1 PITAR 5:2 - OTSAO BAIBEL (BSI)

² Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

1 PITAR 5:2 ပူးပေါင်းရင်းမြစ်များ

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

TITA 3:1

Hünzom apün-awangkyabu hia apün-ada angkyabu chak to dan angkya, hwom kax ma lax angkya tamchu pangnu lom ma wüi müikya mok ang achwonle ngo angkya, ibu hünzom khünakbu hama mongto texle atak ang laxkox.

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

1 KORIN 9:7

Masüt-maling füi süpahi ang achang ngokya owa tüi? Grep haxtok manzai laxle ikha angkya oziak chisaxkya mix owa tüi? Tsomti chiling homtoxle chun nyele ngokya nyetmix owa tüi?

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

EZEKEL 34:31

“Hünzom ku chunbu, kue tsomle thomkya müizyem, hünzom a ku khünaknu changle ilaxle ku a hünzom Zang changpu”, le Jowanpa Khüthak Zang-e akaxdaoa.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

ZEKARIA 11:17

Eja laxli chitüikya chunnyetmix a maxdaoa! Chixe chix chunzyem danle toxdaoa. Achax-azankyae chix tsak-zong komkaile olithu angkya changle. Chix chak faishokle maüi, ilaxle chix tsaxchi mik asutle paoüi.”

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

ISAIA 6:8

Ifüima kue Jowanpa kax atat: “Kue opupu apaüi? Kem kaxhomix ang owa changüi?” Kue lan: “Ku paoüi! Ku tomfa!”

TSAITAX-NGAONÜI 1:8

Sheko khama chamüinu, nange onui müntik hexnyi? Paolax, chunzyembu füito azuilax; chunnyetmixbu pom zui ma nange nang zwonbu ang fum atsütkox.

FILEMON 1:14

Ibachu kue nang ma chitik homtoxle ile mokse chitsu; itülüi, kue ija nang küntsu monglua to naxmok le texpu. Idaile nang mong matsu tanto kue ile chemchu münmok.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

ROM NOK HATO ZAKYA POL LAIZA 1:15

Ipue kue, hünzom Rom tingnu ma ngokyabu hamachu Kaxho Müikya apuase tsupu.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”

JEREMIA 13:20

Jerusalem, hulax! Nang zanpabu a shuakux chitokhange nguile ngole! Nang ang hulax-ole koxkya khünaknu omaün, nang khünaknu opang bama nang mongngamle ngokyahex?

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

HUAKE LAIPEX 18:7

Ikoxlechu tö-tsap ma mok angkya zom-zang hia Ataxkya Otsao Nui füikya zom-zang mwot ba hünlit a, nang üntoxle hünsu-hünsa hwom, hünzome tix lax angkya changpu. Ibu bama nang hünlit, chemthüikoxle kue nang ang zompu-zangpa hingho koxdaokoxle. Okho chinguikya khünak owawa otsao tuina hato hüile jangchang thüiningle chix a zi ang tomüi.”

WANGSHEMBU MWOT 20:29

Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

2 WANGHOMBU 12:6

Ikoxlechu Joash-e apünkya zanglao 23 kopkya mong ma zompu-zangpabue Zangshwom-Hom azün-apünle humekya kha chitüi.

EZEKEL 46:24

Ija mixsüne ku ang thüi: “Ibu a Zangshwom-Hom ma mwotmok mixbue khünaknue koxkya töbu lumle chang angkya fongkhabu changpu.”