1 SAMUEL 10:1 - OTSAO BAIBEL (BSI)

¹ Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

1 SAMUEL 10:1 ပူးပေါင်းရင်းမြစ်များ

1 SAMUEL 16:13

Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

MÜNCHUAK-TSAI 78:71

ikhato chixe chun ozyembu to hule ngokya changkya, ilaxle chixe Israel nok wanghom ang chix achang, Zang khünaknu chunnyetpa ang chix achang.

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

WANGSHEMBU MWOT 13:21

Ilaxle otue hwome wanghom jupuix, Zange hwom ang Sol kox. Chix a Kish sasün, Benjamin homjen angkya changkya. Zanglao punyi chixe apün ang kox.

1 SAMUEL 26:11

Chixe wanghompa ang zünle kopkya khünak to kue chakmok-janlangle chang angkya Jowanpae ku abaxhüi! Kemepi chix paxlo hia tipe lanlan laxlax toxhax.”

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

2 WANGHOMBU 20:5

khünaknu lompa Hezekiah hato chatlaxle chix füi ija kax akax angkya kaxkox: “Jowanpa ku, hünpa Dawid Zang-e, nang zangjop atatle laxdaoa tamchu nang mikfi ngünle laxdaoa. Kue nang kak tamchatle müi ang tomüi, ilaxle nyix azom ma nang Zangshwom-Hom to paoüi.

2 WANGHOMBU 9:1

Ipongma ajepa Elisha-e naosün ajepa tuita se ilaxle chix ang thüi: “Gilid angkya Ramoth to pao ang achwonlax.

MIKNGÜN-OHÜN 5:8

Ile chang pongma ozün ma tüikya müi ali üntoxle tsa ali tüichong mixmüi hwom Chun Hosa chitong ma akhux. Hwom pangwüi ma waxmai tupong üntoxle ongan müikya soe amünkya hun pe le tüikya. Ibu a otsao khünakbu zangjop changkya.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

1 THESALONIKA 5:26

Tüinaohom, tun apongkya füi mongong mixbu pang ang wüi salam fakox.

HOSIA 13:2

Hwome khop-jan füi, shwom angkya hanpakma, khünak mong ma ajang laxle, khünak chak füi chapabu zingle, chizakle hwome ochax lyen ngole. Ifüima hwome akaxle: “Ibu ang tö apüile laxkox!” Maihupong ningle zinglaxle tüikya chapa ibu to noknusae tun chemle apongüidai!

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

1 WANGHOMBU 19:18

Ikoxlechu kue 7000 khünak Israel nok ma ozün ma toxüi, ibu a pangwüi Bal chichangba chixe chapabu tong to chipui ikoxle ku lwot-to le ngokyabu changüi.”

2 SAMUEL 19:39

Ifüima Dawid hia chix khünakbu pangwüi Jordan tale le. Chixe Barzillai füi tun apong ilaxle chix mohiman kox, ilaxle Barzillai a hom to chat.

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

1 SAMUEL 24:6

ilaxle chixe chix khünakbu ang thüi: “Ku chongwangpa, mixhax-mixzang to chakmok laxle oma hwon angkya Jowanpae ku shong-abaxhüi, chemthüikoxle chix a tuita wanghompa ang achang ang Jowanpae kamkya mix changle! Kue chix to oma ikuxsa ngaxchu münmoküi, chemthüikoxle chix a Jowanpae kamkya wanghompa tuita changle!”

1 SAMUEL 13:14

Athaxpi nange apün-awangkya zaküi. Nange chix kax ma chilaxle changkya khoma Jowanpae chix mongtsukya khünak lom laxle ija mixsün ang chix khünaknu thak ma apün-awangle ang tomüi.”

1 SAMUEL 8:19

Khünaknue Samuel kax to chiapa ilaxle thüi: “Münchang! Kwome wanghomhom wüi lax angkya changpu,

1 SAMUEL 8:9

Idaile hwom kax ma laxkox, ikoxle hwom ang kaxkhün zukya laxkox, ilaxle hwom wanghome hwom to chemle hwon angkya tüipuix, ibu müile apua-anole laxkox.”

