1 SAMUEL 10:6 - OTSAO BAIBEL (BSI)

⁶ Allele nang to Jowanpa Chasae kopüi ilaxle nang chuwüi hwom khato zanglom tsai ngaole hia azüile nang chixlili khünak ang achangle paoüi.

1 SAMUEL 10:6 ပူးပေါင်းရင်းမြစ်များ

1 SAMUEL 10:10

Chemtue Sol hia chix dapa nyi Gibeah to nguipuix, ajebu othom tuita chix füi apong. Allele Jowanpa Chasae chix to kop, ilaxle chix a mongmüi-pwonla-tungle azüi ilaxle akhong-akhale chang.

HUAKE LAIPEX 11:25

Ifüima Jowanpa zangfwom ju ilaxle chix füi zangwün. Chixe Mosa ang koxle thomkya chasa züizüi lax ilaxle hwom 70 lompabu ang kox. Chasa nguikya zuma, okuilole chingo koxlechu hwome ajebu lailaile akhong.

1 SAMUEL 16:13

Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

KAXFÜNPA-HWOM 14:6

Allele Jowanpa tsak-zong makhange Samson hato janzüi hüi, ilaxle chixe ija mailang a, tuita zwonsa langpupule chak tata füi ashik-akhix. Ikoxle ija chix mwot bama chixe honu hia hopa nyi hama chiwün.

KAXFÜNPA-HWOM 3:10

Jowanpa chasa chix ma ngui, ilaxle chix Israel nok lompa ang achang. Othniel zan to ka, ilaxle chix ang Mesopotamia wanghom to lüt ang tom.

MATHI 7:22

Kaxfün nyix nguikya zuma, khünakbue ku ang thüiüi: ‘O Jowanpa, O Jowanpa! kwome nang mün ma münaje dai hia? Nang mün ma haxshix jwonle münapao dai hia?’ Nang mün ma kwome ohünotün mwotbu münmok dai hia?

HUAKE LAIPEX 11:17

Ku juüi ilaxle ikhama kue nang füi zangwünüi ilaxle kue nang ang koxle tüikya chasa züita lax üntoxle hwom ang koxüi. Ifüima hwome ibu khünaknu hanpakma nang füi tomle hünlit hün ang thoüi, ilaxle nange nang tatae hünle ngo angkya münchang.

HUAKE LAIPEX 11:26

70 lompa kha angkya mixsün anyi, Eldad hia Medad nyi a Nyihom to chingui homtoxle pom to ngo. Ija pom khato hokhi hato chuwüi chasa ngui, ilaxle hokhi chuwüi ajebu lailaile akhong ang tom.

HUAKE LAIPEX 11:29

Mosa-e lan: “Kue luakya to nang mix aban pia? Jowanpae chix chasa khünaknu mok ang koxle chang koxle pangnusa wüi ajebu lailaile akhong ang tomle müihuse thüikoxchu!”

1 SAMUEL 10:9

Chemtue Sol-e Samuel dantoxlaxle chat ang achexle changpuix, Zang-e Sol ang chixlili jaopo kox. Ija nyix, Samuel-e chix füi akaxkax pangwüi changle hüi.

1 SAMUEL 19:20

ikhoma chix kople apüi ang chixe khünakbu tomle apao. Akhongle azüizüithale lengokya ajebu othom hwome ngünle lax. Hwom khama lompa ang Samuel tüikya. Ifüima Zang chasae Sol khünakbu kop ilaxle hwom chuwüi azüizüithale akhong ang süt.

KAXFÜNPA-HWOM 15:14

Chemtue chix Lehi to nguipuix, Filistia nokbu a chix hato zikle ngui, ilaxle chix to sa-male kaxma thüi. Allele Jowanpa janzüie chix ang tsak-zong kox ilaxle chix chakbu ma khale thomkya zubu a zisa afünle awütkya lailaile afünle awüt.

1 SAMUEL 11:6

Chemtue Sol-e ija kax atale laxpuix, Jowanpa Chasae chix to kop ilaxle chix mongto wünchua laile mongtsik dong.