1 SAMUEL 15:26 - OTSAO BAIBEL (BSI)

²⁶ Samuel-e lan: “Ku a nang füito pao ang müntsuak. Nange Jowanpa kaxtom ahaile changkya khoma chixe nang a Israel nok wanghompa ang chilaxle awütdaoa.”

1 SAMUEL 15:26 ပူးပေါင်းရင်းမြစ်များ

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

1 SAMUEL 13:14

Athaxpi nange apün-awangkya zaküi. Nange chix kax ma chilaxle changkya khoma Jowanpae chix mongtsukya khünak lom laxle ija mixsün ang chix khünaknu thak ma apün-awangle ang tomüi.”

2 JUHAN 1:11

Chemthüikoxle owawae ibu ang nomfui le thüikya mix jangtüi, chixchu wüi ibue mokkya mwot ma üitho changpu.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

1 SAMUEL 15:31

Ikhoma Samuel chix füi tomle chat ilaxle Sol-e Jowanpa to shwomtole chang.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

PONGWANG LAIPEX 42:38

Ikoxlechu Jakop-e thüi: “Kusa nang füito pao ang müntsuaküi; hotüi nang zidao, athax chix, chix tata wüi changle. Lomba to chix to tütale wüi changtüi. Ku a azule maxün ilaxle nange ku hato mongmax angkya jang-apüi thüiningle ku zichu zitüilax.”

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

1 SAMUEL 28:18

Nange Jowanpa kaxtom ma chilax ikhoma nange Amalek nok, hwom tuinabu füi tomle komkaile chiamüt. Ikhoma Jowanpae nang to athax ija hwonpu.

2 SAMUEL 12:9

Jangchangthüiba nange ku kaxtom kax ma büthüikoxle chilax? Nange ija ochax büthüikoxle mok? Nange Uriah a Amon nok zan ma max ang tsanpu ilaxle nange chix kakonu nang kako ang laxpu!

HOSIA 13:11

Kue hünzom ang wanghombu ku mongtsik füi koxpu, ilaxle ku küntsik-mongma füi kue hwom tswonle paopu.

2 SAMUEL 7:15

Ikoxlechu Sol dantoxkya lailaile chihu-chimele kue chix mündantox. Sol a kue nang wanghompa ang achang tsuak angkya kuxmale apaopu.