1 PITAR 4:8 - OTSAO BAIBEL (BSI)

⁸ Pangnusa thakma, tata to chizakle mongkün tüilax, chemthüikoxle mongküne tüpong tüpongkya ochaxbu to chwop khom ang thole.

1 PITAR 4:8 ပူးပေါင်းရင်းမြစ်များ

WANWÜNKAX 10:12

Miktsake hyet adünle, ikoxle mongküne ma zongto thaikya pangwüi alakle.

KOLOSI 3:14

Üntoxle ibu pangnu to mongkün, ojae pangnu li ziakho nguikya notom ma khale thompuix, ijae bokox.

WANWÜNKAX 17:9

Nange ma to khünaknue luakya lomkya jangchang, ma zongto thaile changpongma hwom ang thailakkya tüikox. Thaikya oli mong ma koplax ngokyae zuikhui füi fang angkya alai tsuakle.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

JAKOP 5:20

owae ochax khünak tuita chix ochei lom tokya apüi laxpuix, chixe zise tsyen chasa tuita khosünkya changpu, ile tüle tülekya ochaxbu thailak atak ang tompu le awanlax.

1 KORIN 13:1

Kue khünak zangwünwün komle ilaxle kaxtaimix zangwün to lünle wün ang thokoxlax, ikoxlechu ku ma mongkün chitüi thüikoxle, kukax kungao a na apale thukya büi hongkya chichangba samthukya thatha ang changüi.

1 THESALONIKA 3:12

Jowanpa-e hünzom mongkün tata hanpak ang naxachang ilaxle khünaknu nok hanpakma sütsong-sütsong naxtsong ilaxle hünzom to künkya kwom mongkün tukuxle naxachang.

IBRI 13:1

Khristanbu ningle tata to künkak mongkün füi ngolax.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

WANWÜNKAX 18:13

Nange kaxlan faüi thoto ajangle koplax. Ile chichang thüiningle nang a ongat tamchu mixtha ajaokya tuita ang changpu.

WANWÜNKAX 12:16

Ongat khünak tuita mongtsik pongma thuakjok angkya müntüi, chixe lebama wüi ngaile faüi. Jetüi-hwonlangkya khünake ajao-adakya to na chithaüi.

3 JUHAN 1:2

Chasa ma chemle thoto lele hüipuix, ilailaile mama pangnu lom machu thoto le angkya tamchu nang müimüi zangngaile ngo angkya bama kue zangjoppu.

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

1 KORIN 13:4

Mongkün a mong chingwomkya changle; mongkün a zalokya chichangba tsaichong-kaxbongle tüikya münchang;