1 PITAR 5:8 - OTSAO BAIBEL (BSI)

⁸ Khünzai le ngolax, mik hingle ngolax! Hale ngokya mailang ningle bao, hünzom zongto zanpa, owawa joksele lomle khuafao ngole.

1 PITAR 5:8 ပူးပေါင်းရင်းမြစ်များ

EFISIA 6:11

Haxshix ochax tsingtsang füi alünle ajong tsuak angkya hanpakma hünzome, Zange hünzom ang fakya khyepdi komle laxkoplax.

JAKOP 4:7

Idaile hünzome ma alüile Zang chak to danlax. Bao to abaxlax, jangchangba chix nang thoto paoüi.

JOB LAIPEX 2:2

Jowanpa-e chix ma atüi: “Nang oma-ngokya?” Bao-e lan: “Ku a tüjong-tüjong alople chaxwannu ma khuafaole aham ngokya changpu.”

EFISIA 4:27

Nange haxshix ang chakba taxfa.

1 PITAR 1:13

Idaile mok angkya hanpakma hünzom kün-mong achwonlax. Mik-hingle ngolax üntoxle Jisu Khrista ngaikya zuma hünzom ang fa angkya mohiman to hünzom ang monghomkya tüilax.

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

KAXHO MÜIKYA LUK 22:31

“Simon! Simon! Apalax! Manzai mixe tsaxtsa hia tsaxjun süikya ningle, oma khatokya müikya süi ang, hünzom thwontsing angkya baoe tsaiju kaxju daoa.

TITA 2:12

Ija chingchae kem ang Zang chiwom homle ngokya tsün dantox angkya, chaxwannu osing nüfux tsün dantox angkya ilaxle ija chaxwannu ma ma akumathum le, sule, tamchu Zang womkya tsün ngo angkya adangle fale.

MIKNGÜN-OHÜN 12:12

Idaile zangkangting tamchu, opang ikhato ngolaxpuix, pangwüi mongmüilax! Ikoxchu chaxwan hia tinu hanpakma, tüle chongkya hama tüile! Bao a hünzom hato nguile tüile, chix a mongtsike awangle tüile, chix ang hanpak moxkya ngünlaxle”, le azaxle akhongkya ozing kue atat.

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

MATHI 13:39

Ilaxle ijabu saile toxkya a bao changpu; tsax atukya a chaxwannu ashukkya changpu; ilaxle tsax züt mixbu a kaxtaimixbu changpu.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

MATHI 24:42

“Oja nyix Jowanpa ngui angkya hex hünzome chitsingkya daile mik-hingle ngolax.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

ZEKARIA 3:1

Mama mikngün-ohün tuita ma Jowanpa ku hama Nguakho Jihusua Jowanpa kaxtaimix tunthoma ajongle ngokya aho. Ikhoma Jihusua zui ma Bao ajongle tüikya. Chix a Jihusua ang thaile le thüi ang achwonle tüikya.

TITA 1:8

Chix a mix wünpwon mankya hia chem müipuix ija to künkya mix chang angkya oli. Chixe ma alüile akumathum angkya, otang ma ajangkya mix, tsaokya mix tamchu zanglom saikha müikya khünak changkoxle müiüi.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

AMOS 3:8

Chemtue mailang ahungle changüihex, chizale owa ngothoüi? Chemtue khüthak Jowanpae zangwünle changüihex, ija kaxho chingaile owae mongto thom ang thoüi?

TITA 2:6

Ilailaile tsünzünbu angchu ma akumathum le tüi angkya kaxkhün laxkox.

TITA 2:2

Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

ISAIA 50:8

chemthüikoxle Zang a ozuima tüile, ilaxle chixe ku a oma chemchu chitikkya mixle ahoüi. Owawae ku ma kaxhux-fe angkya mongchong ang chami? khwalo to tsetwon ang tomle paohu hax! Chixe ku ma kaxhux fekya nax apüikox!

WANWÜNKAX 20:2

Tse le ngokya mailangpa thua zakya ningle mongtsik ngokya wanghompa thua zalax; chix mongtsik ang tomkya a tuita pakfün-shalo changpu.

MÜNCHUAK-TSAI 104:21

Zang-e fakya osüt to hule müitanle changpongma, mailang hosabue tse.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

TITA 2:4

Hwome, oja müipuix ija tix anwot-ano angkya changle, imakhange tix hwome ma kakopa tamchu naosom to kak-kün angkya ilaxlechu ma kakopa fangto puile müikya kakonu tuita ang achang angkya,

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

JOEL 3:16

Zaion Haxnu makhange Jowanpa akhongle; Jerusalem makhange chix kaxzing atsak-adungle; zangding hia chaxwannu abünle. Ikoxlechu chixe chix khünaknu kho awaüi.

1 TIMOTHI 2:9

Sheko mixnubuchu wüi hwom nyiza hia zapua müile lax üntoxle somdangle tamchu khünkhi-lilang le tüikox müisele kue texpu.