1 SAMUEL 2:10

Jowanpa zanpabu a max ang tomüi; zangkhoting tokhange chixe hwom khangkho ma atsak-adung ang tomüi. Jowanpae zangfang pangwüi kaxfünüi; chixe chix wanghom ang tsak-zong koxüi, chixe zünle kopkya wanghompa ang chixe anao ang tomüi.”

LAIPAO 30:23

“Amüikya ongan müikya jing-soti pe 6, ongan müikya püntsya khwon tuak 3, ongan müikya balsam le nyakkya pe tuak 6,

1 SAMUEL 9:27

Chemtue hokhie tinglong pantua alople changpuix, Samuel-e Sol ang thüi: “Nang dapa ang künyi thoto achale le angkya kax laxkox.” Ija dapa thoto achale lenui, ilaxle Samuel-e chizakle akax: “Ikhama noxtasa tamtang hüi, kue nang hama Zang-e akaxkya kax wünfang.”

1 SAMUEL 12:3

Ku ima tüipongma kue tütali thaikya mwot mokle jangchangdao thüiningle Jowanpa hia chixe kamle koxkya wanghompa nyi tunthoma ku ma tsaitox-kaxfe angkya oli bakle ngailax, kue owawa kux maihu chichangba mantsak pale zongzong ma laxkya nox tüidaocha? Kue owawa angkya zuizun laxle changdao cha? Kue iningkya mwot tütali ma thaile mokdaokya thaile jangtüi thüiningle, kue laxdaokya kue achatle koxüi.”

1 SAMUEL 15:1

Samuel-e Sol ang thüi: “Nang Israel nok wanghompa ang münga füi lile kam angkya hanpakma Jowanpae ahüikya a ku changpu. Athaxpi Khüthak Zang-e chemle akaxpuix ija kax ma laxle tüilax.

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

1 SAMUEL 26:9

Ikoxle Dawid-e thüi: “Nange chix to chakmokle münchangüi! Chixe kamle kopkya wanghompa to chakmokle changkya khünak to Zang-e sikngün ang tomüi.

2 SAMUEL 1:14

Dawid-e chix ma atüi: “Nange Jowanpae zünle kopkya wanghompa chem mongchong laxle lang?”

1 WANGHOMBU 1:34

ikhato Zadok hia Nathan nyie chix to müngae lile Israel nok wanghom ang kamle changüi. Ipongma nyazong mütle akhong kox, ‘Wanghompa Solomon tsünlo-khothole ngokox!’

EZEKEL 16:13

Nang ang hun hia khop janbu makhange zingkya tuiza-nakombu tüile ngo, ilaxle nang jento jakzi hia chongzibu füi takle zingkya nyi laxle ngo. Sümüikya an füi zingkya akhao nange sax, ilaxle nange sax ang nax-ti hia olip münga tüile ngo. Nang sün jo müikya nyanle-nyan, ilaxle nang a wangcha tuita ang achang.

1 SAMUEL 15:17

Samuel-e thüi: “Nange nang owachu chichangkhato le thüt koxle nang a Israel nok lompa tuita changle. Jowanpae nang Israel nok wanghom ang münga füi lile kamle laxkya mix,

2 SAMUEL 20:19

Hwom tingnu a tüle chongkya tingnu tuita changpu. Ija a Israel haxtok ma tumüi-lomkhaole hüikya tingnu tuita. Nange ija chem hanpakma amüt ang azongpu? Nange Jowanpa chem hex ija amasele tsupia?”

2 WANGHOMBU 9:12

Hwome lan: “Münchang, kwome münawan. Chixe chem akaxpuix, kwom hama wünhu.” Jehu-e lan: “Ku a Israel nok wanghompa ang achang angkya, Jowanpae ngaile changdaoa, le ija mixsüne akaxle.”