1 PITAR 2:4 - OTSAO BAIBEL (BSI)

⁴ Khünaknue chilaxli le awüt ikoxle Zange ija achongkya le kamle lax, ija Jowanpa ozün ma tüikya long hato oman.

1 PITAR 2:4 ပူးပေါင်းရင်းမြစ်များ

1 PITAR 2:7

Mongongkyabu hanpakma ija long a thalix changpu; ikoxle chiongkyabu zongto ija a: “Zingpabue chilaxli le awütkya long; homkom-longnu akhokya tuita ang achang.”

ISAIA 28:16

Athax, ija a Jowanpa khüthak Zang-e akaxkya kax changle: “Kue Zaion ma othong mongkya tamchu oshing mongkya nui-ting tuita hanpak ang kue homkom-longnu tuita küile ngopu; ikhama ile zakya tüile, ‘Mongong shingmongkya a okuilole adukya chu changpu.’

KOLOSI 3:4

Hünzom khüzün tsün otsingtsing a Khrista changle ilaxle otue chix ngaiüihex, izuma hünzom chuwüi chix füi tomle ngaiüi ilaxle chix fuazangkya süntswon ma womüi.

ZEKARIA 3:9

Kue Jihusua tunthoma long tuita othün anüt füikya danpu. Kue ija ma münwan zale thomüi ilaxle ija haxtok angkya ochax nyixtakya hanpak mawüi awüt faüi.

DANEL 2:34

Nange ija to hule ngopongma, owaechu ija to ponokya chitüikhato zakkho to longnu akhixle tsunle düt, ijae jan hia komhax füi zingle tüikya ija chapa ocha to thuple ibu apakle akhix.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

JUHAN 14:19

Noxta ngokya füima, chaxwannue ku münngünüi, ikoxlechu hünzome a ku ngün ang kopüi; tamchu ku ozün ma tüikoxle hünzom chuwüi ozün ma ngo angkya changle.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 6:57

Chemle ozün ma tüikya Apae ku tsanle ajo puix, ija lailaile chix kuxma tix ku ozün ma ngopu. Ija ningle owae ku müi saxlaxpuix, chixchu ku khoma tix ozün ma ngo angkya changle.

JUHAN 6:37

Apae ku ang koxkyabu pangwüi ku hato hüiüi ilaxle kue hwom otuechu münachatüi;

JUHAN 5:40

Ikoxlechu hünzom a khüzün kop ang ku hato hüise le chitsu.

JUHAN 5:26

Hopa chemle khüzün otong hex ija lailaile Hosachu wüi khüzün otong ang achangdaoa.

MATHI 21:42

Jisu-e hwom ang thüi: “Homzing mixbue chilaxle, awüt thomkya long; homkom-longnu ta ang achangüi”, le thüikya kha Otsao Lai hünzome ele maano hia? Ija a Jowanpa-e mok ang tho angkya ikoxlechu mikngün ma chemtukuxkya ohünotün hex!

MATHI 12:18

“Kue kamle kopkya ku da ikhama tüile; owa to kue mongkün puix tamchu ku mongzom müipuix. Kue ku chasa chix ma ajoüi, ilaxle chixe ku kaxpfün chaxwannu hato apuküi;

MATHI 11:28

“Hünzom hünlix hünkya hia najuale maxkyabu pangnu, ku hato oman, kue hünzom ang nazak faüi.

ZEKARIA 4:7

Ipong chongkya haxnu ningkya lombax-saibangkyabu nang tuntho angkya paole samüi. Nange Zangshwom-Hom azünle zaiüi. Nange akiakya long onui ma danle tsuakkya füi tomle khünaknue, ‘Müihule, müihule, le akhongüi!’”

DANEL 2:45

Owaechu ponole chichang khato haxkho tokya longnu hele dütle akhix paokyachu nange ngünle laxpu ilaxle ija longe, jan, long komhax, khop hia hun, ibu füi zingle tüikya chapa to thuple changkyachu nange ngünpu. Wanghompa, achongkya Zang-e athax füichi ma chemle chang angkya hex ibu nang füi zangwünkya kax changpu. Nange ngünkya wünmang chemle ngünpuix ija kue nang hama wünle koxdaoa, ilaxle ija chem hanpak-hex ijachu otsingtsing wünle fadaoa.”

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

1 KORIN 3:11

chemthüikoxle tale thomdaokya hom owa Khrista changpuix, chix boma mama hom owaechu münta angkya changle.