1 PITAR 2:5 - OTSAO BAIBEL (BSI)

⁵ Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

1 PITAR 2:5 ပူးပေါင်းရင်းမြစ်များ

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

MIKNGÜN-OHÜN 5:10

Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

ISAIA 61:6

Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

MIKNGÜN-OHÜN 20:6

Ija pongwang lükya zidaokya azangle zokya khama womkyabu a tüle mongmüi tamchu mohiman changle. Anyi lükya zike hwom to chemthüi ang müntho; hwom a Zang hia Khrista nguapabu ang achangüi, ilaxle hwome chix füi tomle zangpua hajat tuita apünüi.

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

MIKNGÜN-OHÜN 3:12

Zan to anaokya mix kue ku zangshwom-hom ma thong tuita ang achangüi, ilaxle chixe ija otuechu danle müntoxüi. Kue chix ma ku Zang mün zaüi, ija a hozün Jerusalem changüi, oja ku Zang tokhange zangkangting tokya jukya changpuix. Chatlechu kue chix ma ku mün zaüi.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

ISAIA 66:21

Kue hwom züizüi a nguapabu ang tamchu Liwi hwom angle zingüi.

MÜNCHUAK-TSAI 50:23

Münchong fakya a ku achuakle tö koxkya changpu, ku kax ma laxle tüikya pangnusa kho kue sünüi.”

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

MÜNCHUAK-TSAI 141:2

Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi.

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

WANWÜNKAX 9:1

Je-hwone she hanpakma hom zaile ilaxle ija hanpakma thong anüt zaile.

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

TSAITONG-KAXTONG 18:2

Hwome mama homjenbu lailaile haxtok münkopüi; ikoxle Jowanpae tsaodaokya ningle, zompu-zangpabu ang achangle Jowanpa thotha angkya a hwom süntswon changpu.

1 WANGHOMBU 7:11

Ibu oding ma sedar püntsi dan angkya othüt ma mama longbu tüikya.