1 SAMUEL 13:2 - OTSAO BAIBEL (BSI)

² Sol-e 3000 khünak zünle kop,2000 a chix füi Mikmash ma ilaxle Bethel angkya haxhua nok ma thom, ilaxle 1000 a sasün Jonathan füi tomle Benjamin homjen haxsüt ma tüikya Gibeah to akat. Ilaxle mamabu a Sol-e mahom-hom to achat.

1 SAMUEL 13:2 ပူးပေါင်းရင်းမြစ်များ

1 SAMUEL 10:26

Sol chuwüi hwom hom Gibeah to chat. Züizüi mixtsak-naomüibu, opang mongto Jowanpae pole changdaopuix, ibu chix füito pao.

1 SAMUEL 14:31

Ija nyix Israel noke Mikmash makhange Aijalon alople azanle Filistia nok to lüt. Ikoxlechu iponge Israel khünaknu woknuak ma huanuma ashole max,

1 SAMUEL 13:5

Israel nok füi azan ang Filistia nok asox; hwom ma 30, 000 man-kanlin, mankho ma ngalaxle azan angkya khünak 6000 ilaxle tinu kax angkya fix büta cha ma azan angkya süpahibu tüikya. Hwom a, Bethawen zong ma handünchi, Mikmash to nguilaxle ikhato pom zaile athong.

1 SAMUEL 13:23

Filistia noke Mikmash Lomnu tsyen ang süpahi othom tuita apao.

2 SAMUEL 21:6

Idaile chix sixli sasün hwom anüt kwom chak to koxhüi, ilaxle Jowanpae wanghom ang zünle kopkya Sol tingnu Gibeah ma kwome hwom Jowanpa tunthoma afünle langüi.” Wanghompa-e lan: “Kue hwom a hünzom chak to koxüi.”

1 SAMUEL 15:34

Ifüima Samuel a Ramah to chat, ilaxle wanghompa Sol a ma hom Gibeah to chat.

1 SAMUEL 14:52

Chix ozün ma ngokya kople Sol a Filistia nok füi zanma lejao azan. Idaile chemtue chixe tsak-zong füikya khünak apongle changpuix, chixe ija mixsün a süpahi khato mün apütle kop.

1 SAMUEL 14:5

Tuita a ija Lomnu zongma shuakuxchi ma Mikmash to hule, ilaxle ata mix a shuathong chikao ma Geba chito hule tüikya.

1 SAMUEL 8:11

Samuel-e thüi: “Hünzom wanghompa-e hünzom to ibibile hwon angkya changle: chixe hünzom su-sa hwom chix süpahi ang zingüi; züizüie chix zankat man-kanlin ma moküi, mamabue cha makhange ahamle azanüi, ilaxle mamabu a chix man-kanlin lomkop ang ahamüi.

KAXFÜNPA-HWOM 19:12

Ikoxlechu hopupae thüi: “Israel nok chichangkya tingnu ma kem zakzuile ngo angkya münchang. Ikha kailaxle kem Gibeah chichangba Ramah ma pomle toxüi.”

JIHUSUA 18:28

Zela, Haelef, Jebu (Jerusalem), Gibeah, ilaxle Kiriath Jearim: tingnubu 14, ibu akhople tüikya tinglongbu tüihukya. Ibibi a Benjamin homjene hwom haxsüt ang kopkya haxtok changpu.

1 SAMUEL 10:5

Ifüima nang a Gibeah to Zang Haxhua to dongüi. Ikhama Filistia nok pom tüile. Tinglong panja ma nange ajebu othom, haxkho to tö koxlaxle jule ngokyabu, thuaput-waxmaibu angaole hia lukfwon samsabu hongle apongüi. Hwom a azüizüithale akhongle hüingoüi.

1 SAMUEL 13:1

1 SAMUEL 13:11

ikoxle Samuel-e thüi: “Nange ija chem hwon?” Sol-e lan: “Khünaknu a ku dantoxlaxle pao ang süt, ilaxle nguiüihex-o thüikya otu ma nang chingui; ibomachu Filistia nok a Mikmash ma ziakople asox ngotüi.

1 SAMUEL 13:15

Gilgal angkya Samuel a chix lom to pao. Khünaknu pangwüi Sol füito azuile süpahibu füi apong ang pao. Gilgal angkya hwom Benjamin haxsüt tokya Gibeah to pao. Sol-e chix süpahibu to akiak-aziakle hu. Chix süpahibu a 600 tukux wüi tüikya.

1 SAMUEL 13:16

Sol, sasün Jonathan hia chix khünakbu Benjamin haxtok angkya Geba ma athong, Filistia nok pom a Mikmash ma tüikya.

1 SAMUEL 26:2

Israel haxtok angkya süpahi sümüimüi 3000 tukux koplaxle Dawid lom ang Sol a Zif Faonu to ka,

2 SAMUEL 20:1

Gilgal ma, Benjamin khünak Bikri sasün Sheba le amünkya chilaxli khünak tuita tüikya. Chixe nyazong müt ilaxle akhong: “Dawid athaidao! Kwom chix füito münazui! Israel khünaknu, khax-a, hom to chatlax!”

JIHUSUA 22:6

Jihusua-e hwom chix mohiman füi tamchu ibibi tsai-kax füi ma chaxwan to chat ang tom: “Hünzom ma hom to tüle ahak-aluale chatüi, tsom-pom, khop hia hun, wi, jan, ilaxle nyizabu tüle koplaxle hom to nguiüi. Hünzome zan-nok angkya kopkyabu mamix hwom füi tom-hanle laxkox.” Ifüima hwom ma hom to chat. Mosa-e Manasseh homjen süifi ang haxsüt Jordan shuanu zongma handünchi kao koxpu, ikoxle mama süifi tüikyabu ang Jihusua-e Jordan shuanu zongma hannopchi kao, mama Israel homjenbu füi asüile koxpu.

1 SAMUEL 24:3

Chix a lomkax ma tüikya chun pom hama soxle tüikya longkun to ngui ilaxle ija omong to nazaklax angle dong. Ikhama amipongma Dawid hia chix khünakbu azwonle nuikya longkun changkya.

NEHEMIA 11:31

Benjamin homjen angkya khünaknu a Geba, Mikmash, Ai, Bethel ilaxle hozui ma tüikya tingkhua,