Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMUEL 11:1 - OTSAO BAIBEL (BSI)

1 Lyetjang tukux homkya füima Amon nok wanghompa Nahash chix süpahibu koplaxle nguile Gilid angkya Jabesh tingnu akhople kop. Jabesh angkya khünakbue Nahash ang thüi: “Kwom füi nokmüi hax, kwome nang kwom wanghompa ang pongle kopüi.”

အခန်းကိုကြည့်ပါ။ ကော်ပီ




1 SAMUEL 11:1
23 ပူးပေါင်းရင်းမြစ်များ  

Ikoxlechu chemtue Amon nok wanghompa Nahash-e hünzom to single hüi angkya ngünle laxpuix, hünzome Jowanpa hünzom chongwangpa changpule hünzome chilaxle ahai ilaxle ku ma wanghom tuita fakox wüi müiüile jupu.


Chixe wanghom homkha khünak tuita pao, ilaxle chix füi zangwün kaxfün tuita lax, ilaxle chix ang chix kax ma laxle ngo angkya tsao atsüt. Chixe okax-okhobu kopkya a


Benhadad-e chix ang thüi: “Hünpa angkya ku apae laxkya tingnubu kue nang ang wüi achatle koxfang. Apa-e Samaria ma zingkya ningle nangechu Damaska ma thalex-juatai nui zing ang tsuak.” Ahap-e lan: “Ija zangwün otsing tomtata jangchang thüiningle, kue nang a danle apaoüi.” Chixe Benhadad füi nokmüi zing ilaxle danle apao.


Mizpah tusox ma chiwomkya Israel jat-li khama othom tütapu tüile ngoladaichale atüikoxle Gilid angkya Jabesh nok makhange tuita ngaxchu chiwomkya hwome lomle atak;


Hwome thüi: “Kwome Jowanpa nang füi tüile le ngün ang kople; idaile kwome thüipu, kem bama tsaotsüt tuita thomhax ilaxle kwome nang füi Tsaotsüt le changüi.


Chixe nang füi im-jo le chang ang chami? üntoxle othuithuima nang thothale ngo angkya tsaosax ang chami?


Ibu khünakbu hia hwom baozangbu füi tüta tsaifün-kaxwünkya motom taxtüi.


Hezekiah kax to taxapa! Tingnu angkya lai ilaxle chak ajong angkya Asiria nok chongwangpae hünzom ang kaxtom koxle. Hünzome ma grep zu angkya grep ziak hia fupsa pün ang fupsa ziak sax angkya hünzom ang danle, ilaxle tichu hünzome ma tüküibu angkya ling ang tomle —


Ikhoma Jowanpa ang Israel nokbu füi mongtsik, ilaxle Filistia nok hia Amon nokbu ang hwom to tingtakle chang ang tom.


“Amon nok hia Moab nok owachu chichangba hwom sixli owachu, tsünthom bün to ngaxchu: Jowanpa khünaknu khato lax ang müntho.


Sol Israel nok ma wanghom ang achangkya füima, chixe chix zanpabu füi pangnu chito azanle hüi: Moab nok, Amon nok, Edom nok, Zebah wanghombu füi, ilaxle Filistia, ibu pangwüi füi azan. Azankya pangnu chix-chixe wüi anao.


Hanpak hidaole homkya füima Amon nok wanghompa Nahash zile pao, ilaxle chix sasün Hanun wanghom ang achang.


Wanghompa Dawid-e thüi: “Kue Hanun füi zuikhui zinglaxle e-sekya aho angkya changle, chemthüikoxle hopa Nahash-e ku to chingchale changdaoa.” Ikhoma chix künkak-mongkün ngai angkya hanpakma Dawid-e kaxhomix tsanle akat. Chemtue hwom Amon nok to nguipuix,


Chemtue Mahanaim to Dawid nguipuix, chix füi Nahash sasün Shobi apong. Chix a Amon angkya Rabbah tingnu angkya changkya; chix bomachu Amiel sasün Makir, Lodebar angkya hia Gilid angkya Rogelim nok Barzillai hokhi apong.


Ipongma, Moab, Amon, Edom ilaxle mama onokbu to ngole tüikya Israel khünakbue, Babilon nok wanghompa-e züizüi Israel khünakbu a Judah ma ngo ang koxkya ilaxle chixe hwom gowarnor ang Gedaliah zingle tüikya atat ang kop.


ilaxle hwome chix ang thüi: “Amon nok wanghompa Bali-e nang lang ang Ishmael ahüile ngokya nang müntik hia?” Ikoxle ija kax to Gedaliah-e chiong.


Ifüima alüile chingo homtoxle Amon nokbu a Israel nokbu zan to ka.


chixe ija kaxho füi khünak züita ikhato akat: “Hünzome wanghompa mang akhün laxle chix achuak-achenle changkya hanpakma hünzom to Jowanpae mohimanle naxchang.


Chemtue Gilid angkya Jabesh khünakbue, Filistia noke Sol to hwonkya otue atatpuix,


mixtsak naomüibu pao ilaxle Sol hia chix sasün hwom mang a Jabesh to apüi. Ikhato hwome mang ibu zak püntong tong ma akhün ilaxle nyix anüt chisax chilingle atsao ngo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