1 SAMUEL 1:21 - OTSAO BAIBEL (BSI)

²¹ Anaole Elkanah hia chix homkha ang Shiloh to paolaxle Jowanpa ang zangpua tö hia chixe tsaosaxkya ataxkya tö, ibu kox angkya hanpak nguile hüi.

1 SAMUEL 1:21 ပူးပေါင်းရင်းမြစ်များ

1 SAMUEL 1:3

Zangpua to Elkanah, Zang shwomle Jowanpa ang tö kox ang Ramah tokhange Shiloh to ngui. Eli sasün Hofni hia Finehas nyi ikhama Jowanpa nguapa ang ngole tüikya.

TSAITONG-KAXTONG 12:11

Jowanpae chix to shwom angkya onui tuita wüi zünüi, ilaxle hünzome ang kue kaxtom fale changdaokya ningle, hünzom töbu pangwüi ikhato apüi angkya changpu; zokle ashunkya tö, müi langle tö koxkyabu, hünzom bünfong ilaxle hünzom chak angkya tö ilaxle hünzome Jowanpa ang koxüihex-ole tsaosaxdaokya mama hinghobu pangwüi apüi angkya changpu.

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

MÜNCHUAK-TSAI 101:2

Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

1 SAMUEL 2:19

Zangpua foto honue chix ang nyipong tuipong singlaxle, she kakopae zangpua tö kox ang paopongma azuile paolaxle ija apongle kox.

TSAITONG-KAXTONG 12:6

Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.