomle apao. Akhongle azüizüithale lengokya ajebu othom hwome ngünle lax. Hwom khama lompa ang Samuel tüikya. Ifüima Zang chasae Sol khünakbu kop ilaxle hwom chuwüi azüizüithale akhong ang süt.

HUAKE LAIPEX 24:2

Israel khünaknu ngün. Hwom a homjen-homjen ma athütlaxle pomzai üntoxle athongle tüikya. Zang Chasae chix to fünthole twon

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

JUHAN 11:51

Ija khünake ma mongkha tokya akaxkya chichang, ikoxchu ija zanglao ma chix Nguakho ang ngo laxle, Jehudi khünaknu kuxma Jisu zi angkya changle;

MATHI 7:22

Kaxfün nyix nguikya zuma, khünakbue ku ang thüiüi: ‘O Jowanpa, O Jowanpa! kwome nang mün ma münaje dai hia? Nang mün ma haxshix jwonle münapao dai hia?’ Nang mün ma kwome ohünotün mwotbu münmok dai hia?

WANWÜNKAX 21:1

Chixe chemle shuasa ti jenle le angkya oshua chwonpai ma züile koxpuix ija lailaile Jowanpae ochwonpai ma wanghombu tutex akumathum ang thole.

HUAKE LAIPEX 23:5

Jowanpae chempang akax angkya hex ija zangwün koplaxle Balam a Balak hato chat ang tom.

1 SAMUEL 10:6

Allele nang to Jowanpa Chasae kopüi ilaxle nang chuwüi hwom khato zanglom tsai ngaole hia azüile nang chixlili khünak ang achangle paoüi.

1 SAMUEL 10:12

Ikhato ngokya khünak tuitae atüi: “Mama ajebu ibu a büle: hwom hopa hwom a opangpang chang?” Ija makhange wanwünkax tuita ile lai: “Sol a ajepa ang chuwüi achang toxdao puixnyi?”

1 SAMUEL 18:10

Ofüi-nyix allele haxshix chasae Sol kop ilaxle chix hato ongat hüile homkha ma tutubaole ngo. Zangjang to angao ngokya lailaile Dawid-e klingkingkong angaole ngokya ilaxle Sol a pax twonlaxle ngole tüikya.

1 SAMUEL 19:18

Dawid paolaxle Ramah to Samuel hato ngui ilaxle Sol-e chix to hwonkyabu komkaile wünle kox. Ifüima Samuel hokhi jaojao Naioth to paole ikhato ngo.

1 SAMUEL 19:22

Ifüima chix jaojao Ramah to ka ang lai. Chemtue chix Seku ma chongkya tüküi tuita hato hüipuix, chixe Samuel hia Dawid hwom ojongto tüipuixle atüi ilaxle ibue chix hama hwom a Naioth to tüikya apuale kox.