1 PITAR 3:8 - OTSAO BAIBEL (BSI)

⁸ Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

1 PITAR 3:8 ပူးပေါင်းရင်းမြစ်များ

ROM NOK HATO ZAKYA POL LAIZA 12:10

Khrista ma tüi-hi-nao ningle tata füi lomlule mong akünkox, ilaxle tata chathua za ang tsukox.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

EFISIA 4:31

Khüt-kopkyabu pangnu, mongtsik hia mongma, ibu füi atsaile ngolax. Akhong-akhakya chichangba adix-adakya tamchu miktsak mongngwom chemchu taxtüi.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

ZEKARIA 7:9

“Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

1 KORIN 12:26

Tuita sik jangngün thüikoxle omik ochak pangwüi sik tomwüi ngünüi; tuita achuak achenle jangchang thüichu pangnu ang tomwüi mongmüi.

MATHI 18:33

Nang to kue chingchakya ningle ma zuikhui da tuita tochu nange chingchase tsyen changle.’

1 JUHAN 3:14

Keme zik dantox daoa ilaxle khüzün hato hüiüna le keme awanpu; keme tüinao tata füi mongkün tüikoxle ija awanpu. Idaile mongkün ma chitüikyabu a athaxchu omang tsakzong fangto ngole.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

IBRI 13:1

Khristanbu ningle tata to künkak mongkün füi ngolax.

2 PITAR 1:7

otsao to khristan künkak mongküne bo; khristan künkak mongkün to mongküne bo; le chang angkya hanpakma hünzome tsuakkya apongle azongle moklax.

1 PITAR 2:17

Pangnusa chathua zale tüikox, mongong ma tüinaohom to mongkünle tüikox, Zang thua zakox, üntoxle chongwang chathua zale tüikox.

MÜNCHUAK-TSAI 103:13

Hopa tuitae sasün to chemle chingcha puix, itukuxle chix chathua zale tüikyabu zongto Jowanpa chingcha tüi.

JAKOP 5:11

Hwome adu tsuakkya khoma keme hwom ang mohimanbu le nyakle. Job-e adukya bamachu hünzome atatdaoa, tamchu oshukma Jowanpa-e chix to mohimankyachu hünzome awanpu. Chemthüikoxle Jowanpa a chingcha hia jajae awang le tüile.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

FILIPI 3:16

Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

ROM NOK HATO ZAKYA POL LAIZA 15:5

Ilaxle adu angkya hia zong adün angkya otong a owa changpuix, Zang chixe, Khrista ningle saxmok koxle ija mongtex tuita hünzom machu tüi ang naxfa;

WANGSHEMBU MWOT 28:7

Imakhange otukuxchu chiatsaile le ija shuazo ma ngokya Pablias haxtokbu tüikya. Chixe hwom wünpwonle kop ilaxle nyix azom kwom chix hom ma mixwün ang ngo.

WANGSHEMBU MWOT 27:3

Ofüi nyix kwome Sidon alop. Julias-e Pol to chingchalaxle hozuibu hato paolaxle mongzom müile nazak ang dan.

WANGSHEMBU MWOT 2:1

Pentekos nyix nguikya zuma Jisu to mongongkyabu pangnusa wüi jongta khama afoxle nui.

WANWÜNKAX 28:8

Koxkya honu bomachu sasün laxkya hia mix shoma ma shomüi ang laxlaxle, ija füi ahak-aluale jangtüi, nang tuina a, mixshix-zasa to chingcha tüikya khünak owawa chak to dong dao angkya changle.

KAXHO MÜIKYA LUK 10:33

Ikoxle Samaria khünak wünham mix tuita ija lom ma hüile ngokya, chixchu ija mixsün nguakle ngokya hato ngui. Ija nguakle ngokya mixsün ngünlaxle chix mongto chingcha dongle hu.

EFISIA 4:32

Itülüi Khrista makhange Zange hünzom ang thailak koxkya ningle tata zongto chingchajaja hia jonai ma ngolax.

FILIPI 2:3

Ma fün müi angkya tata thütlaxle chichangba mixtha naxjao le chemchu taxmok, ikoxle ma füi mix wüi si le thütlaxle tata zongto puinai le tüikox.