1 PITAR 4:3 - OTSAO BAIBEL (BSI)

³ Zang chitsingkya khünakbue mokse tsukya saxmok le hünzome hanpak okhonguile awüt hüidaoa, chemthüikoxle hünzome hünzom tsün chitsao chimaokya, maimong nyakya, mik zalokya, jutok-saxngakya, haox-achaikya, sützik üntoxle nushix dongkya, chapabu shwomkya, ibu lom to koxle hüidaoa.

1 PITAR 4:3 ပူးပေါင်းရင်းမြစ်များ

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

1 THESALONIKA 4:5

otsao hia achuak achenle ma kakonu füi ngo ang awan kop angkya oli.

1 PITAR 1:14

Zang kax ma laxle tüilax, üntoxle nange chemchu chitsingle ngotanto tüikya osing mongzao füi nang im-jo le taxtüi.

GALATIA 5:21

ahak-ahankya; osing-nüfux; mong apamkya; jutok-saxngat; thomsha-khuazong; iningkyabu. Ami pongkya ningle athaxchu kue hünzom ang kaxkhün fapu: Opange iningkyabu saxmok laxüihex, ibue Zang Wangting kop ang müntho.

GALATIA 5:19

Khünak jaopoe chem moklaxpuix, ija a ngaithokya changpu. Ija a ibu changle: Chinunchakkai; nusak-nusüi ilaxle zongzukkya mwot;

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

EZEKEL 44:6

“Alün-aloxle tüikya Israel khünakbu füi, hwome mokle hüidaokya nushix dongkya mwotbu füi Jowanpa kue adu tsuak angkya münchangle thüikox.

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

1 KORIN 12:2

Hünzom songsari ang ngotanto ozün ma ngax chitüikya chapa shwomkya ochei lom to hünzom paole asam thomkya hünzome awan ngopu.

ROM NOK HATO ZAKYA POL LAIZA 13:13

Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

MARK 7:22

chinunchakkai, nüfux, zanglom chimüikya, huxtsing-loptsang, mix-dyen mix-ngankya, kax ma chilaxkya, miktsak mongngwom, Zang adakya, mongngam, tutubaokya,

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

ISAIA 65:4

Zangnak ma hwom a longkun hia zuk-kha to lwompu chasabu füi apong ang pao. Hwome wak-müi sa ilaxle songsari baozangbu ang tö kox angle zingkya töbu kha angkya hwome saxlingle chang.

ISAIA 5:11

Hünzom a maxdaoa! Hünzom juling saxsaxle chang ang swomsae kai wüi zopu, ilaxle zangnak ma chuwüi sudaole jutok ngopu.

2 PUKAX-PANGAO 15:8

Chemtue Asa-e Obed sasün Azariah-e akaxkya jekax atatle laxpuix, chix ang mongchong. Judah hia Benjamin haxtok angkya tamchu hwom Efraim nok angkya kople tüikya tingnubu ma tüikya chapa pangwüi awüt. Chixe Zangshwom-Hom Lopsha ma tüikya Jowanpa tö-tsap zingle amüi.

1 WANGHOMBU 21:26

Israel khünakbu nguipongma Jowanpae ija haxtok angkya jwonle apaokya Amon nokbu lailaile chapa to shwomkya makhange chixe pangnu füi akhokya zakkop ochax mwot mok.)

2 SAMUEL 13:28

ilaxle chix dabu ang adangle fa: “Amnon-e ju okhonguile lingkya to hule ngohüi, ilaxle chemtue kue kaxkoxle changpuix, chix lang kox. Ojao taxza. Ija bama hünlit kue laxlax angpu. Mongchong kox ilaxle cha-ao-mongsao taxtüi!”

JEREMIA 16:11

Ipongma Jowanpa zangwün ija hwom hama apuakox: ‘Hünpu hünpa hwom ku hato tok aho laxle aküile pao ilaxle mama baozangbu to shwom-to tamchu ibu thothale chang. Hwome ku chilaxle awüt ilaxle ku hwon-nwotbu kax ma chilax.