1 SAMUEL 13:14 - OTSAO BAIBEL (BSI)

¹⁴ Athaxpi nange apün-awangkya zaküi. Nange chix kax ma chilaxle changkya khoma Jowanpae chix mongtsukya khünak lom laxle ija mixsün ang chix khünaknu thak ma apün-awangle ang tomüi.”

1 SAMUEL 13:14 ပူးပေါင်းရင်းမြစ်များ

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

1 SAMUEL 15:28

Samuel-e chix ang thüi: “Jowanpae anyix nang chak angkya Israel nok wangting akyetle changdaoa ilaxle ija wangting a nang füi sümüikya khünak owawa chak to koxle changdaoa.

MÜNCHUAK-TSAI 78:70

Chixe chix dapa Dawid zünle kop; chixe chun nye ang ngokya chix zünle kop,

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

WANGSHEMBU MWOT 7:46

Chixe, Zange chix füi mongzom müikya lima mok; ilaxle Jakop Zang ang chix shwom angkya Hom tuita zingle kox ang chix ma danhüile ju.

1 SAMUEL 16:12

Ikhoma Jesse a ija nao lom ang pao. Chix a tuita osün müikya tamchu otom-owan müile tüikya naosünsa tuita changkya, ilaxle chix mik a kakuile tüikya. Jowanpae Samuel ang thüi: “Ijatix changpu. Chix to münga füi lile kamkop!”

2 WANGHOMBU 20:5

khünaknu lompa Hezekiah hato chatlaxle chix füi ija kax akax angkya kaxkox: “Jowanpa ku, hünpa Dawid Zang-e, nang zangjop atatle laxdaoa tamchu nang mikfi ngünle laxdaoa. Kue nang kak tamchatle müi ang tomüi, ilaxle nyix azom ma nang Zangshwom-Hom to paoüi.

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

1 SAMUEL 15:26

Samuel-e lan: “Ku a nang füito pao ang müntsuak. Nange Jowanpa kaxtom ahaile changkya khoma chixe nang a Israel nok wanghompa ang chilaxle awütdaoa.”

1 SAMUEL 24:20

Athax kue tsingle laxdaoa, nang a Israel nok wanghom ang achangüi ilaxle nang chak ma wangting tsünlole ngoüi.

1 SAMUEL 25:30

Ilaxle Jowanpae nang ang tsaokya müikya oli bakle mokle hüi ilaxle nang a Israel noke wanghom ang zingle chang füima,

2 SAMUEL 6:21

Dawid-e lan: “Ku a Jowanpa achuakle azüi wüi. Jowanpa a, hünpa man ma, chix khünaknu Israel nok lompa ang ku kamle kopkya Zang changle. Ilaxle Jowanpa achuak ang ku ilele wüi azüi ngo angkya changpu,

1 PUKAX-PANGAO 10:13

Chixe Jowanpa to mongong chithomkya khoma Sol mik max angkya atak. Chixe Jowanpa kaxtombu kax ma chilaxle tüi ilaxle lwompubu ma tsaitik-kaxshole chang.

ISAIA 39:5

Isaia-e wanghompa ang thüi: “Jowanpa Khüthak Zang-e ile thüile

WANWÜNKAX 27:24

chemthüikoxle tuina a othuithuima ngo angkya oli münchang. Onok-chaxwan ngaxchu tamchimaxle ngo ang müntho.