1 PITAR 3:1 - OTSAO BAIBEL (BSI)

¹ Ilailaile hünzom kakonubu, hünzom ma kakopabu owawa Zang kax to chiongle tüikoxlechu, ma kakonu zanglom saikha müikya tokhange,

1 PITAR 3:1 ပူးပေါင်းရင်းမြစ်များ

KOLOSI 3:18

Kakonubu, hünzome ma kakopabu chak to dankox, chemthüikoxle khristan tuita ningle ija a hünzome mok angkya oli changle.

EFISIA 5:33

Ikoxlechu ija hünzom hanpakmachu wüi changle; kakopabu noke wüi ma pum-tsa bütukuxle ma kakonu to mongkün angkya changle, ilaxle kakonu noke ma kakopa chathua za ang

1 KORIN 11:3

Ikoxle ibibi zangwün olom hünzom pangnue wüi awan kopkoxle müiüile kue mongto thütkya a: Khünak zongma okhang Khrista changle, kakonu zongma okhang a kakopa changle, ilaxle Khrista zongma okhang a Zang changle.

1 KORIN 7:16

Kakonu, nange ma kakopa sünle kopüi le chem ma awan? Kakopa, nange ma kakonu sünle kopüi le chem ma awan?

PONGWANG LAIPEX 3:16

Mixcha füi chuwüi chixe akax: “Kue nang ang naotüikya zuma sikngün sisile achenüi ilaxle nao ngünkya fuxtsüi-zolitle ngün ang tomüi, ikoxlechu ma kakopa to mongzalokya nang ma tüile ngoüi ilaxle nang a chix fang-fang ma wüi ngoüi.”

1 PITAR 3:7

Ija lailaile hünzom kakopabuechu ma kakonubu füi, mafüi hwom wüi zong chitüikya le tsingkya füi ngo angkya oli changle. Hwom chathua zakox, chemthüikoxle hwomechu wüi hünzom füi tomwüi Zang angkya khüzün hingho mantswon angkya changle. Hünzom zangjop to poxpyen angkya chemchu chitüi angkya kuxma ija moklax.

ROM NOK HATO ZAKYA POL LAIZA 7:2

Namthütba, kako tandaokya sheko tuita a wanlom ma, chix mazi tanto ma kakopa ma akungle kha thomle; ikoxle otue chix ziüihex, chix füi akungle khale thomkya she angkya wanlom khak-kha dakya ang achangpu.

1 KORIN 14:34

tusox ma shekobu dangjajale ngo angkya changle. Hwom ang tu ma zangwün ang chitomüi; Jehudi wanlom ma tüikya ningle, hwom ang lompa hünlix chikoxüi.

MATHI 18:15

“Nang zuikhui owawae nang bama achaxle jangchangba, chix hato paolaxle chix thaikya kha ahole laxkox; ikoxchu ija a hünkhi tatae huxsa ma mokkox. Chixe nang kax ma janglax thüiningle nange hüntüinao kop ang thodaoa.

KOLOSI 4:5

Hanpak omüi otwon manle, mongong mix chichangkyabu zongto hwon zaile mokkox.

IBRI 11:8

Zange chix ang koxüihex le tsao saxkya chaxwan to laile pao ang nyak pongma Abraham ang Zang kax ma lax ang tom. Chix ochichi to pao angkya hex opak chitik homtoxle chixe ma chaxwan danle tox.

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

WANWÜNKAX 18:19

Ma haxnu-homsabu to asunkya tüikox, shingmongkya long katuke tingnu tuita kho-awa thomkya ningle hwome nang kho-awa thom angkya changle. Ikoxle nange hwom to ahele jangchang, hwome nang ang kadaple münfaüi.

WANWÜNKAX 11:30

Otsaoe khüzün fale, changnong-pünthomle tüikyae ija paole.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

ROM NOK HATO ZAKYA POL LAIZA 10:16

Ikoxlechu hwom pangnusae Kaxho Müikya pongle chikop. Isaia chix jaojaoe akaxle “Jowanpa, ku kaxho to owae ong?”

1 PITAR 3:2

thüikoxle hünzom chathua zakya hia tsaothakya zanglom saikha ngünlaxle, Zang kax füi chichang koxlechu iningkya makhange thüingaxchu hwom kop ang tho angkya bama, ma kakopabu fangto puile ngolax.