1 SAMUEL 18:17 - OTSAO BAIBEL (BSI)

¹⁷ Ifüima Sol-e Dawid ang thüi: “Ku sacha nüchongnu Merab ima tüile. Nange tuita mongchongkya mix tamchu kax ma laxkya süpahi tuita ningle ku thotha laxle Jowanpa hanpakma achax-azanüile mongtsukya ningle kue ku sacha nang kako ang koxüi.” (Sol-e chix tomtatae chilang homtoxle Dawid a Filistia nok zan to amüt angkya hanpakmale ile atsing.)

1 SAMUEL 18:17 ပူးပေါင်းရင်းမြစ်များ

1 SAMUEL 25:28

Alixachong. Chingchalaxle ku thaikya alak-hüi, kue tütali ma thaile jangmok dao thüininglea. Jowanpae nang a wanghom ang achangüi, ilaxle nangsix-nanglibu chuwüi achangüi, chemthüikoxle nange chix hanpakma azanle hüipu, ilaxle nang ma ochax chemchu chimoküi, nang tsüntsün ma nang a tsaothale ngoüi.

1 SAMUEL 18:25

ilaxle Dawid hama ija wün angkya hwom ang kaxkox: “Wanghompa-e nang ma naocha tha jukya mama chemchu müntüi ikoxle Filistia nok langkyabu angkya khwonnüi, chix zanpa hwom to olüix khomkya tuita ningle laxse tsuputa.” (Filistia nok ang Dawid lom ang kox angkya hanpakmale Sol ile atsing.)

1 SAMUEL 17:25

Hwome tata füi zangwünle thüi: “Chix to hulax! Chixe tsiakle akhongkya zing apalax! Ija mixsün langtsuakkya mix ang hingho tüle chongle kox angkya wanghompa Sol-e tsaosaxdaoa; ija mixsün ang chix sacha naochasa kox angkya tamchu hwom homkhae wanghom ang süi chifa angkya kax ngaidaoa.”

1 SAMUEL 18:21

Chixe chix mongto zangwün: “Kue Mikal a Dawid ang wüi koxüi; she a kue chix aman angkya osüt ang twonüi, ilaxle chix a Filistia nok zan to max ang tomüi.” Ikhoma anaole chuwüi Sol-e Dawid ang thüi: “Nang a ku nomsün ang changhüi.”

1 SAMUEL 17:47

ilaxle chix khünaknu khosün ang Jowanpae chang hia pax laxle ngo angkya chem mwot müntüi, le ikha angkyabue awan ang kopüi. Zan pangnu to chixe wüi lütpu, ilaxle athax hünzom pangwüi chixe kwom chak to kox angkya changle.”

MÜNCHUAK-TSAI 55:21

Chix zangwünbu a müizao füi ngaxchu fi-fole, ikoxlechu chix mongkha to miktsakkya tüile; chix zangwünbu a münga füi ngaxchu alyakle tüikya, ikoxlechu ibue daxcha füi zütkya ningle zütle.

MÜNCHUAK-TSAI 12:2

Hwom pangwüi tata zongto atse;

2 SAMUEL 12:9

Jangchangthüiba nange ku kaxtom kax ma büthüikoxle chilax? Nange ija ochax büthüikoxle mok? Nange Uriah a Amon nok zan ma max ang tsanpu ilaxle nange chix kakonu nang kako ang laxpu!

2 SAMUEL 11:15

Chixe za: “Uriah a zan to tunpa ma sütle akatkox. Zan sümakya khama chix dankox ilaxle hünzom anongle chatkox, ile chix zan to max ang tomkox.”

TSAITONG-KAXTONG 17:7

Mikngün kax ngaikya khünakbue pongwang ma thupüi, ifüima ija khünak to noknue longfüi thupüi; ija ningle hünzom a haxshix mwot füi atsaile ngo ang kopüi.

HUAKE LAIPEX 32:29

“Gad hia Reuben khünakbue Jordan shuanu talaxle Jowanpa kaxtom ma zanbu füi azan ang achwonle jangchang, ilaxle hwome asunkya füi hünzome chaxwan kop ang tsuakle jangchang; ile jangchang thüiningle Gilid haxtok a hwom haxtok ang koxdao.

HUAKE LAIPEX 32:27

Ikoxle kwom bibi a Jowanpa kaxtom fang ma zan to ka ang achwonle tüile. Nange akax daokya ningle kwom Jordan shuanu tale leüi ilaxle azanle toxüi.”

HUAKE LAIPEX 32:20

Mosa-e lan: “Hünzome otsingtsing ma akaxkya jangchang, athax ikhama Jowanpa womle tüipongma zan to ka ang achwonlax.

HUAKE LAIPEX 21:14

Idaile Jowanpa Zanhok Laipex ma: “Sufah wankam angkya Waheb tinglong, ilaxle haxnucha, Arnon shuanu,

1 SAMUEL 14:49

Sol sasün hwom a, Jonathan, Ishwi hia Malkishua hwom bibi changkya. Chix sacha nüchongnu a Merab ilaxle naolinu a Mikal le changkya.

1 SAMUEL 17:36

Kue chaxnu hia chepnubu obibihex langdaoa, ilaxle kue ija songsari Filistia sün tochu ile wüi moküi. Chixe ozün ma tüikya Zang süpahi ang ngokyabu adix-adale changkya münmüi.

1 SAMUEL 18:27

Dawid hia chix khünakbu zan to kalaxle 200 Filistia mang angkya khwonnüibu wanghompa hato apüile chix pomtho ma ibu akiakle dan. Ile chix wanghompa nomsün tuita ang achang ang Dawid-e mok ikhoma Sol-e chix sacha Mikal a Dawid ma aju-asomle kox angkya hato hüi.

1 SAMUEL 30:26

Chemtue Dawid a Ziklag to chatle changpuix, chixe kopkya tuina ahanlaxle Judah nok angkya lompa chix zuikhuibu hato ija kaxho füi khünak akat: “Jowanpa zongto zanpabu ang ngokyabu chak tokya kwome pale kopkya tuina ibu a hünzom ang tuita hingho ningle ibu akatpu.”

2 SAMUEL 6:16

Ija Suak tingnu to anople ngopongma, Sol sacha Mikal-e thangmik makhange hukoxle Dawid a azüizüithale füt-shwon ngokya ngünle lax, ilaxle she mongto chix thua anule chang.

WANWÜNKAX 26:24

Künkux-mongkwom khünake chix tunmüi zangwünbu nuakfüi ma miktsak zuile thomle.

WANWÜNKAX 26:25

Ibu zangwün müile atatkoxlax, ikoxlechu chix to taxong, chemthüikoxle chix mongkha a dingkux kople miktsake awang laxle tüile.

WANWÜNKAX 26:26

Miktsak-mongwom chitüikya ningle chix atsing ang tsuakkoxlax, ikoxlechu chixe mokkya ochax mwot noknusae ngün ang kopüi.