1 SAMUEL 12:23 - OTSAO BAIBEL (BSI)

²³ Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

1 SAMUEL 12:23 ပူးပေါင်းရင်းမြစ်များ

KOLOSI 1:9

Ikhoma kwome hünzom bama atatle hüikya tokhange wüi hünzom hanpakma zangjople hüikya changpu. Otsao Chasae fakya hwon-je hia tsingle tsuakkya pangnu füi, tsingwankya chix mongtex füi hünzom awang ang laxkoxle kwome Zang to joppu.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

2 TIMOTHI 1:3

Ku putong hwome mokle hüikya ningle khangka hingle kue Zang owa thothapuix, kue chix ang münchong fapu. Zangnak zangngai ku zangjop ma hünzom texle atak pongma kue chix to münchong fapu.

1 THESALONIKA 3:10

Kwom huake hünzom ngün ang kop angkya üntoxle hünzom mongong hanpakma chempang laxli hex ibu fatsuak angkya bama kwome zangnak zangngaile kwom monge bakle chix to joppu.

1 WANGHOMBU 8:36

zangkangting tokhange hwom zangjop to lankox. Israel nok wanghom hia khünaknu thaikya ochaxbu alakkox. Chem supuix ija mok angkya hwom hama anwot-anole changkox. Ifüima, nange nang khünaknu ang othuithuima hwom kux ang fakya nang haxtok hato zangwat ajole changkox.

WANGSHEMBU MWOT 12:5

Idaile Pitar a kun ma shole thom; ikoxlechu müimüithom khünaknue chix hanpakma khütwüi khütle zangjop.

MÜNCHUAK-TSAI 34:11

Oman, ku zuikhui tsünzün-hom, ku kax apalax; kue hünzom hama Jowanpa chathua za angkya apuale fafang.

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

2 PUKAX-PANGAO 6:27

Jowanpa nange, zangkangting tokhange hwom zangjop to lankox. Israel nok wanghom hia khünaknu thaikya ochaxbu alakkox. Chem supuix ija mok angkya hwom hama anwot-anole changkox. Ifüima, nange nang khünaknu ang othuithuima hwom kux ang fakya nang haxtok hato zangwat ajole changkox.

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

WANGSHEMBU MWOT 20:20

Hünzom hato noktu ma hia kako ma apuk apuale tamchu anwot-ano le hüipongma hünzom to fongse a lükya olom ma kue otuechu hulanle chitoxkya hünzome awan ngopu.

HWON-NWOT-JAONO 12:10

Manpae mongsom zangwün atak ang azong, ikoxle chixe zakya kaxhuakbu a otsingtsing ang chang.

WANWÜNKAX 4:11

Kue nang hama je-hwon hia ozün ma ngo angkya changkya lomtang anwot-anole fadaoa.

1 KORIN 9:16

Kaxho Müikya apuk-apuakya bama hexle ku bong-chong angkya müntüi. Chemthüikoxle ku a ile moklaxo lekya kaxtom fangma ngopu. Ilaxle Kaxho Müikya apuk-apuakya chitüi thüikoxle wüi ku a maxsaxpu!

LAIPAO 32:30

Ofüinyix Mosa-e khünaknu füi akax: “Hünzome wün ang chimüikya ochax lyendaoa. Ikoxlechu athax ku haxnukho to Jowanpa hato dongüi; jangtsuak thüiningle hünzom ochabu thailak tüitsuak ang-ole azongüi.”

1 SAMUEL 12:19

ilaxle hwome Samuel ang thüi: “Alixachong, chingchajaja laxle kwom chizi angkya hanpak bama Jowanpa to zangjople changkox. Mama-mama ochax bomachu wanghom jukya ma kwom huanuma thaidaoale kwome awan ang kople.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

JEREMIA 27:18

Khünak ibu a ku ajebu tsingtsing jangchang tamchu hwom ma ku kaxho tüile jangchang, Zangshwom-Hom angkya tuina hia wanghom homlo angkya thanu-juapabu Babilon nok to chipaole onui ma wüi ngo ang tom angkya bama hwome ku füi zangwün ang laxkox.” (

JEREMIA 42:4

Kue lan: “Müihule! Hünzome akaxkya ningle kue kem Jowanpa to zangjople changüi, ilaxle chixe chemle akaxpuix ija kue hünzom hama apuale faüi. Kue hünzom hama chiwünle chemchu pyenle müntox.”

1 SAMUEL 8:6

Hwome wanghom jukya tsai-kax bama Samuel ang mong huanuma mongzom ma chimüi; ikhoma chixe Jowanpa to zangjop,

MÜNCHUAK-TSAI 34:12

Nange tsün mongmüi füi ngose tsucha? Nange tsünlwot hia mongmüi laxse tsucha?

MÜNCHUAK-TSAI 122:6

Nang to mongkünkyabu ahak-aluale naxchang; nang katuk mong ma tumüi-lomkhaokya naxtüi,

ISAIA 30:21

Hünzom lomnu angkya nongchi chichangba tsaxchi to samle jangpao, hünzome chix kaxzing “Lom a ikhato tüile. Ija lomnu tolax!”, le nuakfüichi ma atat ang kopüi.