1 SAMUEL 14:20 - OTSAO BAIBEL (BSI)

²⁰ Ifüima chix ilaxle chix khünakbu Filistia nok zan to ka ang lai. Ipongma hwom a khosamsüile tata füi lüile atex-ahütle ngole tüikya.

1 SAMUEL 14:20 ပူးပေါင်းရင်းမြစ်များ

2 PUKAX-PANGAO 20:23

Amon nok hia Moab nok süpahibue Edom nok süpahibu to single hwome komkaile amüt, ilaxle hwom tata füi alünle khamkhitle jao azan.

KAXFÜNPA-HWOM 7:22

Gideon khünaknue nyazong mütle ngopongma zan-nok süpahibu a Jowanpae hwom tata füi lüile changlo-changlo ma ahütle azan ang tom. Hwom a Zarethan chito Beth Shittah alople jao zikle paole Tabbath zui angkya Abel Meholah tinglong to jao ngui.

ISAIA 19:2

Jowanpae thüile: “Kue Ijip nok ma nokpu zan lai ang tomüi ilaxle tüita-naopa hia tomzi-longzi bama tata zan to kale chang ang tomüi. Tingnu hia tingnubu, wanghom hia wanghombu tsak-zong ma atinle tata füi achax-azan ang tomüi.

1 SAMUEL 14:16

Benjamin haxsüt angkya Gibeah ma ziakop ang ngokya Sol khünak thome Filistia nokbu khopi-napale khong to zikle paoüi ngün.

EZEKEL 38:21

Kue Gog nok a thama-thomshix pangnuli thoto abüt ang tomüi. Ija kax Jowanpa, kue akaxpu. Chix khünakbue hwom chang-paxbu a tata to jannong alüi ang twonüi.

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

1 WANGHOMBU 20:21

Wanghompa Ahap-e zantam kop ang tsuak ilaxle man hia man-kanlinbu kop ilaxle Siria nokbu to thama adünle jao lüt.