1 PITAR 5:6 - OTSAO BAIBEL (BSI)

⁶ Idaile thütkhak le hanpak nguile hüikya zuma Zange hünzom asale nwon angkya kuxma, hünzome ma alüile tsakzong füikya Zang fangto puinai le tüilax.

1 PITAR 5:6 ပူးပေါင်းရင်းမြစ်များ

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

MATHI 23:12

Ikoxle owae malualua to ma chongkya ang laxüihex, chix ahixkya ang achangüi, ikoxle ma alüile hixkya ang achangkya mix achenüi.

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

KAXHO MÜIKYA LUK 1:52

Chixe tsakzong kya wanghombu, hwom ngwotnui angkya athai, ilaxle fang to ngokyabu nwon.

2 PUKAX-PANGAO 32:26

Oshukma, Hezekiah hia Jerusalem angkya khünaknue hwom alüile pui-naile chang, ikhoma Hezekiah mazikya kople Jowanpae khünaknu to sikangünle chichang.

2 PUKAX-PANGAO 12:12

Chixe Jowanpa chak to chix tsün koxlaxle Jowanpa mongtsike chix olithule chang ang chitom ilaxle Judah nok fün müile hüi.

2 PUKAX-PANGAO 33:12

Chix sikngün khato ngopongma chix puinaile chang, Jowanpa, chix Zang hato mongchat, ilaxle chix ma chingcha ju.

ISAIA 40:4

Haxbang pangnusa awang kox; haxnu pangwüi ajitkox. Haxkhobu a haxsha ang achangüi, ilaxle ofün chimüikya nok fün müile zingüi.

JEREMIA 44:10

Anyix kople hünzom puinaikya kha jao matüi. Hünzome ku achuak-achenkya chitüi chichangba hünzom ang tamchu hünzom pupa hwom ang koxle hüikya ku wanlom kax ma laxle hünzom ngole chihüi.

MÜNCHUAK-TSAI 75:10

Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

2 WANGHOMBU 22:19

ilaxle kue Jerusalem hia ima tüile ngokya khünaknu to sikngün fa ang azakya kax atatkya zuma, nang mong alüix tamchu nang nyi-za akyet üntoxle sopngale ku chitong to puile changlax. Kue ija mikngün zong ma za-adünkya tuita tamchu khünaknue ija omün othuak-ozom lom to lün angkya onui tuita ang achangüi. Ikoxlechu kue nang zangjop atatle laxdaoa,

1 WANGHOMBU 21:29

“Ahap-e chix lailai to ku tong to chemle puinaile changpuix nange ngüncha? Chixe ile changkya khoma kue thama chix hato, chix ozün ma ngotanto münapüi, ikoxle Ahap hwom homkha hato kue thama apüi angkya a chix sasün tsünto tix changpu.”

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

LAIPAO 10:3

Ikhoma Mosa hia Arun nyi pao üntoxle wanghompa ang thüi: “Jowanpa Ibri hwom Zang-e, nang a chix tong to münpuipule chemtukux ngotho angkya lüta? Chix khünakbu chix shwom ang pao ang dankox lüta.

ROM NOK HATO ZAKYA POL LAIZA 5:6

Chemthüikoxle fongmix chitüile kem maxle ngoponge, Zange tyakya tuthüt ma, ochax khünakbu hanpakma Khrista zi.

DANEL 5:22

“Ikoxle nang, chix sasün, nang a puinaile chitüi; nange ibu pangnu tsingle ngohupu.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

MÜNCHUAK-TSAI 89:13

Nang chemtukux tsak-zongle tüipuix! Nang janzüi chemtukuxle chongpuix!

2 PUKAX-PANGAO 30:11

Ikoxlechu Ashar, Manasseh hia Zebulun tokya khünakbu, Jerusalem to nguisele tsukyabu chuwüi tüile ngokya.

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

2 PUKAX-PANGAO 36:12

Jowanpa kax akaxle koxkya ajepa Jeremia kax to somdangle chiapa homtoxle chixe Jowanpa zongto ochax lyen.

1 KORIN 10:22

Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

EZEKEL 21:6

“Ziün angkya khünak, nang mongmaxkya tukuxle awaole sopkox. Noknusae nang hu ang koptsuak angkya onui ma awaole sopkox.

JOB LAIPEX 36:22

Zang tsak-zong chemtukux chongpuix ija texle ataklax; chix a nwotmixbu khama akhokya jao changle.

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

LIWI 26:41

oja khoma kue hwom hato tok aho ilaxle hwom mixnok zanpabu haxtok to samle ngo ang koxpuix, ibu ochax pangwüi hünzom su-sabue angaile thailak tüihüile thüiüi. Chemtue hünzom su-sabue hwom ochax hia pupabu ochax bama thathom tsuaklaxle puinaile changüihex,

LAIPAO 32:11

Ikoxlechu Mosa-e Jowanpa chix Zang ma chingcha jule akax: “Jowanpa, nang khünaknu füi nang mong itukuxle chemthüikoxle ma angkya? Ibu a nangtsak nang zong chongkya füi nang Ijip nok tokya alaile apüikya münchangdai hia?

LAIPAO 3:19

Kue awan ngopu, Khüthak Zang chake mamok tanto Ijip nok wanghompa-e hünzom pao ang mündan.

JAKOP 5:10

Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.

TITA 1:3

ilaxle hanpak thütkhak le tüipongkhae chix kaxho makhange chixe ija ngaile ahole. Ija ku chak to koxle tox, ilaxle Zang kem khosünpa kaxtom makhange kue ija apukpu.

EZEKEL 17:21

Chix süpahi müikyabu zanhok ma langüi, ilaxle ozün ma dantoxkyabu a pangnu chito afale pao ang tomüi. Ifüima Jowanpa Khüthak Zang-e kue akaxkya kax ija nange tsingle laxüi.”

1 TIMOTHI 2:6

owae khünaknüsa khosün ang, chix tsün alüile kox laxpuix. Ija a tuita hanpakma asule tüipongma pangnusae wüi khosün kopsele texkya Zang mongtex ngaikya changle,

JAKOP 4:7

Idaile hünzome ma alüile Zang chak to danlax. Bao to abaxlax, jangchangba chix nang thoto paoüi.