1 PITAR 3:5 - OTSAO BAIBEL (BSI)

⁵ Chemthüikoxle kaipongma otsao mixchabue, Zang to monghomkya füi, ma kakopabu fangto puinai le, hwome ma sün amüi ang tom.

1 PITAR 3:5 ပူးပေါင်းရင်းမြစ်များ

1 TIMOTHI 5:5

Zomnu owa she tata ngopuix, she to hume angkya mix owachu chitüi, she e ma monghom Zang ma thom ilaxle she to fonghüile zangnak zangngai zangjople tamchu chix ma jule ngo;

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

KAXHO MÜIKYA LUK 2:37

she zang puli ali nguile zomnu ang achangle hüi). She e chisax chilingle atsaole zangjop hanpak laxle anyixningchu üntoxle awünningchu ojao chidan le Zangshwom hom ma nui.

JEREMIA 49:11

Hünzom khaxsa nao hwom ku ma dantoxlax, kue hwom to hulax angpuix. Hünzom thanu hwome ku to mongong ang tsuak.

WANWÜNKAX 31:30

Jik-naikya a odyen changpu ilaxle sünmüi samdao angkya, ikoxle Jowanpa achuak-achenle tüikya mixcha a achuak angkya wüi.

1 SAMUEL 2:1

Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

IBRI 11:11

Chix azusong khato üntoxle Sarah chuwüi naosom ngui-wang angkya ozya kaile azu füima, mongonge Abraham hopa tuita ang achang ang tom. Chemthüikoxle chix tsaosüt otya ma thom angkya changle le chixe Zang to mongong.

1 TIMOTHI 2:10

Khristan shekobu a müikya mwot mokkya makhange tix awan ang koxkox le müi angkya oli changle. Hwom khoshit nasai chichangba tuizanakom chichangba faxsaxle nyiza laxkya, ibu tokhange münchang.

WANGSHEMBU MWOT 1:14

Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.

WANWÜNKAX 31:10

Mwt-tsuakkya kakonu atak ang chemtukux tsakpuix! Iningkya mixcha a thalix likwün füi ngaxchu achongkya changpu!

EFISIA 5:33

Ikoxlechu ija hünzom hanpakmachu wüi changle; kakopabu noke wüi ma pum-tsa bütukuxle ma kakonu to mongkün angkya changle, ilaxle kakonu noke ma kakopa chathua za ang

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,