1 SAMUEL 10:24 - OTSAO BAIBEL (BSI)

²⁴ Samuel-e khünaknu ang thüi: “Jowanpae zünle kopkya mixsün ima tüile! Chix lailaikya mixsün kem khama owachu müntüi.” Khünaknu pangwüi akhong: “Wanghompa tsünlo-khothole naxngo!”

1 SAMUEL 10:24 ပူးပေါင်းရင်းမြစ်များ

1 WANGHOMBU 1:39

Jowanpa ngwotnui angkya chixe kopkya olip münga pe alailaxle Zadok-e Solomon to li. Hwome nyazong müt, ilaxle khünaknu nok akhong: “Wanghompa tsünlo-zaknuile naxngo!”

1 WANGHOMBU 1:25

Anyixkha chixe maihupongbu, chunbu ilaxle nutle tüikya chun hosabu tö koxlaxle ikhato chixe nang sasün hwom pangwüi ahyenle tüile. Nang süpahi lompa Joap hia nguapa Abiathar hwom chuwüi ahyenle tüile. Ipongkhae hwom ija fongkhat saxlaxle ‘Wanghompa Adonijah tsünlo-khotho fa-ole akhongle ngole!’

2 SAMUEL 21:6

Idaile chix sixli sasün hwom anüt kwom chak to koxhüi, ilaxle Jowanpae wanghom ang zünle kopkya Sol tingnu Gibeah ma kwome hwom Jowanpa tunthoma afünle langüi.” Wanghompa-e lan: “Kue hwom a hünzom chak to koxüi.”

TSAITONG-KAXTONG 17:15

hünzome wanghom ang zünkya mixsün a Jowanpae kamle thomkya mixsün chang angkya oli. Chix a hünzom kha angkya nokpu tuita chang angkya oli; hünzome wanghom ang püntüi chizingüi.

2 WANGHOMBU 11:12

Ifüima Jehoiada-e Joash homtho to alai, chixe khang ma khohom sünle kox, ilaxle chongwang hwome apün-awang angkya wanlom laifa tuita chix chak ma atwon Ifüima Joash to münga füi lile wanghom ang kamkya apuk. Khünaknue chak akhao ilaxle sungdünle shozex: “Wanghompa tsünlo-zaknuile ngohüi!”

MATHI 21:9

Jisu thüntho ma tamchu chix nuakfüi ma ahamkya khünaknu ile akhong: “Dawid sasün achuakkox! Jowanpa mün ma nguikya mix, chix to Zange mohiman hüi! Zang mün achuakkox!”

1 WANGHOMBU 1:34

ikhato Zadok hia Nathan nyie chix to müngae lile Israel nok wanghom ang kamle changüi. Ipongma nyazong mütle akhong kox, ‘Wanghompa Solomon tsünlo-khothole ngokox!’

1 WANGHOMBU 1:21

Ija zangwün nange tsuakle chitox thüiningle nang tokfüi ma hünsa Solomon kukhi a khualopmix ang achangdaoüi.”

1 SAMUEL 9:2

Chix ang sasün “Sol”, le amünle tuita tüikya. Chix a osün tüle müile tamchu tsaktan khüse ma tüikya. Israel nok pangnu khama Sol khang wüi sechuak ilaxle sünchu chix wüi sümüile tüikya.

1 SAMUEL 12:1

Ifüima Samuel-e Israel nok ang thüi: “Hünzome ku ang mok-hüiole atsangkya kue mokle fadaoa. Kue hünzom ang apün-awang angkya wanghom faodaoa,

1 SAMUEL 12:13

“Hünzome zünkya tamchu hünzome jukya wanghom a ija, ikhama; ilaxle athax Jowanpae chix a hünzom ang koxdaoa.

2 SAMUEL 16:16

Chemtue Hushai, Dawid-e mongongle tüikya zuikhui füi Absalom apongle changpuix, chix akhong: “Wanghompa Tsünlole changhüi! Wanghompa tsünlole changhüi!”

2 PUKAX-PANGAO 23:11

Ifüima Jehoiada-e Joash a homtho to alai, chix khang ma khohom sünle kox, ilaxle apün-ada angkya wanlombu zakya laipex tuita chix chak ma atwonle kox. Ile chix a wanghom ang kamle dan. Nguapa Jehoiada hia chix sasün hwome Joash to münga lile atsao, ilaxle noknusa akhong: “Wanghompa tsünlo-khothole changhüi!”

1 SAMUEL 11:15

Ikhoma hwom pangwüi Gilgal to pao, ilaxle ikhato otsao nui ma hwome Sol a wanghom changpule apuk. Hwome notom-tusüi tö kox, ilaxle Sol hia Israel khünakbue ija chialak angkya bama pongwünle pangpwon sax.