1 PUKAX-PANGAO 6:3 - OTSAO BAIBEL (BSI)

³ Amram ang sasün anyi, Arun hia Mosa nyi, ilaxle sacha tuita, Miriam hwom bibi tüikya. Arun ang sasün ali: Nadap, Abihu, Eliazar, ilaxle Ithamar hwom bibi tüikya.

1 PUKAX-PANGAO 6:3 ပူးပေါင်းရင်းမြစ်များ

LIWI 10:1

Arun sasün Nadap hia Abihu nyie jing-so zokkya khua makuxkux lax üntoxle ija ma wündix dan ilaxle ima ongan müikya so danlaxle Jowanpa mik-hu ma chitsaokya wün tö hokhie kox. Ija ningle mok angkya kaxtom chixe chifa.

LAIPAO 6:20

Amram-e hopa nanao füi tuiju-nasomle chang. She-e Amram ang Arun hia Mosa nyi puxle kox. Amram a 137 zanglao tsünlo-khothole ngo.

LIWI 10:12

Ilaxle Mosa-e Arun füi tamchu atale tüikya chix sasün Eliazar hia Ithamar nyi ang thüi: “Zokle ashunle Jowanpa ang süt tö laxlaxle ilaxle ija makhange twonkhax chiawonkya an zinglaxle ija tö-tsap zui ma saxlax; chemthüikoxle ija a müimamakya otsao changle;

LAIPAO 15:20

Ajenu Miriam, Arun nanao; she-e khopsya koplaxle azüi ilaxle shekobu pangnue she mantole khopsyabu akhaole azüi.

MIKA 6:4

Kue hünzom Ijip nok tokya alaile apüipu; kue hünzom da ang ngokya azünpu; hünzom lomzun ang kue Mosa, Arun hia Mariam hwom akatpu.

1 PUKAX-PANGAO 23:13

Chix sasün tüichongsa Amram a Arun hia Mosa nyi hopa changkya. (Arun hia chix sixli hwom a othuithui hanpak ang otsao tuinabu to twon angkya, Jowanpa to shwomle ongan müikya sobu zok angkya, chix thotha angkya, ilaxle chix mün ma khünaknu to mohiman angkya hanpakma süile dan.

LIWI 10:16

Ilaxle ochax tö hanpak ang Mosa-e zwon khütkhile lom, ikoxle ija a zokle ashundao le bang. Ikhoma ozün ma tüikya Arun sasün Eliazar hia Ithamar nyi füi chix ang mong huanuma ma.

LAIPAO 28:1

“Hüntüi Arun hia chix sasün Nadap, Abihu, Eliazar, tamchu Ithamar hwom selax üntoxle zom-mwot mok angkya hanpakma Israel khünaknu kha angkya süile hwom nguapabu ang kamlax.

LAIPAO 24:1

Ifüima Jowanpae Mosa ang thüi: “Nang boma, Arun, Nadap, Abihu üntoxle Israel nok lompabu 70 ku hato nguihüi; ilaxle hünzome tsailo tokhange ku shwomlax.

LAIPAO 6:23

Arun-e Elishebah lax. She a Nahshon nanao Aminadab sasün changkya. She-e chix ang Nadap, Abihu, Eliazar hia Ethamar hwom bibi puxle kox.

LAIPAO 2:7

Ofüima naosa hona hüilaxle Farao sacha ang thüi: “Ija nao to humele atsün ang kue Ibri sheko owawa lomle apüi ang cha?”

LAIPAO 2:4

Hona a chix to chemle chang-changle cha tokhange hule ajongle ngo.

1 PUKAX-PANGAO 6:2

Kohath ang sasün ali: Amram, Izhar, Hebron, ilaxle Uzziel hwom bibi tüikya.

1 PUKAX-PANGAO 6:4

Tsünthom füima tsünthom le Eliazar sixli hwom a ibibile changkya: Finehas, Abishua,

1 PUKAX-PANGAO 15:10

ilaxle Uzziel saxthom makhange, Aminadab,112 to hu ang ngokya mix ngui.

1 PUKAX-PANGAO 23:12

12 Kohath ang sasün ali: Amram, Izhar, Hebron, hia Uzziel hwom tüikya.

1 PUKAX-PANGAO 24:22

Jahath, chix a Shelomith makhange hüikya Izhar sixli;