1 PITAR 3:9 - OTSAO BAIBEL (BSI)

⁹ oma lüix to oma chichangba thuakzom lüix to thuakzomle jan anongkya taxtüi; itülüi, mohiman mix laxkox, chemthüikoxle mohiman a Zange hünzom nyakkya zuma hünzom ang koxüile tsaokya changle.

1 PITAR 3:9 ပူးပေါင်းရင်းမြစ်များ

ROM NOK HATO ZAKYA POL LAIZA 12:17

Owawae nang zongto oma mwot jangmok thüikoxle, ochaxchax füi wüi ija to olüix taxkhom. Noke wüi oja müile le texpuix ija mokkox.

WANWÜNKAX 20:22

Thaikya tsangthom angkya nang tata akhang ma taxlax. Jowanpa to onglax jangchangba chixe achangle zingüi.

ROM NOK HATO ZAKYA POL LAIZA 12:14

Hünzom to zothupkyabu hanpakma Zang ang chingcha hüile thüikox; changpu, thuakzomle chichang homtoxle chix ang mohiman hüile thüikox.

1 THESALONIKA 5:15

Owawae oma lüix to oma khom angkya mix jangtüi thüiba hukox, ikoxle tata füi tamchu pang füi wüi jento omüimüi wüi mok angkya nang mongjang ang achangkox.

MATHI 5:44

Ikoxle kue hünzom ang thüipu: Ma zan to mongkün kox ilaxlechu ma zongto chichangle tüikya bama zangjopkox.

EFISIA 4:32

Itülüi Khrista makhange Zange hünzom ang thailak koxkya ningle tata zongto chingchajaja hia jonai ma ngolax.

MATHI 5:39

Ikoxle kue hünzom ang thüipu: thaikya mix owawa tochu hünzome olüix taxkhom. Owawae nang tsaxchi namya ma jangfit thüiningle, chix hato nongchi chuwüi thale ahokox.

WANWÜNKAX 17:13

Nange müikya to oma füi olüix khomle jangchang, nang homkha angkya ochax otuechu atsaile ngo ang müntho.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

IBRI 6:14

Chixe thüi: “Kue nang to mohimanüi, üntoxle nang ang ku sixli faüi le tsaopu.”

KAXHO MÜIKYA LUK 18:18

Jehudi nok apün-adakya mixsün tuitae Jisu ma atüi: “Müikya Nwotmix, oshuk chitüikya khüzün tsün atak ang kue chem moküi?”

KAXHO MÜIKYA LUK 10:25

Wanlom tsingpa tuita tüikya, chix hüi ilaxle Jisu tsünle atüi: “Nwotmix, oshuk chitüikya tsün atak ang kue chem moküi?”

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

ROM NOK HATO ZAKYA POL LAIZA 8:30

Idaile Zange, chixe süile dandaokyabu nyakle; ilaxle chixe opang nyak laxpuix, chix füi muamüi ang tomle; ilaxle opang chix füi muamüi ang koxpuix, hwom füi chixe chix fuazangchu wüi tomhanle.

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

PONGWANG LAIPEX 42:25

Jusep-e hotüi-honao hwom nyitsong ma sax awangle sho ilaxle hwom ngun chatle hwom nyitsong ma wüi shole kox ilaxlechu hwome lomba to sax ang saxtsom shole humele kox angkya kaxkox. Hwome ile wüi mokle kox.

1 SAMUEL 26:11

Chixe wanghompa ang zünle kopkya khünak to kue chakmok-janlangle chang angkya Jowanpae ku abaxhüi! Kemepi chix paxlo hia tipe lanlan laxlax toxhax.”

WANWÜNKAX 28:10

Müikya khünak tuita owawa ochax lom to alyet ang nange tsünle jangchang, nang a ija nang tsün ma manüi. Chemchu chitikkya khünak to a mohimanüi.

GALATIA 3:14

Chasa mongong makhange keme Zang kaxtsao pongle kop angkya hanpakma, Zange Abraham ang tsaodaokya mohiman chix makhangetix mixnokbu ang kox angkya bama Khrista Jisu-e Wanlom thuakzom chak tokya kem khosün.

IBRI 12:17

Hünzome awan, ofüima chixe hopa mohiman laxsele tsu; ikoxlechu chixe ija pongle chilax, chemthüikoxle mikfi tunji le chixe ija lomkoxchu, chixe chem mokdao laxpuix, ija alüix angkya olom chiatak.