1 SAMUEL 10:5 - OTSAO BAIBEL (BSI)

⁵ Ifüima nang a Gibeah to Zang Haxhua to dongüi. Ikhama Filistia nok pom tüile. Tinglong panja ma nange ajebu othom, haxkho to tö koxlaxle jule ngokyabu, thuaput-waxmaibu angaole hia lukfwon samsabu hongle apongüi. Hwom a azüizüithale akhongle hüingoüi.

1 SAMUEL 10:5 ပူးပေါင်းရင်းမြစ်များ

2 WANGHOMBU 3:15

Athaxpi tsaipa tuita apüihüi.” Tsaipae chix thuaput-waxmaibu mütle changpongma, Elisha hato Jowanpa tsak-zong hüi.

1 SAMUEL 19:20

ikhoma chix kople apüi ang chixe khünakbu tomle apao. Akhongle azüizüithale lengokya ajebu othom hwome ngünle lax. Hwom khama lompa ang Samuel tüikya. Ifüima Zang chasae Sol khünakbu kop ilaxle hwom chuwüi azüizüithale akhong ang süt.

1 SAMUEL 13:3

Jonathan-e Filistia lompa Geba ma lang. Ija kax Filistia nok pangnusae wüi atat ang kop. Sol-e a zan to ka angkya hanpakma ahyenle Ibri khünakbu se ang pangnu khato nyazong angao.

2 WANGHOMBU 2:15

Chemtue chix thüntho ma tüikya Jeriko angkya ajebue chix ngünle laxpuix, hwome thüi: “Elija chasa Elisha ma tüile ngole.” Hwom chix pong to zale apong, ilaxle chix tunthoma hwom haxchi to hule akhux.

2 WANGHOMBU 2:5

Ilaxle Jeriko ma tüile ngokya ajebu othom tuita chix hato nguilaxle Elisha ang thüi: “Nang füi ngole tüikya nang hopunu anyix Jowanpae nang ha angkya pao angkya changle le nange matik hexnyi?” Elisha-e lan: “Chang kox-a, kue ija awandaoa; hünzom dangjajale shongngohüi.”

2 WANGHOMBU 2:3

Bethel ma tüile ngokya ajebu othom tuita chix hato nguilaxle Elisha ma atüi: “Nang füi tomle ngokya nang hopunu anyix Jowanpae pao angkya changpule nange matik hia?” Ikoxle Elisha-e lan: “Changle, kue ija awanle, ikoxlechu athax ija mo taxwün-ngohax.”

1 SAMUEL 10:10

Chemtue Sol hia chix dapa nyi Gibeah to nguipuix, ajebu othom tuita chix füi apong. Allele Jowanpa Chasae chix to kop, ilaxle chix a mongmüi-pwonla-tungle azüi ilaxle akhong-akhale chang.

1 KORIN 14:1

Athax, achuale hünzom zik angkya a, mongkün ha alop angkya hanpakma changle. Chasa ma hingho, tamnüilechu Zang kax apuk-apua angkya hingho kop angkya to nang mong ma mongzaokya tüilax.

MÜNCHUAK-TSAI 49:4

Kue wanwünkaxbu chito mongkoxüi, waxmai müt-ngale kue ija chem hanpakhex apuale faüi.

1 PUKAX-PANGAO 16:42

Heman hia Jeduthun nyi a Zang achuakle tsai ngaopongma thuaput waxmai hia mama nyazong ilaxle khopsyabu twon angkya mwot to akhi angkya chuwüi hünlit laxkya nyi changkya. Jeduthun saxthom angkya khünakbu a fülom nyetmixbu to akhi angkyabu ang kam.

1 PUKAX-PANGAO 16:5

Asaf a lompa ang, ilaxle chix to fong ang Asaf hia chix fang angkya Jeiel, Shemiramoth, Jehiel, Mattithiah, Eliab, Benaiah, Obed Edom, hia Jeiel hwom a thuaput waxmaibu müt ang kam. Asaf a khopsya akhaole angao angkya mix changkya,

1 PUKAX-PANGAO 13:8

Ipongma Dawid hia chix khünaknu pangwüi, ma zongbakbak ma Zang achuakle azüi. Hwome tsai ngao, thuaput waxmaibu müt, sam hia khopsyabu thule, nyazongbu müt.

2 WANGHOMBU 6:1

Nyixta, chix mwot to hu ang ngokya ajebu othome Elisha to kaxthup-ngaotünle thüi: “Kwom ngokya onui a müimamale hixle!

2 WANGHOMBU 4:38

Hanpak tuita ma, chaxwan pangnu khato tuinu nuaknu le le changpongma, Elisha a Gilgal to chat. Chixe ajebu othom hama anwot-anole ngopongma, chixe chix dapa füi tiknu tuita wün ma talaxle hwom hanpakma suiti zing angkya kaxkox.

1 SAMUEL 9:12

Naochabue lan: “Chix tüile. Chix a athax ile le le hünkhi thothoma tüile, hünkhi süjangmom thüikoxle chix hato alople chang ang tsuak. Hünkhi tinglong to nguikya füi shemle chix bangüi. Khünaknue haxhua to tö kox angkya tüikya khoma chix a anyix ija tingto to nguile. Chix ahyenkya khünakbue, chixe ikha alople machang tanto fong münsaxüi, chemthüikoxle tö koxkya to chixe tix mohiman zangjop kop angkya changle. Hünkhi momle jangle, chix haxhua to dongle fongsax ang thungle changüi thoto wüi hünkhie chix ha alople changüi.”

1 SAMUEL 10:4

Hwome nang shwomüi ilaxle nang ang ankhao anyi koxüi, ija nange pongle kop angkya wüi changpu.

1 SAMUEL 13:2

Sol-e 3000 khünak zünle kop,2000 a chix füi Mikmash ma ilaxle Bethel angkya haxhua nok ma thom, ilaxle 1000 a sasün Jonathan füi tomle Benjamin homjen haxsüt ma tüikya Gibeah to akat. Ilaxle mamabu a Sol-e mahom-hom to achat.

1 PUKAX-PANGAO 11:16

Ipongma Dawid a pan zailaxle ziakople thomkya haxhua to ngole asukya, ilaxle Filistia nok othom tuitae Bethlehem ting lax.

MÜNCHUAK-TSAI 92:3

janzi füi title zingkya waxmaibu füi üntoxle dingno tomtomle thuaput angaokyabu füi.

1 WANGHOMBU 18:29

Hwom azaxle kaxngat-kaxngui akaxle tsomfüi alople nui, ikoxlechu chem kaxlan chitüi, kaxzing tuita ngaxchu chitüi.

2 WANGHOMBU 2:7

Ikha tokya aje hwom 50 chuwüi Jordan alople tomwüi pao. Elija hia Elisha nyi shuakax ma zak, ikoxle aje hwom 50 a süchaktong to ajongle ngo.