MATHI 4:1

Ifüima thwontsing angkya hanpakma Chasae chix faokha to pao.

HOSIA 13:8

Hosabu asam daokya chepnu tuitae shingpupule kue hünzom to shingüi, ilaxle kue hünzom fexle chaoüi. Mailangpae saxkya ningle kue hünzom onui ma wüi saxle awütüi. Kue faomüibue ashikle akhix kya ningle kue hünzom ashikle akhixüi.

1 TIMOTHI 3:2

Müimüithom lompa tuita a thaikya kha chitüi le chang angkya oli: Chix a kakonu tuita wüi tüikoxle müiüi, tamchu tok-nga le chichang homtoxle malailai to akumathumkya ilaxle thutle saxmok ang awankya mix changkoxle müi angkya oli changle; chixe ma hom ma mixwün pongle kop angkya changle; chixe anwot-ano ang awan angkya changle;

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MATHI 4:11

Ija ma baoe chix danle tox ikoxlechu kaxtaimixbu nguilaxle chix to fong.

AMOS 3:4

Chixe osüt atakle machang tanto faokha to mailang ahung zai chami? Hwom longkun to, tütali koplaxle lüwüi chichangthüi: mailang hosa twom-twom-hale füt zai chami?

DANEL 6:24

Ifüima Danel mik amüt ang atsingle kaxhux fekya khünakbu pangwüi kop angkya hanpakma wanghompa-e kaxkox; ibu a chixe hwom kako naosom hwom pangwüi füi tomle mailangbu tüikya ija tswomkha to tswonle awüt. Hwome hax ngaxchu makopba bawa towüi mailangbue hwom hale koplaxle zabu bakle apak-akhix.

EZEKEL 22:25

Lompabu a, mailangbue hwome langle changdaokya müi to tsele ahungkya ningle changle. Hwome khünakbu lang, ibu kux tuina tsuakpupu hwome lax, ilaxle hwom chak ma maxkya khünakbue kakonubu thanucha ang achangle dantoxkyabu huanuma tüi.

WANWÜNKAX 19:12

Wanghompa mongtsik a mailang ahungkya lailai, chix chingcha a zangwat ti dütkya lailai.

ESTAR 7:6

Estar-e lan: “Kwom zanpa, kwom zothuppa a ija bao Haman changle!” Haman-e wangcha hia wanghompa nyi to tüle abüt-abanle hu.

KAXFÜNPA-HWOM 14:5

Ikhoma Samson a honu hia hopa nyi laxlaxle Timnah to ju. Ikhatokya grep haxtok akaile hwom le le ngopongma, chixe ikhato mailang hosa tuita ahungkya atatle lax.

ZEKARIA 11:3

Mongmax laxle wanghombu sop; hwom fuazang athax samdaoa! Mailangbu ahungkya zing apalax; Jordan shuanu achole tüikya, hwom hom ang ngokya faonu amütdaoa!

EZEKEL 19:7

Chixe hwom zanhu nuibu pünle tox, chixe tingnubu amale tox. Haxtok angkya khünaknu a abüt chixe ahunghungba a.

JEREMIA 51:38

Babilon nok pangwüi mailang ningle ahungüi ilaxle chaxnu hosabu ningle akhwomüi.

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

MÜNCHUAK-TSAI 109:6

Laxli chitüikya kaxfünmix züizüi ku zanpa kaxfün ang kamlax, ilaxle chix zanpa tuitae chix ma kax-hux fele chang ang tomkox.

AMOS 1:2

Amos-e thüi: “Zaion Haxnu makhange Jowanpa ahungle; chix ding-zak Jerusalem makhange atsak-adungle. Müitsüt fum zanle zile, ilaxle Karmel haxnu angkya fumchui khuitungle achang paole.”

WANWÜNKAX 28:15

Chichangchizangkya wanghompa tunthoma mixshix-zasabu a chifün chitüi; chix a mix to shingle hüikya chaxnu hia chepnu füi ngaxchu süshixkya changle.

MARK 4:15

Khünak züizüia lomtang kax to dütkya tsaxtsangbu ningle changpu; otue hwome atatpuix ifüi tomle haxshix hüilaxle hwom mongkha to saile thomdaokya kax tswonle pao.

2 KORIN 2:11

Ile chichang thüikoxle haxshixe kem to anaoüi; chemthüikoxle chix mong katzuabu keme awanpu.

MIKNGÜN-OHÜN 12:10

Ifüima zangkangting to, “Athaxpi Zang khosün hüidaoa! Athaxpi Zange chix chongwangpa changpu le zong ahodoa! Athaxpi chix Messaiah-e, apün-adakya chix zong ahodaoa! Zang thüntho ma ajong laxle, kemtüi kemnao hwom ma; zangnak zangngai to, kaxhux fengokya mix; zangkangting tokya, tswonle awütdaoa.