1 SAMUEL 13:13 - OTSAO BAIBEL (BSI)

¹³ Samuel-e lan: “Ile mokkya ija a ongat mwot. Nange Jowanpa nang Zang-e koxkya kaxtom kax ma münlax. Nange chix kax ma laxkoxba, nange tamchu nangsix-nangli hwome Israel nok thakma jento apün-awangle ngose.

1 SAMUEL 13:13 ပူးပေါင်းရင်းမြစ်များ

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

1 SAMUEL 15:28

Samuel-e chix ang thüi: “Jowanpae anyix nang chak angkya Israel nok wangting akyetle changdaoa ilaxle ija wangting a nang füi sümüikya khünak owawa chak to koxle changdaoa.

1 SAMUEL 15:11

“Kue Sol wanghom ang kamle koplaxle ku ang mong münmüi; chixe ku hato tok aho üntoxle ku kaxtombu kax ma münlax.” Samuel ang mongtsik ilaxle zang angaile Jowanpa ma chingcha ju.

1 WANGHOMBU 21:20

Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.

1 WANGHOMBU 18:18

Elija-e lan: “Ku a tingtui adünle ngokya mix münchang, ikoxle nang ang tingtui adünle ngokya mix changpu, nang tata chichangle hünpa hünkhi pangnyi wüi tingtui adünkya mix changle. Hünzome Jowanpa kaxtom kax ma chilaxle ilaxle Bal chapabu to shwompu.

WANWÜNKAX 19:3

Züizüi khünake ma ongat mwotbu makhange ma alüile amale ilaxle Jowanpa ma tsaitox-kaxfele changle.

JOB LAIPEX 34:18

Hwom laxli chitüile hia chichangchizangle tüipongma, Zang-e Wanghom hia lompabu tha-ajaole.

2 PUKAX-PANGAO 19:2

Ajepa tuita, Henani sasün Jehu a wanghompa füi apong ang ngui ilaxle thüi: “Ochax khünakbu to asun angkya tamchu Jowanpa thua anule changkyabu chima se angkya nange sukya mwot le thütpia? Nange chem mokpuix, ijae nang füi Jowanpa ang mongtsik adünle changdaoa.

1 SAMUEL 1:22

Ikoxle izuma Hanah a chipao. She-e kakopa hama akax: “Ija naosa ham tsuakle tsongkya füi tomle kue chix a Jowanpa hom to apüiüi ilaxle tsüntsüne chix ikhato ngo ang tomüi.”

1 SAMUEL 13:12

Chaxwan-zanghan ile changkya khoma kue thüt, ‘Filistia noke ija Gilgal ma ku to single changüi ikoxle kue athax kople Jowanpa ma chix chingcha ju-lomle machang.’ Ile changkya khoma kue alüile tö kox angkya hato ahüipu.”

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

2 SAMUEL 24:10

Ikoxle ile Dawid-e khünak huak akiakle changkya füima, chix tutex mongto po ang süt, ilaxle chixe Jowanpa ang thüi: “Ija mwot mokkya bama kue khompua-zadün ochax lyenle changdaoa! Chingchalaxle ku ang thailak tüihüi. Kue ija ongat ningle mokdaoa.”

1 PUKAX-PANGAO 10:13

Chixe Jowanpa to mongong chithomkya khoma Sol mik max angkya atak. Chixe Jowanpa kaxtombu kax ma chilaxle tüi ilaxle lwompubu ma tsaitik-kaxshole chang.

ISAIA 39:5

Isaia-e wanghompa ang thüi: “Jowanpa Khüthak Zang-e ile thüile

JEREMIA 18:10

Ikoxlechu ija jat-lie ku kax ma chilaxle ochax mwot mokle wüi jangngoba, kue chem moküile akax daolaxpuix ija münmok.

PONGWANG LAIPEX 31:28

Nange ku ang kusu hwom füi tun-apongle chang ang ngaxchu chitom ilaxle kusa hwom füi wünzua kax akax ang ngaxchu chitom. Ija ningkya mwot a ongat mwot changpu!

1 SAMUEL 26:21

Sol-e lan: “Ku thaidaoa, Dawid, kusa; nang chat-hüi! Kue nang to otuechu chakmok-janlangle münchangpu, chemthüikoxle awün nange ku lang tsuakse pa khosünpu. Ku a müimamale ngadaoa! Kue tüle oma-oshix mwot chimokfang mokle jao changdaoa!”

WANWÜNKAX 12:8

Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.