1 SAMUEL 14:45 - OTSAO BAIBEL (BSI)

⁴⁵ Ikoxle khünaknue Sol ang thüi: “Jonathan owae Israel nok hato ipongpongkya zanhok ma keme wüi anaokya apüipu, ija langle awütüileo? Ija otuechu münchangüi! Kwome ozün ma tüikya Jowanpa mün ma tsaotsütle thüipu, chix khang angkya khangmun pa tuita ngaxchu sam ang müntompu. Anyix chixe chem mokpuix, ija a Zang-e fongkya füi mokpu.” Ile Jonathan mik max angkya atakse pa khünaknue sünle koppu.

1 SAMUEL 14:45 ပူးပေါင်းရင်းမြစ်များ

WANGSHEMBU MWOT 27:34

Hünzomepi süt shongsaxle kop-hüi; hünzome ma azang angkya kuxma süt a saxkox le wüi müi angkya changle. Hünzom khang angkya khopa tuita ngaxchu münmaxpu.”

KAXHO MÜIKYA LUK 21:18

Ikoxlechu hünzom khang angkya khopa tuita amüt ang münfaüi.

2 SAMUEL 14:11

She-e lan: “Wanghompa, Jowanpa, nang Zang to jop-hüi, ikoxle tix ku sasün mikmüt bama hünlit laxsepa ku haxnu-homsa khünakbue ku sasün mama tamlang laxle tamtaikya mütkop ang chichang angkya hanpakma a.” Wanghompa-e lan: “Ozün ma tüikya Jowanpa mün ma kue tsaopu, nang sasün to ikuxsa ngaxchu chakmokle münchangüi.”

1 WANGHOMBU 1:52

Solomon lan: “Chix ma thaikya ojao chitüi thüiningle chix khang angkya khopa tuita to müntwon; ikoxle chix ile chitüi, jangthüiba chix a lang angkya jao changpu.”

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

MATHI 10:30

Hünzom khang angkya khopa ngaxchu komkaile e thompu.

MIKNGÜN-OHÜN 19:14

Man athokyabu khoma nga üntoxle jaknyidax tsaothakyabu awunlaxle zangkangting süpahibu chix füito azui.

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

WANGSHEMBU MWOT 21:19

Pol-e hwom ang wünpwon salam kox ilaxle chix makhange Zange mixnokbu khato mokle hüikya bama bakle wün.

WANGSHEMBU MWOT 15:12

Barnaba hia Pol nyie, hokhi makhange mixnokbu khato khomtsikya hia ohünotün mwotbu mok ang tomkya Zang mwottho kaxwün wangkya atatkya zuma noknusa wüi dangle hokhi zangwün to natha le apa.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

ROM NOK HATO ZAKYA POL LAIZA 15:18

Otsao Chasa tsakzong makhange, münwan hia ohünotünbu tsakzong makhange, Khrista-e ku makhange mixnokbu Zang kax ma laxkya hato zunle apüi ang chem mokdao laxpuix, ija bama ku mongchongüi ilaxle zangwünüi.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

ISAIA 13:3

Otsao zan azanlaxle chix füi mongtsikle ngokyabu to sikangün angkya hanpakma Jowanpae mongngamle tamchu mongchongle tüikya süpahibu to nyak.

NEHEMIA 9:27

ikhoma nange zan-nokbu ang hwom tingsum laxle hwom thakma apün ang tom. Hwom sikngün chifün tokhange hwome asunhüile nang nyakle akhong, ilaxle zangkangting tokhange hwom kax to lan. Nang chingcha chongkya füi nange hwom hato lompabu ahüi zanpabu chak tokya hwom khosünle fakya lompabu a.

2 PUKAX-PANGAO 19:11

Zanglom füikya zangwün pangnu lom ma Nguakho Amaziah a zangwün tsuakle fakya mix ang changüi, ilaxle chaxwannu mama tingpün-nokwangkya zangwün bama a Ishmael sasün Zebadiah, Judah angkya gowarnor a pangwüi zangwün tsuakle fa angkya mix ang changüi. Khwalo ma tsaifün kaxwün tsuakle fadaokya mwot ang achangle mokchahex ang hu angkya a Liwi hwom mwot changüi. Ibu adangle fakya mwot pangwüi mokle tsuak angkya hanpakma mongchonglax, ilaxle sukya olom ma Jowanpa a hünzom chima naxtüi fa!”

1 SAMUEL 19:5

Goliath langpongma chixe chix tsün koxle azanpu, ilaxle Israel hanpakma Jowanpae ija zan lütpu. Ija ngün-pongma nang ang mong huanuma müikya; jangchangthüiba, athax a, kaxfyet chemngax chitüi khato, chem oma chitüikya khünak tuita lang ang nange büthüikoxle tungle ngopu?”

1 SAMUEL 14:23

ilaxle Bethawen akaile jao lomjang fole azanle ka. Ija nyix Jowanpae Israel nokbu khose.

1 SAMUEL 14:46

Ija füima Sol-e Filistia nok zan to kale hwom achua ngokya zak, ilaxle hwom a ma haxsütsüt to chat.

1 SAMUEL 11:13

Ikoxlechu Sol-e thüi: “Anyix owachu mik max ang chitomüi, chemthüikoxle anyix a Jowanpae Israel nok khosünkya nyix changle.”