1 PITAR 5:3 - OTSAO BAIBEL (BSI)

³ Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

1 PITAR 5:3 ပူးပေါင်းရင်းမြစ်များ

2 THESALONIKA 3:9

Kwome ija, kwom to fong hüile thüi angkya olom müntüile mokkya chichang; kwome ija tuita hünzome anole kop angkya olom tuita ang naxchangle mokpu.

FILIPI 3:17

Kutüi kunaohom, hünzom pangnusae wüi ku thüi anokya taxdan. Kwome hünzom hato ahokya lailaile changkya sütlom mwotlom ahokyabu to khile huhüi.

EZEKEL 34:4

Hünzome shonaile changkyabu to humekya chitüi, kakle ngokya ang okak amüile chikox, thomzün maklax le changkyabu to lop-zingle chikox, samle ngokyabu lomle chiapüi, chichangba maxkya lom ang chipao. Itülüi thüikox hünzome ibu to zongzong ma laxle mok.

2 KORIN 1:24

Kwome hünzom mongong thakma apün awang ang azongkya münchang; ikoxle kwome hünzom füi saxmokkya a hünzom mong amüi ang changwüi; chemthüikoxle hünzom mongong ma shingmongle ajongle tüikya kwome awanpu.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

1 KORIN 11:11

Ikoxlechu Jowanpa ma kem tsün a sheko a lüka zangfang ma ngopu, ilaxle lükachu wüi sheko ziamong ma ngopu, opupuchu tata zünkai to ngokya münchang.

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

1 KORIN 3:5

Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

HUAKE LAIPEX 18:7

Ikoxlechu tö-tsap ma mok angkya zom-zang hia Ataxkya Otsao Nui füikya zom-zang mwot ba hünlit a, nang üntoxle hünsu-hünsa hwom, hünzome tix lax angkya changpu. Ibu bama nang hünlit, chemthüikoxle kue nang ang zompu-zangpa hingho koxdaokoxle. Okho chinguikya khünak owawa otsao tuina hato hüile jangchang thüiningle chix a zi ang tomüi.”

JUHAN 13:15

Chemthüikoxle kue hünzom ang mokle koxkya ningle hünzomechu mok angkya hanpakma, kue hünzom ang olom tuita ahopu.

1 THESALONIKA 1:7

Ikhoma hünzom a Mesidonia hia Akaia angkya mongong mixbu zongto tuita khristan zanglom changle aho angkyabu achangpu.