1 SAMUEL 16:1 - OTSAO BAIBEL (BSI)

¹ Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

1 SAMUEL 16:1 ပူးပေါင်းရင်းမြစ်များ

2 WANGHOMBU 9:1

Ipongma ajepa Elisha-e naosün ajepa tuita se ilaxle chix ang thüi: “Gilid angkya Ramoth to pao ang achwonlax.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

1 SAMUEL 15:35

Samuel ozün ma ngokya kople chixe wanghompa Sol sün chatle tam chingün; ikoxlechu chix hanpakma chix tüle sop. Israel ma wanghompa ang Sol kamle kopkya khoma Jowanpa ang huanuma mongma.

ROM NOK HATO ZAKYA POL LAIZA 15:12

Anaolechu Isaia-e thüi: “Jesse sixli nguiüi; mixnokbu apün ang chix nwonüi; hwome hwom monghom chix ma thomüi.”

1 SAMUEL 16:15

Chix dabue chix ang thüi: “Kwome awanle, Zang-e ahüikya haxshix chasae nang to sikngün ang tompu.

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

1 SAMUEL 15:26

Samuel-e lan: “Ku a nang füito pao ang müntsuak. Nange Jowanpa kaxtom ahaile changkya khoma chixe nang a Israel nok wanghompa ang chilaxle awütdaoa.”

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

1 SAMUEL 15:11

“Kue Sol wanghom ang kamle koplaxle ku ang mong münmüi; chixe ku hato tok aho üntoxle ku kaxtombu kax ma münlax.” Samuel ang mongtsik ilaxle zang angaile Jowanpa ma chingcha ju.

JEREMIA 6:30

Hwom ang chilaxli jandix le nyaküi, chemthüikoxle hwom a Jowanpa kue chilaxle awütdaoa.”

2 WANGHOMBU 9:6

Ifüima hokhi a nuikha to dong, ilaxle naosün ajepae Jehu khang ma olip münga füi li üntoxle chix ang thüi: “Jowanpa, Israel nok Zang-e ngaile: ‘Kue nang a ku khünaknu Israel nok hanpak ang wanghom ang kampu.

1 SAMUEL 16:23

Ija makhange, chemtue Jowanpa makhange ahüikya haxshix chasa Sol ma nople changpuix, Dawid-e chix klingkingkong apüilaxle hongüi; ija ma haxshix chasa laile pao. Ile chang füima Sol ang khangka hingle hüi.

JEREMIA 7:16

Jowanpae thüi: “Jeremia, khünak ibu hanpakma zangjople taxchang. Hwom mün ma taxsop tamchu zangjople taxchang; ku ma tsaiju-kaxjule taxchang, chemthüikoxle kue nang tsai nang kax to apaüi münchang.

ISAIA 55:4

Kue chix lompa ang tamchu onok akhokya ang zingpu, ilaxle chix makhange kue hwom hato ku tsak-zong ahopu.

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

2 WANGHOMBU 9:3

chix khang ma ija münga füi li ilaxle thüikox, ‘Jowanpae nang a Israel wanghompa ang kamdaoa’ le ngaikox. Ilaxle nange tsuakkya tukuxle momle ikha danle toxdao.”

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

IBRI 11:32

Kue chatchu wün angcha? Chemthüikoxle Gideon, Barak, Samson, Jeptax, Dawid, Samuel, üntoxlechu ajebu mo wün ang ku ang hanpak müntüi.

1 WANGHOMBU 8:16

‘Kue ku khünaknu Ijip nok tokya apüikya makhange, Israel haxtok ma ijongkha ma Zangshwom-Hom zailaxle ku to shwom angkya hex-ole kue tingnu tuita chu zünle chikop. Ikoxlechu, Dawid, kue ku khünaknu thakma apün angkya hanpakma nang zünle koppu’ le thüikya chix tsaotsüt otya ma thom.”

1 PUKAX-PANGAO 11:3

Ikhoma Israel nok lompabu pangwüi Hebron to wanghompa Dawid hato ngui. Chixe hwom füi huxsa ma nokmüi zing, hwome chix to müngae pa, ilaxle chix a Israel nok wanghompa ang achang, ija a ajepa Samuel makhange Jowanpae tsaosaxle thomdaokya ningle chang.

1 PUKAX-PANGAO 28:4

Jowanpa, Israel nok Zang-e, Israel nok thakma jento apün-awangle ngo angkya ku tamchu ku sixli hwom zünle kopdaoa. Chixe Judah homjen a lompabu alai angkya hanpakma zünle kopdaoa, ikoxle Judah homkha angkya chixe kwom apa homkha zünle kople. Ija kwom homkha angkya, Israel nok pangnu thakma apün-awangle chang angkya mix ang ku zünle kopkya a chix mongtex changle.

ZEKARIA 4:14

Ifüima chixe akax: “Ija a, pangnu chaxwannu Jowanpa, chix thothale chang angkya hanpakma Zang-e zünle tamchu kamle kopkya mixsün anyi changle.”

1 SAMUEL 17:12

Dawid a Jesse sasün changkya, ilaxle Jesse a Bethlehem angkya Efrath nok changkya. Jesse ang lüka naosom hwom achyet tüikya. Sol wanghom ang achang pongma chix a owüiole azule taikopa ang changdaokya.