1 SAMUEL 15:33 - OTSAO BAIBEL (BSI)

³³ Samuel-e thüi: “Nang changlo khokho ma anyix shekobu su-sa chilax homtoxle huanuma ngole tüile, ija lailaile athaxpi hünnuchu masa chilax homtoxle mixcha tuita ang danle toxüi.” Ilaxle chixe Agag a tö-tsap tuntho ma Gilgal ma texle akhix.

1 SAMUEL 15:33 ပူးပေါင်းရင်းမြစ်များ

KAXFÜNPA-HWOM 1:7

Adonibezek-e thüi: “wanghom hwom 70 ang a chak-khi khinu hia chakhi khinubu texle awüt laxle ku tsap chitong angkya saxfun tswon ang koxdaopu. Hwom to kue chemle hwonpuix ija ningle Zang-e athax ku to hwonpu.” Chix ang Jerusalem to pao ilaxle chix ikhato zi.

PONGWANG LAIPEX 9:6

Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.

MATHI 7:2

büthüikoxle chem kaxfün füi nange mix kaxfün puix, ija kaxfün füi Zange nang bama kaxfün faüi tamchu hünzome mix zongto twonkya wanlombu Zange hünzom hanpakma twon angkya changle.

MIKNGÜN-OHÜN 18:6

She-e hünzom to hwondaokya ningle, ilailaile she tochu hwonkox; She-e mokdaokya mwot-thom to, othom anyie bole she ang oma laxkox. She-e hünzom hanpakma achwonkya ju, ito thom anyie nüile tsakkya ju füi, she pe awang ang laxkox.

MIKNGÜN-OHÜN 16:6

Hwome Zang khünaknu hia ajebu, aji thokdao koxle nange hwom ang, aji ling ang koxpu. Hwome chem kopse hex, hwome ija koppu!”

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

JEREMIA 48:10

Künkox mongkoxle Jowanpa mwot chimokkyabu to thuakzomle changkox! Chang syet laxle mix chilangkya mix to thuakzomkox!)

ISAIA 34:6

Chix changlo a, tö kox ang lang pongkya chun aji hia ozao lailaile hwom aji hia ozao füi awangle tüiüi. Jowanpae chix tö a Bozrah tingnu ma koxüi; chixe ija a Edom haxtok ma tö koxle müi langkya khama achongkya ang achangüi.

1 WANGHOMBU 18:40

Elija-e kaxkoxle thüi: “Bal ajebu pangwüi kopkox, hwom tuitachu paole azang ang taxkox.” Khünaknue hwom pangwüi kop, ilaxle Elija-e hwom Kishon shuanu to jo laxle hwom pangwüi langle awüt.

HUAKE LAIPEX 14:45

Ikoxle ikhato tüikya Amalek hia Kanan noke hwom to sing ilaxle hwom to anao, ilaxle Horamah alople jao ibue hwom achuale zik.

LAIPAO 17:11

Mosa-e chix chak nwonle thomkya kople Israel noke wüi lüt ikoxle chemtue chixe chak ajole changpongma a Amalek noke lüt.

1 SAMUEL 15:32

Samuel-e kaxkoxle thüi: “Wanghompa Agag ikhato ku hato apüihüi.” Wanghompa Agag a, chix mik max angkya ajang laxle, zale abün-ngale thüi: “Zi angkya a chemtukuxkya khaxza wünlokle changpuix!”

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

HOSIA 6:5

Ikhoma kue ku ajebu, kue kaxfün fa angkya hia thama ahüi angkya kaxho füi hünzom hato ahüipu. Hünzom angkya kue laxse tsukya a tangtho üntoxle tsaothale:

LAIPAO 21:24

mik lüix ma mik, wa lüix ma wa, chak lüix ma chak, cha lüix ma cha,

1 SAMUEL 10:8

Gilgal to nang ku thoto achale nguile bangüi; ikhato kue nang apongüi ilaxle zokle ashunkya tö hia notom-tusüi tö koxüi. Ikhato ku nguikya tanle nyix-anüt nuithün ilaxle nange chem mok angkya hex ija kue apuale faüi.”