1 SAMUEL 16:7 - OTSAO BAIBEL (BSI)

⁷ Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

1 SAMUEL 16:7 ပူးပေါင်းရင်းမြစ်များ

JUHAN 7:24

Otok osün to hulaxle kaxfün fakya zakün, ilaxle kaxfün changle fakox.”

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

1 PITAR 3:4

ikoxle mong othongdua to, künsom mongdang hia dangjajakya chasa, omüt osam chitüikya zapua ang achanglax; ija chasa a Zang miksho ma thalix changle.

WANWÜNKAX 16:2

Nange mokkya pangwüi sule tüile le nang thütle ngokoxlax, ikoxlechu nang tutex kaxfün fakya a Jowanpa tix changpu.

WANWÜNKAX 31:30

Jik-naikya a odyen changpu ilaxle sünmüi samdao angkya, ikoxle Jowanpa achuak-achenle tüikya mixcha a achuak angkya wüi.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

WANGSHEMBU MWOT 1:24

Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix,

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

JEREMIA 20:12

Ikoxle, Jowanpa Khüthak Zang, nange khünaknu to zukya lom ma thwontsingpu; hwom kün-hi-mongkha ma chem tüipuix nang tikle ngopu. Ikhoma nange ku zanpabu to olüix khomle changkya kue ngün ang tomhüi, chemthüikoxle ku künduk mongthang kue nang chak to koxdaoa.

MÜNCHUAK-TSAI 139:2

Kue mokkya komkaile nange tsingle laxpu; tsai-tokhange nange ku mongtex bakle awan laxpu.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

2 KORIN 10:10

Chemthüikoxle hwome thüile: “Pol laiza tüle khünzukya tamchu ahai ang chimüikya changle, ikoxle otue chix kwom füi tomle kun ma tüikyahex, chix ma zong chitüi, ilaxle chix tsai chix kaxbu chem angchu chichang!”

1 PITAR 2:4

Khünaknue chilaxli le awüt ikoxle Zange ija achongkya le kamle lax, ija Jowanpa ozün ma tüikya long hato oman.

JOB LAIPEX 10:4

Nangechu jali to kwome hukya lailai wüi hupia?

2 SAMUEL 14:25

Israel haxtok ma Absalom lailaile zangle wünkya sünmüi-johang owachu chitüi; chix ma khang makhange cha kople thaile le thüi angkya onui jao chitüi.

1 SAMUEL 9:2

Chix ang sasün “Sol”, le amünle tuita tüikya. Chix a osün tüle müile tamchu tsaktan khüse ma tüikya. Israel nok pangnu khama Sol khang wüi sechuak ilaxle sünchu chix wüi sümüile tüikya.

JEREMIA 11:20

Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

WANWÜNKAX 15:11

Ikhato chem tüipuix ija Jowanpa ang awan ang chitomle amalume ngaxchu pyenle thom ang müntho; jangchang thüiba keme kem tutex chix thoto chemle khomle thom ang thoüi?

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

2 KORIN 10:7

Hünzom a mongjang ma khünzukya müntüi. Owawae atsingshole chix Khrista da changpu le tex ngo angkya mix jangtüiba, chixe müile ajang ang laxkox, ilaxle ku chuwüi chix bütukuxle Khrista da changpu le chixe tsingle laxüi.

JUHAN 8:15

Hünzome müi-hi-aji mongtex ma kaxfün fale; ikoxle kue owa angchu kaxfün münfa.

PONGWANG LAIPEX 4:5

ikoxle chixe Kain hia chixe apüikya tö pongle chikop. Ikhoma Kain ang müimamale mongtsik dongle thün asik.

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

2 SAMUEL 7:20

Kue iboma nang füi chem zextsuaküi! Nange ku awanle ngopu, ku a nang dapa tuita.

2 PUKAX-PANGAO 6:30

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

WANWÜNKAX 24:12

Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

1 PUKAX-PANGAO 17:18

Kue iboma nang füi chemle wünüi! Nange ku abakle awan ngopu, ikoxlechu ku nang dapa nange achuak-achen ngopu.

JOB LAIPEX 35:5

Zangkho to hulax! Zangfwombu chemtukux tsuale tüipuix!