1 SAMUEL 16:13 - OTSAO BAIBEL (BSI)

¹³ Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

1 SAMUEL 16:13 ပူးပေါင်းရင်းမြစ်များ

1 SAMUEL 10:6

Allele nang to Jowanpa Chasae kopüi ilaxle nang chuwüi hwom khato zanglom tsai ngaole hia azüile nang chixlili khünak ang achangle paoüi.

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

KAXFÜNPA-HWOM 11:29

Ifüima Jowanpa Chasa Jefthah hato hüi. Gilid makhange chix Manasseh to le ilaxle Gilid angkya Mizpah to chat ilaxle Amon to le.

KAXFÜNPA-HWOM 3:10

Jowanpa chasa chix ma ngui, ilaxle chix Israel nok lompa ang achang. Othniel zan to ka, ilaxle chix ang Mesopotamia wanghom to lüt ang tom.

HUAKE LAIPEX 27:18

Jowanpae Mosa ang thüi: “Nun sasün Jihusua kamlax. Chix a tsuak angkya mix changle, ilaxle nang chak a chix khangkho ma dankox.

1 SAMUEL 16:18

Chix to hume ang ngokya khama mixsün tuitae thüi: “Bethlehem to Jesse sasün tüle tsaiman mix tuita tüipu. Chix a tuita mongchen füikya mixchu changpu, chix-sün chix-jo tüle müile. Chix a tuita müikya süpahi tamchu tsai manmix changle. Jowanpa chu chix füi tüile.”

2 WANGHOMBU 9:6

Ifüima hokhi a nuikha to dong, ilaxle naosün ajepae Jehu khang ma olip münga füi li üntoxle chix ang thüi: “Jowanpa, Israel nok Zang-e ngaile: ‘Kue nang a ku khünaknu Israel nok hanpak ang wanghom ang kampu.

1 SAMUEL 11:6

Chemtue Sol-e ija kax atale laxpuix, Jowanpa Chasae chix to kop ilaxle chix mongto wünchua laile mongtsik dong.

KAXFÜNPA-HWOM 14:6

Allele Jowanpa tsak-zong makhange Samson hato janzüi hüi, ilaxle chixe ija mailang a, tuita zwonsa langpupule chak tata füi ashik-akhix. Ikoxle ija chix mwot bama chixe honu hia hopa nyi hama chiwün.

KAXFÜNPA-HWOM 13:25

Ilaxle Zorah hia Eshtaol pom nyi bama ngopongma Jowanpae chix ang tsak-zong kox angkya owang wang.

HUAKE LAIPEX 11:17

Ku juüi ilaxle ikhama kue nang füi zangwünüi ilaxle kue nang ang koxle tüikya chasa züita lax üntoxle hwom ang koxüi. Ifüima hwome ibu khünaknu hanpakma nang füi tomle hünlit hün ang thoüi, ilaxle nange nang tatae hünle ngo angkya münchang.

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

IBRI 11:32

Kue chatchu wün angcha? Chemthüikoxle Gideon, Barak, Samson, Jeptax, Dawid, Samuel, üntoxlechu ajebu mo wün ang ku ang hanpak müntüi.

1 SAMUEL 2:35

Kue ku nguapa ang ku to mongong thomkya khünak zünle laxüi ilaxle ija khünak ang ku mongtex mwot mok ang tomüi. Kue chix ang osix-oli faüi; ibue kue zünle kopkya chongwangpa chitong ma jento chix thothale changüi.

1 SAMUEL 18:12

Sol a Dawid thua za chemthüikoxle Jowanpae chix danle tox ikoxle chix a Dawid füi womle ngo.

2 SAMUEL 2:4

Ifüima Judah angkya khünaknu Hebron to nguilaxle Dawid a Judah nok wanghompa ang kamle münga füi pa. Gilid angkya Jabesh noke Sol mang akhünkya bama chemtue Dawid-e atatle laxpuix,

2 SAMUEL 5:3

Ikhoma Israel nok lompabu pangwüi Hebron to Dawid hato ngui. Chix huxsa ma hwom füi nokmüi ang chang. Hwome chix to münga füi pa ilaxle chix a Israel nok wanghompa ang achang.

2 SAMUEL 12:7

Nathan-e lan: “Ija khünak a nang changle. Jowanpa Israel nok Zang-e akaxkya kax a ija changle: ‘Kue nang Israel nok wanghom ang zingpu ilaxle Sol chak tokya khosünle thompu.

2 SAMUEL 23:1

Jesse sasün Dawid a Zang-e achongkya ang achangkya khünak changkya. Jakop Zang-e chix wanghompa ang kam. Chix a müikya-müikya Israel nok tsaizingpa changkya. Ibu a Dawid kaxshukbu changle.

MÜNCHUAK-TSAI 89:20

Chix to münga füi lilaxle ku dapa Dawid kue wanghom ang zingdaoa.

1 SAMUEL 1:19

Ofüima Elkanah hia chix kakobu swomsae zo, ilaxle zangshwom laxle hwom hom Ramah to chat. Elkanah a chix kakonu Hannah füi jip-pomle chang, ilaxle Jowanpae she zangjop to lan.

1 PUKAX-PANGAO 11:3

Ikhoma Israel nok lompabu pangwüi Hebron to wanghompa Dawid hato ngui. Chixe hwom füi huxsa ma nokmüi zing, hwome chix to müngae pa, ilaxle chix a Israel nok wanghompa ang achang, ija a ajepa Samuel makhange Jowanpae tsaosaxle thomdaokya ningle chang.

MÜNCHUAK-TSAI 89:21

Ku janzüi othuithuima chix füi ngoüi, ku tsak-zong makhange chix zongtüi ang tomüi.