1 SAMUEL 18:30 - OTSAO BAIBEL (BSI)

³⁰ Filistia nok süpahibu nguilaxle azanüi ikoxlechu azankya foto Sol süpahibu füi Dawid-e wüi tüle tho. Ikhoma Dawid mün a sisile zangle pao.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Ifüi angkya tso-hi-wa zit ma, wanlom ningle wanghompa zan to kakya zanglao, Dawid-e, chix nguakax-wangkhobu hia süpahibu füi Joap a zan to akat. Hwome Amon nok zan to lüt ilaxle Rabbah tingnu hwople kop. Ikoxle Dawid chix tomtata a Jerusalem ma nui.

1 SAMUEL 18:5

Sol-e atomtom pangwüi mwot Dawid-e tsuakle mokle hüi, ikhoma Sol-e chix süpahi khama Dawid a tuita alixachong ang achang. Ile changkyae mama alixachongbu hia khünaknu ang mong amüi.

1 PITAR 2:7

Mongongkyabu hanpakma ija long a thalix changpu; ikoxle chiongkyabu zongto ija a: “Zingpabue chilaxli le awütkya long; homkom-longnu akhokya tuita ang achang.”

1 PITAR 2:4

Khünaknue chilaxli le awüt ikoxle Zange ija achongkya le kamle lax, ija Jowanpa ozün ma tüikya long hato oman.

EFISIA 5:15

Idaile nang chemle ngopuix, ija bama khünkhi lax. Hwon-je chizaikyabu ningle taxngo, ikoxle je-tüi hwonlangkyabu ningle ngolax.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

DANEL 1:20

Wanghompa-e tüningkya kax atüi chichangba tüningkya khosam ahüi koxlechu, ibu mixsün hwom ali zongto chemchu chichang chemthüikoxle hwom haxtok angkya jenu-shipabu pangwüi to thombün-thomtsae nüile pangnuli hwome tikle ngo.

MÜNCHUAK-TSAI 119:99

Ku nwotmixbu pangnusa füi kue wüi sütsing, chemthüikoxle kue nange adangle fakyabu to mongkoxle apa koxle.

MÜNCHUAK-TSAI 116:15

Chemtue chix khünak tuita zile paopuix, ijae Jowanpa mongto chemtukux kakpuix!

2 WANGHOMBU 1:13

Anaole chu lompa azom lükya mama mixsün 50 füi tsanle apao. Ija mixsün haxkho to dong ilaxle Elija hato nguilaxle chikux thongle akhux ilaxle chingcha jule akax: “O Zang khünak, kue nang ma chingcha jule thüipu, ku khüzün tamchu nang thothale ngokya khünak ibu 50, kwom pangwüi nang tunthoma thalix ang naxchang.

1 SAMUEL 26:21

Sol-e lan: “Ku thaidaoa, Dawid, kusa; nang chat-hüi! Kue nang to otuechu chakmok-janlangle münchangpu, chemthüikoxle awün nange ku lang tsuakse pa khosünpu. Ku a müimamale ngadaoa! Kue tüle oma-oshix mwot chimokfang mokle jao changdaoa!”

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

1 SAMUEL 18:29

Ikhoma sisile chix Dawid thua za ilaxle chix mazi-mazile Dawid zongto zanpa ang ngo.

1 SAMUEL 26:24

Kue anyix nang chilangle chemle azünpuix, ilailaile Jowanpae zikmüt-mangkho pangnu chak tokya ku khosünle thom hüi.”

1 SAMUEL 19:8

Filistia nok füi anao chuwüi azan angkya lai. Dawid-e hwom to sing ilaxle bakle lütle hwom afütle apao.

2 SAMUEL 7:9

Nang apaopao pangkha towüi ku nang füi womle tüikya, ilaxle nang zankat foto kue nang ang zanpabu to lüt ang tompu. Kue nang a tüle zangle wünkya khünak tuita ang, chaxwan tokma chongkya-chongkya lompabu ningle achangüi.

WANWÜNKAX 12:8

Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.