1 PITAR 2:3 - OTSAO BAIBEL (BSI)

³ Otsao Lai-e thüile, “Jowanpa a müikya changpu le hünzome wanlax tamchu hulax.”

1 PITAR 2:3 ပူးပေါင်းရင်းမြစ်များ

MÜNCHUAK-TSAI 34:8

Jowanpa chemtukux müipuix ija nang hanpak ang lomle ataklax. Chix ma chalomlule ngo ang atakkyabu a mongmüi mixbu changle.

MÜNCHUAK-TSAI 63:5

Ku chasae fongsaxüi ilaxle mongzom müikya tüiüi, ilaxle kue nang hanpakma mongmüi tsaibu ngaoüi.

ZEKARIA 9:17

Ija chaxwan chemtukux müi tamchu chemsa ningle osün müile changüihex! Ija ma tüikya saxziak hia grepti-ju füi tsünzün hwom tüle tsak-zongle changüi.

MÜNCHUAK-TSAI 24:8

Ija fuazangkya chongwangpa a owa? Chix a tsak-zongkya tamchu pangnu to lüttsuakkya Jowanpa changle. Jowanpa, chixe azankya pangnu to lüt.

TSAITAX-NGAONÜI 2:3

Faonu mongto pün khama apel pünbu ningle, chamüinu hwom tu ma ku mowünnu. Ija zangkhung ma ku lüise tsule, nang ziak-jum chu ku tunza ma ti ang.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

TITA 3:4

Ikoxlechu otue kem khosünpa Zang chingcha hia mongkün ngaile ahopuix,