1 SAMUEL 15:29 - OTSAO BAIBEL (BSI)

²⁹ Tüle zaxzangle tüikya Israel nok Zang-e otuechu atsele münchang chichangba chix mong ajo-ajele münchang. Chix a khünak münchang, chixe chix mong ajo-ajele münchangüi.”

1 SAMUEL 15:29 ပူးပေါင်းရင်းမြစ်များ

EZEKEL 24:14

Ku, Jowanpae ija akaxdaoa. Ija mok angkya ku hato hanpak nguile hüidaoa. Kue nang ochaxbu naxchanglax le toxüi münchang, chichangba nang hato chingcha-jaja ahole changüichu münchang. Nange chem mokdaopuix, ija bama nang sikngün apong ang tom angkya wüi changle.” Ija Jowanpa Khüthak Zang-e akaxdaoa.

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

2 TIMOTHI 2:13

Kem mongong chitüi le changkoxchu, chix ma mongao angkya müntüi; chixe ma thaikya ang münachang tsuak.”

MÜNCHUAK-TSAI 95:11

Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”

2 KORIN 12:9

Ikoxle chix kaxlan a: “Nang hanpakma ku chingcha wüi nguile ngoüna, chemthüikoxle ku tsakzong omo apong angkya a nang shonaikya ma tix changle.” Ku khose angkya Khrista zong tüikya mongto awün angkya bama, ku shonaikya bama, ku mongngam angkya ku zongma huanuma mongmüi changle.

JOEL 3:16

Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

MÜNCHUAK-TSAI 68:35

Chix otsao ngwotnui angkya nguipongma Zang ngünlaxle chemtukuxle mong anyonkya tüipuix: Israel nok Zang nguipongma a! Chixe chix khünaknu ang janzüi hia tsak-zong kox. Zang achuak kox!

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

TSAITONG-KAXTONG 33:27

Zang a othuithuima hünzom ziakop mix ang ngole hüi; oshuk chitüikya chix chak a hünzom juafong ang. Hünzom nguikya füi shemle chixe zan-nokbu jwonle apao, ilaxle ibu pangwüi olithule amüt angkya nang füi akax.

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

IBRI 7:21

Ikoxle otue Zange “Zange tsao saxle üntoxle ija achatle münlaxüi; Nang a jento nguapa le ngoüi” le tsaosaxkya makhange Jisu a Nguapa ang achangle.